Matayi 10:42 - ULufingwi uLupwa

⁴² Nalyoli nkuvhavhuuzya kuuti, umuntu wonti we akuumupa aminzi aga kumwela, wooka muli ivha vhe vhakuloleha vhatahondeeye, mwe pe mulandati waane, uMulungu aliimupa amalipilo gaakwe.”

Tesitamenti Umupwa 1965

⁴² Wope wʼamungʼwesizye woka uwa vansʼiva lwe lupindi lwoka ulwa minzʼamahata she musundikwa, nalyoli nkuvavuzyʼine nkuti: Amalipilo gakwe atalitegwa.

Matayi 10:42 ပူးပေါင်းရင်းမြစ်များ

Matayi 18:10

“Muvhanje minso, mutamusufwaje wumo mu vhansi ivha! Nkuvhavhuuzya kuuti, avhahavhizya vhaavho ku mwanya, ahavhaliilizyo honti vhali pilongolela ilya Taata waane uwa ku mwanya.

Matayi 18:14

Vhwevhulo, woope uTaata wiitu uwa ku mwanya atakwanza kuuti wumo mu vhansi ivha ateeje.”

Matayi 25:40

Pe ine ne Mwene ndivhaamula ndiiti, ‘Nalyoli nkuvhavhuuzya kuuti, lyonti lye mwámuvhombeeye wumo mu vhamwitu ivha vhe te vhamwamu, mwámbombeeye neene.’

uLuuka 17:2

Yaamile kwashi umuntu uyo kupinyiilwa ulwala mu nsingo yaakwe, nu kusumbilwa mwa sumbi, kuluusya amayimba ge galimwaga, mwe pe amupelela wumo mu vhansi ivha kuvhomba uvhutalamalandu!

uLuuka 6:35

“Ileelo imwe, muvhakundaje avhalugu vhiinyu, muvhavhombelaje inyinza nu kuvhapavhila ishisita kusuuvhila kuuti vhalivhagalusizya. Inga mukuvhomba izyo, uMulungu alivhalipa ivwinji. Havhili muliivha mwe vhaana vha Mulungu uMupiti uwa ku Mwanya, mwe pe uweene mwinza poosye na ku vhe vhatakumusalifwa na vhavhiivhi.

2 VaKolinti 8:12

Inga umuntu akufumwa ku lusungwo lwakwe, uMulungu akuposheela, mwe pe uMulungu akuposheela kulandatana na vwe umuntu ali navwo, te kuuti vwe atali navwo.

VaHebuli 6:10

Mwe pe uMulungu mugolosu, atangaziluvwa imbombo inyinza zye mukuzivhomba. Havhili atangashiluvwa ishikunzi she mwáshilolesiizye ku kwakwe kuvhaavwa avhafinjile avhamwinyu kufuma ku vhwandilo kufishila ishi.