Matayi 10:19 - ULufingwi uLupwa

¹⁹ Lwe vhakuvhatwala ku vhapiti, mutahogopaje kuuti muliyanga ishooni, poosye kuuti muliyangaga vhuli, mwe pe uTaata uMulungu alivhapanga izya kuyanga ahavhaliilizyo hehaala.

Tesitamenti Umupwa 1965

¹⁹ Apene nyene inga vakuvakungʼimwe vovulo, pe mutakutanaje ṿwe muliyanga nazye muliyanga. She muliposhela pahavalilizyo huho izya kuyangʼimwe.

Matayi 10:19 ပူးပေါင်းရင်းမြစ်များ

Matayi 10:18

Vhalivhatwalaga ku vhamwene na ku vhantu avhanji vhe vhali na maha, mwe pe imwe mwe vhasundikwa vhaane. Ileelo kuli imwe, iho he haliivha havhaliilizyo aha kufumwa uvhwahoome uvhwa lwitiho lwinyu ku kwavho, na ku vhe te Vhayuuda.

Matayi 6:25

“Pe ishi, nkuvhavhuuzya kuuti, mutayitamwaje ni zya vhulanzi vhwinyu kuuti, kwe mulye ishooni, poosye kuuti kwe mumwele ishooni, poosye ni zya mavhili giinyu kuuti kwe muzwale ishooni. Nkuvhavhuuzya vhwevhulo, mwe pe uvhulanzi vhuli ni nsavho kuluusya ishaakulya, woope umuvhili wuli ni nsavho kuluusya amenda.

Matayi 6:31

“Pe ishi, mutayitamwaje kuuti, ‘Kwe tulye ishooni,’ poosye kuuti, ‘Kwe tumwele ishooni,’ poosye nu kuuti, ‘Kwe tuzwale ishooni.’

Matayi 6:34

“Ishi mutayitamwaje ni zya ndaavhi, mwe pe izya ndaavhi ziliyiyimbila zyeka. Insiku zyonti zili ni ntamwo zyakwe.”

uLuuka 12:11

“Lwe vhavhatwala kuvhalonga mu masinagoogi, poosye pilongolela apa vhe vhakukonzya na vha maha avhanji, mutogopaje kuuti muliyaamula ishooni, poosye kuuti muliyanga ishooni.

uLuuka 12:12

Ahavhaliilizyo iho uMupepo uMufinjile alivhamanyisya zye mukwanzilwa kuyanga.”

iMbombo izya Vhatumwa 6:10

Ileelo ahavhapootaga, mwe pe ahayangaga amazwi aga vhushindamu uvhwa njeele ku maha aga Mupepo uMufinjile.

Filipi 4:6

Mutayitamwaje ku nongwa yonti, nkandi muvhanje mukupuuta nu kulaavha pooka nu kusalifwa. Zyonti zye mukwanza zimanyihaje kwa Mulungu.

2 Timoti 4:17

Ileelo uMwene uYeesu áamile pooka niine, ahampa amaha. Nkakumusya Izwi iLyinza mu vhantu vhe te Vhayuuda, lihavhafishila vhonti vhahiivwa. Pooka niizyo, ahampoha ku vhe vhándonjeleeye kuuti vhangoje inza kufwula ishintu mwi ilomu ilya nsama.

Yakobu 1:5

Inga kuli uwamwinyu wumo we asovheliilwe uvhushindamu uvhwa njeele, amulaavhe uMulungu, woope kwe aamupe vhwenevhwo. Uweene akuuvhapa avhantu vhonti ivintu ku mwoyo umuzelu, havhili ishisita kupila.