Matayi 10:2 - ULufingwi uLupwa

² Amazina aga vhatumwa ivho 12 ge gano: uwa kwanda wu Siimoni (we izina ilyamwavho vhahatinji uPeeteli), nu Andeleeya umuzuuna waakwe nu Yaakobu umwana wa Zebedaayi nu Yoohani umunine waakwe.

Tesitamenti Umupwa 1965

² Amazina ga vapositili ve valʼishumi navavili ge ganaga: Umutanzi uSimoni we vatili wʼuPeteli, nuAndeleya umuzuna wakwe, nuYakobu umwana-Zebedayi, nuYohani umuzuna wakwe,

Matayi 10:2 ပူးပေါင်းရင်းမြစ်များ

Matayi 17:1

Lwe zyatuuha insiku 6, uYeesu ahavhanyatula avha Peeteli nu Yaakobu nu Yoohani umunine uwa Yaakobu. Ahazuvha navho kukwilu pi igamba itali.

Matayi 20:20

Ahavhaliilizyo iho unyina uwa vhaana vha Zebedaayi ahasogola na vhavuli vhaakwe kwa Yeesu, ahasugamila nu kumulaavha kuuti amwavwe shimo.

Matayi 26:37

Ahamunyatula uPeeteli pooka na vhaana vhavhili avha Zebedaayi, ahataliha kuswimiililwa nu kupulupuuta mu mwoyo.

Matayi 4:18

Lwe uYeesu akujenda mu luvhazu mwa sumbi uwa Galilaaya, ahavhalola avhavuvhi avha nswi vhavhili, uSiimoni we izina ilyamwavho vhahatinji uPeeteli nu munine waakwe uAndeleeya. Vhahasumbilaga inyeelo zyavho mwa sumbi.

Matayi 4:21

Lwe uYeesu asogola pilongolela, ahavhalola avhanine avhamwavho vhavhili, uYaakobu nu munine waakwe uYoohani, avhaana vha Zebedaayi. Vháali mwi ivhooti pooka nu taata waavho uZebedaayi, vhahalinganyaaga inyeelo zyavho. UYeesu ahavhiita vhoope,

Maliko 1:29

Lwe vhaafuma mwi isinagoogi, uSiimoni nu Andeleeya vhahamuposheela uYeesu nu Yaakobu nu Yoohani ku nyumba yaavho.

Maliko 13:3

UYeesu ahatendama pi igamba ilya Mazayituuni na vhasundikwa vhaakwe, kulungamana ni Nyumba iMfinjile. UPeeteli nu Yaakobu nu Yoohani nu Andeleeya vhahanda kumuvhuziilizya kukwilu,

Maliko 6:30

Avhatumwa avha Yeesu vhahagaluha kufuma kulumbiilila, vhahavhungaana kwa Yeesu. Vhahamupanjila zyonti zye vhávhomvile nu kusambiilizya.

uLuuka 11:49

“Izyo zye zyámuvhiisile uMulungu kuuti ayanje ku vhushindamu vhwakwe uvhwa njeele ati, ‘Ndivhasonteelezya avhakuvhwi na vhatumwa ku kwavho, ileelo vhamo vhalivhagoga na vhamwavho vhalivhayimvwa.’

uLuuka 22:14

Ahavhaliilizyo aha kulya hahafiha. Pe uYeesu ahatendama kulya ishaakulya pooka na vhatumwa vhaakwe.

uLuuka 22:8

Pe uYeesu ahavhasonteelezya avha Peeteli nu Yoohani, ahavhavhuuzya ahati, “Sogooli mutusenganizanye ishaakulya isha Pasaaka, inga tulye pooka.”

uLuuka 5:10

Vhoope avhaana avha Zebedaayi, uYaakobu nu Yoohani, vhe vhahavuvhaga pooka nu Siimoni, vhahasukumila nkaani. Pe uYeesu ahamuvhuuzya uSiimoni ahati, “Siimoni utogopaje! Kufuma ileelo ili kuuti uvuvhaje avhantu.”

uLuuka 9:10

Avhatumwa vhaala vhahagaluha kwa Yeesu, vhahamuvhuuzya zyonti zye vhávhomvile. Pe ahavhanyatula vhahasogola mu nkaaya ye vhahatinji iBetisaayida, inga vhavhe vheeka kukwilu.

Yohani 12:22

UFiilipo ahasogola kumuvhuuzya uAndeleeya, pe vhonti uFiilipo nu Andeleeya vhahasogola kumuvhuuzya uYeesu.

Yohani 13:23

Páamile umusundikwa wumo mu vhasundikwa vhaakwe we uYeesu ámukunzite nkaani. Uweene átendiime papiipi nu Yeesu, lwe ali kulya.

Yohani 20:2

Pe aheepa paala akushimbila kusogola kwa Siimoni uPeeteli nu musundikwa ula we uYeesu ámukunzite nkaani. Ahavhavhuuzya ahati, “Avhantu vhashinyatuuye ishaala isha Mwene wiitu mu mbiipa, havhili tutamanyile kwe vhashivhiisile!”

Yohani 21:2

uSiimoni uPeeteli nu Toomasi we vhahamwitaga vhahatinji Ipasa nu Nasaniyeeli we áfumile mu nkaaya iya Kaana iya ku Galilaaya, na vhaana vhavhili avha Zebedaayi na vhasundikwa avhamwavho vhavhili vháali vhonti pooka.

Yohani 21:20

Pe uPeeteli ahashevhela mwisinda, ahamulola umusundikwa we uYeesu ámukunzite akuvhalandata. Umusundikwa uyo we átendiime papiipi nu Yeesu lwe vhaakulya ishaakulya isha Pasaaka, nu kumuvhuziilizya kuuti, “We Mwene, wu naanu we kuuti akwaniile?”

Yohani 21:24

Umusundikwa uyo we akuhomeshezya izi nu kuzisimba. Niiswe tumanyile kuuti zye akuhomeshezya zya nalyoli.

Yohani 6:67

Pe uYeesu ahavhavhuziilizya vhaala 12 ahati, “Vhuli, niimwe mukwanza kundeha?”

Yohani 6:70

Pe uYeesu ahavhavhuuzya ahati, “Návhasavhuuye imwe 12 kuuti muvhe mwe vhasundikwa vhaane, ileelo wooka pahati yiinyu akulongolwa nu Mukwalanzi.”

Yohani 6:71

Ipa uYeesu ahamuyangaga uYuuda, umwana wa Siimoni we ahafumaga mu nkaaya iya Kaalyoti. Uno we pisinda ámwaniliiye uYeesu, pooka nu kuuti áamile wooka mu vhasundikwa vhaala 12.

Yohani 6:8

Pe uAndeleeya we áamile wooka mu vhasundikwa vhaala, havhili we áali munine nu Siimoni uPeeteli, ahamwamula uYeesu ahati,

iMbombo izya Vhatumwa 1:13

Lwe vhinjila mu nkaaya, vhahazuvha mu shumba isha pamwanya mu nyumba injelenkanu, vhahinjila mu shumba isho, mwe vhahatendamaga. Ivho vháamile vhe vha Peeteli nu Yoohani nu Yaakobu nu Andeleeya nu Fiilipo nu Toomasi nu Batolomaayo nu Mataayi. Avhamwavho vháamile vhe vha Yaakobu umwana wa Alufaayo nu Siimoni we ahayikungulaga kulwila insi yaakwe nu Yuuda umwana wa Yaakobu.

iMbombo izya Vhatumwa 1:26

Pe vhahahoma ulutambu, ulutambu luhamugwila uMatiiya, woope ahonjela ku vhatumwa 11.

iMbombo izya Vhatumwa 12:2

Ahamugoga ni ipanga uYaakobu, umunine uwa Yoohani.

iMbombo izya Vhatumwa 3:1

Isiku limo ahavhaliilizyo aha kulaavha, saala 9 iya musanya, avha Peeteli nu Yoohani vhahasogolaga ku Nyumba iMfinjile.

1 VaKolinti 15:7

Havhili ahamuloleshela uYaakobu, pisinda ahavhaloleshela avhatumwa vhonti.

VaEfeso 4:11

Uweene ávhaloosite avhantu ivikunjilwa. Vhamo ávhasavhuuye kuuti vhavhe vhatumwa, avhamwavho vhavhe vhakuvhwi, avhamwavho vhavhe vhalumbiilizi, avhamwavho vhoope vhavhe vhadiimi havhili vhasambiilizi avha vhantu.

VaHebuli 3:1

Ishi vhamwitu, imwe mwe vhafinjile, mwe uMulungu avhiisite inza iswe, mumwenyelezyaje nkaani uYeesu we mutumwa havhili mupuuti wiitu umupiti mu lwitiho lwitu.

1 Peteli 1:1

Ukalaata uno nsimvile neene ne Peeteli, ne mutumwa uwa Yeesu Chilisiti. Nkuvhasimbila imwe mwe uMulungu avhasavhuuye, mwe musaasite, havhili mwe vhajeni mu shigavho isha nsi isha Ponto ni sha Galaatiya ni sha Kapadokiya ni sha Aasiya ni sha Bitiniya.

2 Peteli 1:1

Ukalaata uno nsimvile neene ne Peeteli, ne muvhomvi, havhili ne mutumwa uwa Yeesu Chilisiti. Nkuvhasimbila imwe mwe muposheleeye ulwitiho luula ulwa nsavho, lwe niiswe tuluposheleeye. Muluposheleeye ulwitiho ulwo kwi idala ilya vhugolosu uvhwa Mulungu wiitu uMuposhi uYeesu Chilisiti.

2 Yohani 1:1

Ukalaata uno nsimvile neene ne songo uwa shivhanza. Nkukusimbila iwe maayi we uMulungu akusavhuuye, pooka na vhaana vhaaho vhe mbakunzite ku mwoyo wonti. Te neene neeka ne mbakunzite, nkandi na vhanji vhonti vhe vhavhumanyile uvhwanalyoli uvhwa Izwi iLyinza, vhoope vhavhakunzite ku mwoyo wonti.

3 Yohani 1:1

Ukalaata uno nsimvile neene ne songo uwa shivhanza. Nkukusimbila iwe Gaayo, nkundwa waane, we nkukunzite ku mwoyo wonti.

Ishitushizya 1:1

Ishi, shitushizya isha Yeesu Chilisiti. UMulungu ámupiiye ishenesho, inga avhalolesye avhavhomvi vhaakwe zye kuuti zivhombeshe ishisita kuhaavha. UYeesu ahamulolesya uYoohani umuvhomvi waakwe kutuushila kwa havhizya waakwe.

Ishitushizya 1:9

Ine ne Yoohani, ne wamwinyu havhili ne indi pooka niimwe, kuzya kumulandata uYeesu Chilisiti mu mayimba na mu vhumwene na mu vhujimbiilizu. Nákunziilwe mu nsi inyuumu, ye vhakuti Paatimo ye yáamile pahati pa sumbi, kuzya mayimba. Amayimba igo gáfumiliine nu kulumbiilila izwi ilya Mulungu, nu kufumwa uvhwahoome uvhwa Yeesu Chilisiti.

Ishitushizya 18:20

Seshelaaji imwe mwanya, kuzya vhunanjisu vhwakwe! Seshelaaji mwe vhafinjile, mwe vhatumwa na mwe vhakuvhwi! Mwe pe uMulungu ayilonga ku ziila zye yivhavhombeeye imwe!”

Ishitushizya 22:8

Ine ne Yoohani, názivhwenyi nu kuzyivwa izi zyonti. Lwe niivwa nu kulola nkakupama pansi pa vinama ivwa havhizya ula we ándanzile izi, inga imupuute.