Matayi 10:15 - ULufingwi uLupwa

¹⁵ Nalyoli nkuvhavhuuzya kuuti, isiku ilya vhulonzi, avhantu avha mu nkaaya iyo vhaliposheela isunde ipiti kuluusya avhantu avha mu nkaaya iya Sodooma ni ya Gomoola!”

Tesitamenti Umupwa 1965

¹⁵ Nalyoli nkuvavuzyʼine nkuti: Pisiku lya vulonzi pʼizya va mu-Sodomu nizya va mu-Gomola ziliva mpupusu kuzya nkaya yiyo.

Matayi 10:15 ပူးပေါင်းရင်းမြစ်များ

Matayi 12:36

Ishi nkuvhavhuuzya kuuti, amazwi gonti aga shaaha ge avhantu vhakuyanga, vhaligalondovhola isiku ilya vhulonzi.

Matayi 5:18

Nalyoli nkuvhavhuuzya kuuti, lwe hashiili kufiha ahavhaliilizyo he imwanya ni nsi viliyeepa, yitaliipo poosye iheelufi inyinsi, poosye ahandona inga hooka aha ndajizyo izya Moose he haliyeepa lwe zyonti zye zili muumwo zishiili kulunjiha.

Matayi 7:22

Isiku ilya vhulonzi inga lyafiha, avhantu avhinji vhaliyanga vhaliiti, ‘We Mwene! Vhuli, tutahakuvhwaga nu kufumwa impepo inkandamanu nu kuvhomba amafindango aminji kwi izina lyaho?’

Maliko 6:11

Ileelo ponti paala pe vhatavhaposheela, poosye kuvhatejeelezya, lwe mukwepa penepo mupupulaje nu lusuuto lwe luli mu vinama vwinyu.”

Yohani 12:48

Umuntu wonti we akunkaana ine pooka na mazwi gaane, ali nawo uwa kumulonga. Amazwi igo ge nkugayanga, ge galimulonga pi isiku ilya kumpeleela.

Yohani 6:39

Ulukasamo ulwa Taata waane we ansonteleziizye, lwa kuuti ntahamuteezye inga wooka mu vhaala vhe ampiiye, havhili lwa kuuti nkinze imbazyusye vhonti vhavhe vhapuuma isiku ilya vhusililishilo.

Yohani 6:40

Kwe kuuti ulukasamo ulwa Taata waane lwa kuuti umuntu wonti we amanyile kuuti ine ne Mwana wa Mulungu nu kuniitiha, avhe nu vhulanzi uvhwa shiima. Niine ndimuzyusya isiku ilya vhusililishilo.”

iMbombo izya Vhatumwa 17:31

Akuvhalajizya isho, mwe pe avhiisile isiku lye alivhalonga avhantu vhonti mu vhwanalyoli, kwi idala ilya muntu we amusavhuuye. UMulungu avhahomesheziizye avhantu vhonti izyo, kwi idala ilya kumuzyusya umuntu uyo.”

1 VaKolinti 3:13

Imbombo izya vhantu vhonti zililoleha vwe zili. Isiku liila ilya vhulonzi imbombo zyonti ziliivha apazelu, mwe pe imbombo izya vhantu vhonti zililingwa pa mwoto uwa vhulonzi.

1 VaTesaloniki 5:4

Ileelo imwe vhamwitu, isiku ilyo te lihavhitushizye inza umwivha, mwe pe mutali mu shiisi inza avhantu vhe vhakumusuufwa uMulungu.

VaHebuli 10:25

Tutahagaleshe amaata giitu aga kuhomaana inza vwe avhantu avhanji vhalesile kuhomaana. Ileelo tujendeelele kugomanya amooyo, mwe pe tumanyile kuuti isiku ilya kugaluha uMwene uYeesu lipalamiiye.

2 Peteli 2:6

Havhili uMulungu ávhalonzile avhantu avha mu nkaaya iya Sodooma ni ya Gomoola, ávhalovwizye nu mwoto, ávhapezile kuvha shiholanyo isha ziila zye zilivhaaga avhantu vhe vhatakumushindiha.

2 Peteli 2:9

Kuli izyo, uMWENE uMulungu amanyile kuvhapoha avhantu vhe vhakumushindiha kufuma mu ndingo zyavho. Havhili amanyile vwe aliivhapa isunde avhavhiivhi isiku liila ilya kuvhalonga.

2 Peteli 3:7

Havhili kwi izwi liniilyo, uMulungu azivhiisile imwanya ni nsi iya havhaliilizyo iha, kufishila isiku ilya vhulonzi lye alivipemba vwonti mu mwoto. Isiku ilyo alivhalonga nu kuvhalovwa vhonti vhe vhakuvhomba zye zitakwanzilwa pilongolela lyakwe.

1 Yohani 4:17

Kwi idala ilyo, uMulungu alunjisiizye ishikunzi shaakwe muhati yiitu, inga tuvhe nu vhudandamazu pi isiku ilya kulongwa. Tuliivha nu vhudandamazu, mwe pe uvhulanzi vhwitu mu nsi umu, vhuholiine na vwe uYeesu ahalandilaga.

uYuuda 1:6

Havhili mukumbushe kuuti, vhoope avhahavhizya vhaala vhakunziilwe na manyoloolo aga shiima mu shiisi, ku vhulonzi uvhwa isiku liila ipiti. Vhakunziilwe, mwe pe vháyisufwizye imbombo yaavho, vhahavhuleha uvhutendamo vhwavho.

uYuuda 1:7

Mukumbushe havhili avhantu avha mu nkaaya iya Sodooma ni ya Gomoola, pooka na vha mu nkaaya impalamani. Avhahaaya avha mu nkaaya izyo, vhávhomvile inza avhahavhizya ivho. Vhávhomvile uvhulugusu nu kulandata izya vhuntu uvhwa vhutalamalandu, zye zitakuvhalilana nu vhupezi. Kuli izyo, vhahapeelwa isunde ilya mwoto uwa shiima, inga livhe nsoshi ku vhantu vhonti.