Matayi 10:25 - ULufingwi uLupwa

²⁵ Umusundikwa akwanzilwa kuvha inza umusambiilizi waakwe, woope umuzya akwanzilwa kuvha inza umwene waakwe. Inga vhakumwita umuhaata nyumba kuuti wu Belizabuuli, vhuli, te vhahavhiite avhantu avha mu nyumba yaakwe izina ivhiivhi nkaani?”

Tesitamenti Umupwa 1965

²⁵ Inga numusundikwa ali fwe musambilizi wakwe, wope pe vovulo, inga numunyamata ali fwe wumwene wakwe, wope pe vovulo. Ingʼumuhatanyumba vamupiyʼilya Belizibuli, pe vati vavaleshe lelo avanyumba yakwe?

Matayi 10:25 ပူးပေါင်းရင်းမြစ်များ

Matayi 12:24

Ileelo lwe aVhafalisaayi vhiivwa izyo, vhahayanga vhahati, “Umuntu uno akushimbizya impepo inkandamanu ku maha aga Belizabuuli, umupiti uwa mpepo inkandamanu!”

Matayi 12:27

Ishi, inga ine nkushimbizya impepo inkandamanu ku maha aga Belizabuuli, pe avhasundikwa vhiinyu vhakushimbizya ku maha aga naanu? Kuli izyo, avhasundikwa vhiinyu vhe kwe vhalolesye kuuti zye mukusiivha te zya nalyoli.

Matayi 9:34

Ileelo aVhafalisaayi vhahati, “Akushimbizya impepo inkandamanu ku maha aga mupiti uwa mpepo inkandamanu!”

Maliko 10:39

Vhoope vhahamwamula vhahati, “Eena tungayifumwa.” UYeesu ahavhavhuuzya, ahati, “Amayimba ge kwe njimbe ine, niimwe kwe muyimbe, nu lwozyo lwe kwe noozelwe ine, niimwe vhweleele kwe mwozelwe.

Maliko 3:22

Avhasambiilizi avha ndajizyo izya Moose vháfumile ku Yelusaleemu vhahafiha kwa Yeesu, vhahati, “Alemwilwe nu Belizabuuli umupiti uwa mpepo inkandamanu. Akushimbizya impepo inkandamanu ku maha aga Belizabuuli!”

uLuuka 11:15

Ileelo vhamo muli vhuuvho, vhahati, “Akushimbizya impepo inkandamanu ku maha aga Belizabuuli, umupiti uwa mpepo inkandamanu!”

uLuuka 11:18

Vwe zili, woope uSeetano inga akulwa nu Seetano, uvhumwene vhwakwe vhukunanjiha. Pe ishi, uvhumwene vhwakwe vhungajendeelela vhuli? Nkuyanga vhwevhulo, mwe pe mukuti nkushimbizya impepo inkandamanu ku maha aga Belizabuuli.

uLuuka 11:19

Ishi, inga ine nkushimbizya impepo inkandamanu ku maha aga Belizabuuli, pe avhasundikwa vhiinyu vhakushimbizya ku maha aga naanu? Kuli izyo, avhasundikwa vhiinyu vhe kwe vhalolesye kuuti zye mukusiivha te zya nalyoli.

Yohani 10:20

Avhinji mu Vhayuuda ivho vhahayanga vhahati, “Uno ali ni mpepo inkandamanu ye yimuvhiisile kuvha wu shipena. Kuli lilonka vhuli kumutejeelezya umuntu uno?”

Yohani 7:20

Ivhungaana ilya vhantu lihamwamula lihati, “Iwe uli ni mpepo inkandamanu! Vhuli, wu naanu we akwanza kukugoga?”

Yohani 8:48

AVhayuuda vhaala vhahamuvhuziilizya uYeesu vhahati, “Vhuli, tutakuyanga uvhwanalyoli lwe tukuti iwe we Musamaliya nu kuuti uli ni mpepo inkandamanu?”

Yohani 8:52

Pe aVhayuuda vhaala vhahamuvhuuzya uYeesu vhahati, “Ishi twamanya kuuti iwe uli ni mpepo inkandamanu! UAabulahamu na vhakuvhwi vhahafwa, ileelo iwe ukuti, ‘Umuntu wonti we akulandata zye nkusambiilizya, te ahaafwe naalumo.’