Matayi 10:23 - ULufingwi uLupwa

²³ Inga vhakuvhayimvwa mu nkaaya yimo, mushimbililaje mu nkaaya iyamwavho. Nalyoli nkuvhavhuuzya kuuti, te muhaamale kusogola mu nkaaya zyonti izya Isilayeeli she ne Mwana wa Aadamu nshiili kugaluha.

Tesitamenti Umupwa 1965

²³ Apenʼinga vakuva-ṿwima munkayʼino pe muhashimbilile muyamwavo. Nalyoli nkuvavuzyʼine nkuti: UMwanamuntu aliyinza lwe mushili nukumalilizyʼinkaya zyonti mwa Yisilayili umu.

Matayi 10:23 ပူးပေါင်းရင်းမြစ်များ

Matayi 16:27

Ine ne Mwana wa Aadamu ndiyinza pooka na vhahavhizya vhaane mu vhushindamu uvhwa Taata waane. Pe ndivhalipa avhantu vhonti kulandatana ni mbombo zyavho.

Matayi 16:28

Nalyoli nkuvhavhuuzya kuuti, vhaliipo vhamo vhe vhimiliiye ipa, te vhahaafwe, she vhatambwenyi ne Mwana wa Aadamu lwe nkwinza mu vhumwene vhwane.”

Matayi 2:13

Lwe avhamanyinsanyi avha nzota vheepa, uhavhizya uwa MWENE uMulungu ahamuloleshela uYoosefu mu njozi, ahamuvhuuzya ahati, “Vhuuha, umunyatule umwana nu nyina, mushimbiilile mu nsi iya Miisili, mwe pe uHeelodi kwe amulondole umwana uyo, inga amugoje. Mutendame ukwo, kufishila ahavhaliilizyo he ndiyinza imbavhuuzye kuuti mugalushe.”

Matayi 23:34

Kuli izyo, yeenya, ndivhasonteelezya kuli imwe avhakuvhwi na vhashindamu avha njeele na vhasambiilizi avha ndajizyo. Ileelo vhamo muli ivho mulivhagoga nu kuvhahomeela pa shihovhenkanyo, avhamwavho mulivhahoma nu muchaapu mu masinagoogi giinyu na vhamwavho mulivhashimbizya kufuma mu nkaaya yimo kuvhala mu nkaaya iyinji.

Matayi 23:36

Nalyoli nkuvhavhuuzya kuuti, avhantu avha havhaliilizyo iha vhalisundwa kuli izyo zyonti.”

Matayi 24:27

Navhavhuuzya izyo, mwe pe kwinza kwane ine ne Mwana wa Aadamu, kuliivha kwa kwitushizya inza ulumesyo ulwa mvula intalala lwe lukufuma kuvhutukulo na havhaliilizyo hanaaho lukufiha kuvhuswelo.

Matayi 24:30

“Ahavhaliilizyo iho ishilolesyo isha ine ne Mwana wa Aadamu shililoleha kumwanya. Pe avhantu vhonti avha mu nkolo izya mu nsi zyonti vhalitaliha kuloosya kwi lyoga. Lwe nkwinza, avhantu vhonti vhalindola mu mavhingo na maha nu vhushindamu uvhupiti.

Matayi 24:34

Nalyoli nkuvhavhuuzya kuuti, avhantu avha havhaliilizyo iha te vhatuushe she izi zyonti zishiili kulunjiha.

Matayi 24:48

Ileelo inga umuvhomvi uyo umuvhiivhi, asiivha mu mwoyo waakwe kuuti, ‘Umwene waane ahaavha kuvhwela,’

Matayi 25:13

UYeesu ahavhavhuuzya avhasundikwa vhaakwe ahati, “Ishi muvhanje minso, mwe pe mutamanyile isiku, poosye ahavhaliilizyo he ndigaluha.”

Matayi 26:64

UYeesu ahamwamula ahati, “Iwe wayanga. Ileelo nkuvhavhuuzya mwenti kuuti, kwandila ishi kwe mundole ne Mwana wa Aadamu ntendiime ku luvhazu ulwa kundiilo ulwa Mulungu uwa Maha Gonti pa vhushindamu uvhupiti nkaani. Havhili kwe mundole nkwinza mu mavhingo.”

Matayi 4:12

Pe lwe uYeesu ayiivwa kuuti uYoohani uMwozyi vhamukunzile mu jeela, aheepa mu Yudeeya, ahasogola mu shigavho isha nsi isha Galilaaya.

Maliko 13:26

Ahavhaliilizyo iho, pe avhantu vhalindola ine ne Mwana wa Aadamu nkwinza mu mavhingo ku maha nu vhushindamu.

uLuuka 18:8

Nkuvhavhuuzya kuuti, uMulungu kwe avhavhombele naluvhiilo zye zikwanzilwa kuvhavhombela. Ishi ne Mwana wa Aadamu lwe nkugaluha mu nsi, ndivhaaga avhantu vhe vhakuniitiha?”

uLuuka 21:27

“Pe ne Mwana wa Aadamu ndililoleha nkwinza mu mavhingo na maha nu vhushindamu uvhupiti.

Yohani 7:1

Lwe izyo zyatuuha, uYeesu ahanda kuzyunguula mu shigavho isha nsi isha Galilaaya. Atahanzaga kuzyunguula mu shigavho isha nsi isha Yudeeya, mwe pe avhalongozi avha Vhayuuda vhahanzaga kumugoga.

iMbombo izya Vhatumwa 17:10

Uvhusiku, avhiitisi vhahavhavhuuzya avha Paavhuli nu Siila kuuti vhasogole ku nkaaya iya Belooya. Lwe vhaafiha kuula, vhahinjila mwi isinagoogi.

iMbombo izya Vhatumwa 17:14

Pe avhamwavho avha ku Belooya vhahamunyatula uPaavhuli naluvhiilo, vhahamuvhuuzya kuuti asogole na vhamo ku luvhazu kwa sumbi, ileelo uSiila nu Tiimoti vhahasyala ku Belooya.

iMbombo izya Vhatumwa 20:1

Lwe ivho lyasila ku Hefeeso, uPaavhuli ahavhiita avhalandati vhonti. Ahavhagomwa amooyo nu kuvhalaga, pe ahashuula kusogola ku Makedooniya.

iMbombo izya Vhatumwa 8:1

Isiku liila lye vhámugozile uSiteefani, amayimba amapiti gahataliha mu shivhanza isha ku Yelusaleemu. Avhantu vhonti avha mu shivhanza vhahasataana mu nsi iya Yudeeya ni ya mu Samaliya. Ileelo avhatumwa vheeka vhe vhahasyala.