Matayi 11:28 - ULufingwi uLupwa

²⁸ “Nzaaji kuli ine imwe mwenti mwe mukuyimvilwa nu kunyatula amaligo amamwamu, ine kwe mbape ulutuuzyo.

Tesitamenti Umupwa 1965

²⁸ Nzagaji kukwane mwenti mwe muṿunzisile mwe vanyatulʼamaligo, pʼine mbapanjʼuvutuzyo.

Matayi 11:28 ပူးပေါင်းရင်းမြစ်များ

Matayi 11:29

Mwitishe kulongolwa niine, ngati nkambaku zye zipinyiilwe ni ijooko, musambiilile kuli ine, mwe pe ine ne mutonsu havhili njisiizye mu mwoyo waane, pe niimwe kwe muvhe nu vhutehamu mu mooyo giinyu.

Matayi 23:4

Avheene vhakupinya amaligo amamwamu nu kuvhavhegazya avhantu mu vipungo vwavho, ileelo avheene vhatakwanza kugolosya poosye nga lusamba ulwa nyoovhe zyavho kuvhaavwa kuvhegala.

Yohani 6:37

Avhantu vhonti vhe uTaata waane akumpa, vhakwinza ku kwane nu kuniitiha. Havhili ine ntakumuhaana umuntu we akwinza ku kwane.

Yohani 7:37

Isiku ilya vhusililishilo ilya shikulukuulu isha vwegwi, lyáli lisiku ipiti nkaani. Pe uYeesu ahimiilila pa Nyumba iMfinjile, ahayanga kwi izwi ipiti ahati, “Umuntu wonti we ali ni shinyooto, ayinze ku kwane amwele.

iMbombo izya Vhatumwa 15:10

Ileelo imwe mukuvhavhegazya avhalandati umuligo, we avhataata vhiitu niiswe tutávhweziizye kuwuvhegala. Isho kwe kumulinga uMulungu!

iMbombo izya Vhatumwa 20:35

Mu zyonti zye nkavhombaga, nkavhalolesyaga imwe kuuti, muvhombaje imbombo ku mute, mwe pe tukwanzilwa kuvhaavwa avhayeyevhazu. Tukumbuhaje amazwi ge uMwene uYeesu wuuyo áyanzile átili, ‘Vhuloote nkaani kufumwa kuluusya kuposheela.’”

VaGalati 5:1

UChilisiti atusatuuye, inga tuvhe twe vhasatushe. Ishi musimpe ku maha, mutahiitishe kuvha mwe vhazya avha ndajizyo havhili.

2 VaTesaloniki 1:7

nu kuuvhapa ulutuuzyo imwe mwe mukuyimvilwa pooka niiswe. Alivhomba izyo lwe uMwene uYeesu akugaluha kufuma ku mwanya nu mwilo uwa mwoto, pooka na vhahavhizya vhaakwe avha maha.

VaHebuli 4:1

Pe ishi, mwe pe ulufingwi ulwa Mulungu ulwa vhantu kwinjila pa lutuuzyo lwakwe luli she luliipo, pe twogopaje, inga atahinze avhe umuntu inga wooka muli imwe uwa kupootwa kwinjila penepo.

Ishitushizya 22:17

UMupepo uMufinjile na we akunyatulwa vhakuti, “Nzaaga!” Woope we akwivwa ati, “Nzaaga!” Woope we ali ni shinyooto ayinze, we akwanza, anyatule aminzi ge gakufumwa uvhulanzi pa vhweleele.