Matayi 12:14 - ULufingwi uLupwa

¹⁴ Ileelo aVhafalisaayi vhaala vhahafuma panzi nu kupanzanya vwe vhamugoje uYeesu.

Tesitamenti Umupwa 1965

¹⁴ AvenʼavaFalisayi nyene vahafuma kunzi, vahayangana vahalondolʼidala lya kumugoga.

Matayi 12:14 ပူးပေါင်းရင်းမြစ်များ

Matayi 26:4

Vhahapanzanya kumulema uYeesu ku vhushevu nu kumugoga.

Matayi 27:1

Lwe kwasha inzanshi, avhapiti avha vhapuuti vhonti pooka na vhasongo avha Vhayuuda vhahapanzanya vwe vhamugoje uYeesu.

Maliko 14:1

Zyasyala insiku zivhili kufiha pa shikulukuulu isha Pasaaka ni sha makaati ge vhataluziizye. Avhapiti avha vhapuuti na vhasambiilizi avha ndajizyo vhahalondolaga idala ilya kumulema uYeesu ku vhushevu nu kumugoga.

Maliko 3:6

AVhafalisaayi lwe vhaalola vwe uYeesu amuvhombela umuntu ula, vhahasogola kupanzanya na vhatuuli avha Heelodi vwe kwe vhamugoje uYeesu.

uLuuka 22:2

Avhapiti avha vhapuuti na vhasambiilizi avha ndajizyo, vhahalondolaga idala ilya kumugojela uYeesu. Vhahavhombaga izyo ku vhuzigizigi, mwe pe vhahavhogopaga avhantu.

uLuuka 6:11

AVhafalisaayi na vhasambiilizi avha ndajizyo vhahaviitwa nkaani, vhahapanzanya vhahati, “Tumuvhombe ishooni uYeesu uno?”

Yohani 10:31

Pe aVhayuuda vhamo lwe vhiivwa izyo, vhahanda kusevha amavhwe havhili, inga vhamuhome nu kumugoga uYeesu.

Yohani 10:39

Lwe aVhayuuda vhamo vhiivwa izyo, vhahanzaga kumulema havhili, ileelo uYeesu ahapulumuha mu nyoovhe zyavho.

Yohani 11:53

Pe kufuma isiku ilyo, avhalongozi avha Vhayuuda vhahanda kulondola idala ilya kumugoga uYeesu.

Yohani 11:57

Pe avhapiti avha vhapuuti na Vhafalisaayi vhahalajizya kuuti umuntu wonti inga aamanya kwe uYeesu ali, asogole avhavhuuzye, inga vhamuleme.

Yohani 5:18

Kufumiilana niizyo, avhalongozi avha Vhayuuda vhahanda kulondola idala ilya kumugoga uYeesu. Vhahanzaga kumugoga, te kuuti, mwe pe atahashindihaga isiku ilya Sabaato vhweleele, nkandi, mwe pe ahayangaga ahatinji, uMulungu wu Yise waakwe. Kwi idala ilyo, álolesile akuyivhiiha kuuti ali inza uMulungu.

Yohani 7:30

Lwe avhantu ivho vhiivwa izyo, vhahalinga kumulema, ileelo atáliipo umuntu we ásheleeye kumulema, mwe pe ahavhaliilizyo haakwe háshiili kufiha.

Yohani 7:32

AVhafalisaayi vhahiivwa ivhungaana ilya vhantu vhakunongʼona izyo. Pe avheene na vhapiti avha vhapuuti vhahavhasonteelezya avhasikaali, inga vhamuleme uYeesu.

Yohani 7:44

Vhamo vhahanzaga kumulema, ileelo atáliipo umuntu we álinzile kumulema.

Yohani 8:59

Lwe aVhayuuda vhiivwa izyo, vhahasevha amavhwe inga vhamuhome nu kumugoga, ileelo uYeesu ahazyihama nu kufuma pa Nyumba iMfinjile.