Matayi 10:4 - ULufingwi uLupwa

⁴ Siimoni we ahayikungulaga kulwila insi yaakwe nu Yuuda uwa ku Kaalyoti, we pisinda ámwaniliiye uYeesu.

Tesitamenti Umupwa 1965

⁴ nuSimoni uwa mu-Kana, nuYuda uwa mu-Kalyoti wʼamwaniliye ulwa pisinda.

Matayi 10:4 ပူးပေါင်းရင်းမြစ်များ

Matayi 26:14

Pe uYuuda uwa ku Kaalyoti, we áamile wooka mu vhasundikwa 12 avha Yeesu, ahasogola ku vhapiti avha vhapuuti,

Matayi 26:15

ahavhavhuziilizya ahati, “Kwe mumpe ishooni inga namwaniila uYeesu?” Pe vhahaamupa impiiya insavhaazya 30.

Matayi 26:2

“Inza vwe mumanyile, zyasyala insiku zivhili kufiha pa shikulukuulu isha Pasaaka. Ine ne Mwana wa Aadamu kwe vhananiile, inga nkomeelwe pa shihovhenkanyo.”

Matayi 26:47

Ahavhaliilizyo hehaala uYeesu lwe akuyanga, uYuuda, we wooka mu vhasundikwa 12 ahafiha ni ivhungaana ipiti ilya vhantu vhe vháamile na mapanga ni nduugu. Avhantu ivho vháfumile ku vhapiti avha vhapuuti na vhasongo avha Vhayuuda.

Matayi 27:3

Pe uYuuda, we ámwaniliiye uYeesu, lwe aalola kuuti uYeesu alongwa kumugoga, umwoyo wuhamuvhavha. Ahanyatula insavhaazya ziila 30 nu kuzigalusya ku vhapiti avha vhapuuti na vhasongo avha Vhayuuda.

Maliko 14:10

UYuuda uwa ku Kaalyoti, we áamile wooka mu vhasundikwa vhaala 12, ahasogola kumwaniila uYeesu ku vhapiti avha vhapuuti kuuti avhalongole kumulema uYeesu.

Maliko 14:43

Ahavhaliilizyo hehaala uYeesu lwe akuyanga, uYuuda we wooka mu vhasundikwa 12 ahafiha ni ivhungaana ilya vhantu vhe vháamile na mapanga ni nduugu. Avhantu ivho, avhapiti avha vhapuuti na vhasambiilizi avha ndajizyo izya Moose na vhasongo vhávhasonteleziizye.

uLuuka 22:3

USeetano ahamwinjila uYuuda, we vhahatinji uwa ku Kaalyoti. Umuntu uno áamile wooka mu vhasundikwa avha Yeesu 12.

uLuuka 22:47

Lwe uYeesu akuyanga izyo, lihinza ivhungaana ilya vhantu vhe uYuuda ávhalongooye. UYuuda uyo we wooka mu vhasundikwa vhaakwe 12. Pe uYuuda ahamupalamila uYeesu, inga amwofwe.

Yohani 13:2

UYeesu na vhasundikwa vhaakwe vhahatendama kulya ishaakulya isha hamazuuvha. Ahavhaliilizyo iho uMukwalanzi ápezile ayinjila mu mwoyo uwa Yuuda umwana wa Siimoni uwa ku Kaalyoti, inga amwaniile uYeesu.

Yohani 6:64

Ileelo vhaliipo vhamo pahati yiinyu vhe vhakuhaana kuniitiha.” UYeesu áyanzile vhwevhulo, mwe pe ámanyile kufuma ku vhwandilo, kuuti vhe vha naanu vhe vhakuhaana kumwitiha, nu kuuti wu naanu we alimwaniila.

Yohani 6:71

Ipa uYeesu ahamuyangaga uYuuda, umwana wa Siimoni we ahafumaga mu nkaaya iya Kaalyoti. Uno we pisinda ámwaniliiye uYeesu, pooka nu kuuti áamile wooka mu vhasundikwa vhaala 12.

iMbombo izya Vhatumwa 1:13

Lwe vhinjila mu nkaaya, vhahazuvha mu shumba isha pamwanya mu nyumba injelenkanu, vhahinjila mu shumba isho, mwe vhahatendamaga. Ivho vháamile vhe vha Peeteli nu Yoohani nu Yaakobu nu Andeleeya nu Fiilipo nu Toomasi nu Batolomaayo nu Mataayi. Avhamwavho vháamile vhe vha Yaakobu umwana wa Alufaayo nu Siimoni we ahayikungulaga kulwila insi yaakwe nu Yuuda umwana wa Yaakobu.

iMbombo izya Vhatumwa 1:25

inga apwanile pa mbombo iya vhutumwa ye uYuuda aayilesile, aafwa nu kusogola pe pamuhondeeye wuuyo kuposheela isunde.”