Matayi 10:8 - ULufingwi uLupwa

⁸ Muvhaponiaje avhavhinu nu kuvhazyusya avhafwe nu kuvhazelufwa avha mambombo nu kushimbizya impepo inkandamanu. UMulungu avhapiiye pa vhweleele, pe ishi, niimwe mufumwaje pa vhweleele.

Tesitamenti Umupwa 1965

⁸ muhazuzuvushizyʼavavinu, muhazyusye navafwe, muvatelefwajʼavamambombo, muhavinje nimpepʼimbivi. Yenyi mbapiye vwelele, namwe muhavapanje vwelelʼimwe.

Matayi 10:8 ပူးပေါင်းရင်းမြစ်များ

Matayi 10:1

Pisinda, uYeesu ahavhiita avhasundikwa vhaakwe 12, ahaavhapa amaha aga kushimbizya impepo inkandamanu nu kuponia amavhinu gonti nu vhuyeyevhazu uvhwa mavhiila mu mavhiila.

Matayi 10:7

Lwe mukujenda, mukumusyaje mutinji, ‘Uvhumwene uvhwa Mulungu vhupalamiiye.’

Matayi 10:9

Mutahanyatule insavhaazya izya sahaabu, poosye izya mpiiya, poosye izya shaaba mu mfuuku zyinyu.

Maliko 16:18

Inga vhaalema injoha, poosye inga vhangamwela vwe vikuhola, te vivhavhombaje naashimo. Havhili kwe vhavhavhishilaje inyoovhe avhavhinu, vhoope kwe vhaponaje.”

uLuuka 10:9

Muvhaponiaje avhavhinu vhe vhali mu nkaaya iyo. Muvhavhuzyaje avhantu vhonti kuuti, ‘Uvhumwene uvhwa Mulungu vhupalamiiye kuli imwe!’

iMbombo izya Vhatumwa 3:6

Ileelo uPeeteli ahamuvhuuzya ahati, “Ine ntali ni mpiiya, ileelo lye ingavhomba, kwe nkuvhombele. Ku maha aga izina ilya Yeesu Chilisiti uwa ku Naazaleeti, yimiliila ujendaje!”

iMbombo izya Vhatumwa 4:30

Lwe tukulumbiilila, ulolesyaje amaha gaaho aga kuvhaponia avhavhinu nu kuvhomba ivilolesyo ni zya kusukumizya kutuushila kwi izina ilya Yeesu umuvhomvi waaho umufinjile.”