Matayi 10:27 - ULufingwi uLupwa

²⁷ Zyonti zye nkuvhavhuuzya mu shiisi, muziyangaje mu vhuzelu. Havhili, zyonti zye mukuzyivwa kukwilu, muzikumusyaje apazelu.

Tesitamenti Umupwa 1965

²⁷ Zyenga nkuvavuzya kukwilu, muhaziyanjʼapazelu. Zyenga mukunongʼonelwa mumakutwi, muhazikumusyaje pamwanya panyumba.

Matayi 10:27 ပူးပေါင်းရင်းမြစ်များ

Matayi 24:17

Umuntu we ali pamwanya pa nyumba atahiishe nu kwinjila mu nyumba, inga anyatule ivintu vwakwe muumwo, nkandi ayiishe nu kushimbila.

uLuuka 12:3

Vhwevhulo, zyonti zye mukuyanga ku shiisi, ziliyivwiha apazelu. Havhili, zyonti zye mukunongʼonelana kwi iziiho, vhalizikumusya apazelu.”

uLuuka 8:10

Ahavhavhuuzya ahati, “Imwe uMulungu avhapiiye kuzimanya izya kukwilu izya vhumwene vhwakwe. Ileelo avhanji nkuvhasambiilizya ku viholanyo, inga ‘vhenyaaje, zye nkuvhomba, ileelo vhatazilolaje. Havhili vhatejelezyaje zye nkuyanga, ileelo vhatazimanyinsanyaaje.’

Yohani 16:1

UYeesu ahajendeelela kuyanga na vhasundikwa vhaakwe ahati, “Navhavhuuzya zyonti izi, inga mutahaaleshe kuniitiha.

Yohani 16:13

UMupepo uyo we alivhalolesya uvhwanalyoli, lwe ayinza kuli imwe, alivhalongola kuvhulandata uvhwanalyoli vhwonti. Te ahayangaje ku maha gaakwe wuuyo, aliyangaga zye azyivwa nu kuvhavhuuzya zye zilifumila.

Yohani 16:25

UYeesu havhili ahati, “Navhavhuuzya zyonti izi ku viholanyo. Ileelo ahavhaliilizyo hakwinza he te nkayangaje niimwe havhili ku viholanyo, ndivhavhuzyaga apazelu izya Taata.

Yohani 16:29

Pe avhasundikwa vhaakwe vhahamuvhuuzya vhahati, “We Musambiilizi, ishi wanda kuyanga niiswe apazelu ishisita iviholanyo!

iMbombo izya Vhatumwa 17:17

Kuli izyo, ahayangaga mwi isinagoogi na Vhayuuda na vhantu avhanji vhe vhahamunyilaga uMulungu. Havhili amanda gonti, ahayangaga na vhantu vhe ahahomaanaga navho ku nsokooni.

iMbombo izya Vhatumwa 5:20

“Sogooli mwimiilile ku Nyumba iMfinjile, muvhavhuuzye avhantu amazwi gonti aga vhulanzi uvhwa shiima.”

iMbombo izya Vhatumwa 5:28

“Twaavhahaanile ku maha kuuti, mutasambilizyaje avhantu izya Yeesu! Ileelo mukujendeelela kukumusya insambiilizyo zyinyu mu nkaaya yonti iya mu Yelusaleemu, mukwanza yiloleshe kuuti niiswe tuli nu mulandu uwa kumugoga!”

2 VaKolinti 3:12

Ishi, mwe pe tuli nu lusuuvhilo ulwa lufingwi ulupwa, lwe lwa shiima, tuli nu vhudandamazu kuvhomba imbombo.