Matayi 11:18 - ULufingwi uLupwa

¹⁸ “Nkuvhaholanya vhwevhulo, mwe pe uYoohani áyinzile, atahalyanga, poosye kumwela, avhantu vhátili, ‘Ali ni mpepo inkandamanu.’

Tesitamenti Umupwa 1965

¹⁸ ShʼayinzilʼuYohani ahasita nukulya nukungʼwela, pe vahati: Ali nimpepʼimbivi.

Matayi 11:18 ပူးပေါင်းရင်းမြစ်များ

Matayi 10:25

Umusundikwa akwanzilwa kuvha inza umusambiilizi waakwe, woope umuzya akwanzilwa kuvha inza umwene waakwe. Inga vhakumwita umuhaata nyumba kuuti wu Belizabuuli, vhuli, te vhahavhiite avhantu avha mu nyumba yaakwe izina ivhiivhi nkaani?”

Matayi 11:17

‘Twávhahomeeye ilonji, ileelo mutímvile! Havhili twávhateleleeye inyimbo izya vhuswimiilizu, ileelo mutálosiizye!’

Matayi 3:4

UYoohani ahazwalaga amenda ge gásoniilwe na masepe aga ngamila, nu kuyipinya ni ilamba ilya ikwembe mu musana. Havhili ishaakulya shaakwe sháali vhe vhamakanta nu vhwushi.

Matayi 9:34

Ileelo aVhafalisaayi vhahati, “Akushimbizya impepo inkandamanu ku maha aga mupiti uwa mpepo inkandamanu!”

Maliko 3:22

Avhasambiilizi avha ndajizyo izya Moose vháfumile ku Yelusaleemu vhahafiha kwa Yeesu, vhahati, “Alemwilwe nu Belizabuuli umupiti uwa mpepo inkandamanu. Akushimbizya impepo inkandamanu ku maha aga Belizabuuli!”

uLuuka 1:15

mwe pe uMWENE uMulungu alimuvhiiha kuvha mupiti. Umwana uyo atahamwele idivaayi, poosye ishintu shonti she shikuhola. Amaha aga Mupepo uMufinjile galiivha nawo kufuma ahavhaliilizyo he ali mu lwanda mwa maayi waakwe.

Yohani 10:20

Avhinji mu Vhayuuda ivho vhahayanga vhahati, “Uno ali ni mpepo inkandamanu ye yimuvhiisile kuvha wu shipena. Kuli lilonka vhuli kumutejeelezya umuntu uno?”

Yohani 7:20

Ivhungaana ilya vhantu lihamwamula lihati, “Iwe uli ni mpepo inkandamanu! Vhuli, wu naanu we akwanza kukugoga?”

Yohani 8:48

AVhayuuda vhaala vhahamuvhuziilizya uYeesu vhahati, “Vhuli, tutakuyanga uvhwanalyoli lwe tukuti iwe we Musamaliya nu kuuti uli ni mpepo inkandamanu?”

Yohani 8:52

Pe aVhayuuda vhaala vhahamuvhuuzya uYeesu vhahati, “Ishi twamanya kuuti iwe uli ni mpepo inkandamanu! UAabulahamu na vhakuvhwi vhahafwa, ileelo iwe ukuti, ‘Umuntu wonti we akulandata zye nkusambiilizya, te ahaafwe naalumo.’

iMbombo izya Vhatumwa 26:24

Lwe uPaavhuli akujendeelela kuyanga izya kuyipoha, uFeesito ahayanga kwi izwi ipiti ahati, “We Paavhuli! Uli ni shipena! Kusambiilila kwaho nkaani kwakuteezya injeele!”

1 VaKolinti 9:27

Ileelo nkuwuyimvwa nu kuwuvheelezya umuvhili waane kujimbiilila, inga lwe navhakumusizya avhanji Izwi iLyinza, uMulungu atahinze ankaane.