Matayi 1:20 - ULufingwi uLupwa

²⁰ Lwe asiivha izyo, uhavhizya uwa MWENE uMulungu ahamuloleshela mu njozi. Uhavhizya uyo ahamuvhuuzya ahati, “We Yoosefu, mwana wa Daavhudi, utahoogope kumwimala uMaliiya, mwe pe uvhumwamu vhwe ali navhwo avhwazile kwi idala ilya Mupepo uMufinjile.

Tesitamenti Umupwa 1965

²⁰ Ilelo lwʼakusiva zinizi vovulo pʼahitushilʼuhavizya wa Mwene akuti: Yosefu we mwana-Davidi, utogopaje ukusendʼuMaliya umushi waho, shʼamwamile mumaha ga MupepʼuMufinjile.

Matayi 1:20 ပူးပေါင်းရင်းမြစ်များ

Matayi 1:18

Kupaapwa ukwa Yeesu Chilisiti kwáli ishi. UMaliiya unyina waakwe ázinjiliilwe nu Yoosefu. Ileelo lwe vhashiili kwimalana, uMaliiya álolesile ali pa vhumwamu. Uvhumwamu uvhwo ávhwazile kwi idala ilya Mupepo uMufinjile.

Matayi 2:12

Lwe zyavha vhwevhulo, uMulungu ahavhasoha mu njozi, kuuti vhatahinze vhagalushe havhili kwa Heelodi. Pe vhahavhwela mu nkaaya yaavho kutuushila idala ilinji.

Matayi 2:13

Lwe avhamanyinsanyi avha nzota vheepa, uhavhizya uwa MWENE uMulungu ahamuloleshela uYoosefu mu njozi, ahamuvhuuzya ahati, “Vhuuha, umunyatule umwana nu nyina, mushimbiilile mu nsi iya Miisili, mwe pe uHeelodi kwe amulondole umwana uyo, inga amugoje. Mutendame ukwo, kufishila ahavhaliilizyo he ndiyinza imbavhuuzye kuuti mugalushe.”

Matayi 2:19

Lwe uHeelodi aafwa, uhavhizya uwa MWENE uMulungu ahamuloleshela uYoosefu mu njozi havhili ku Miisili.

Matayi 2:22

Ileelo lwe uYoosefu ayiivwa kuuti, uAlikelaawo akukonzya ku Yudeeya, kwe uyise uHeelodi ahakonzyaga, ahoogopa kusogola. Lwe uMulungu amusoha mu njozi, aheepa nu kusogola mu shigavho isha nsi isha Galilaaya.

Matayi 27:19

Lwe uPilaato atendiime pa shitengo isha vhulonzi, umushi ahatumiilizya intumi ahati, “Utahamuvhombele ivhiivhi naalimo umuntu uyo we mugolosu, mwe pe uvhusiku uvhwa ileelo njimvile nkaani mu njozi ku zyakwe.”

Matayi 28:5

Ileelo uhavhizya uyo ahavhavhuuzya avhantanda ivho ahati, “Mutogopaje! Imanyile kuuti mwinzile kumulondola uYeesu we aahomeliilwe.

uLuuka 1:19

Pe uhavhizya ahamwamula ahati, “Ine ne Gabiliyeeli, nkwimiilila pilongolela ilya Mulungu. Uweene we ansonteleziizye kuuti nkuvhuuzye iwe inongwa inyinza izi.

uLuuka 2:4

UYoosefu woope aheepa mu nkaaya iya Naazaleeti ye yáamile mu shigavho isha nsi isha Galilaaya. Ahasogola kusimbisya mu nkaaya iya Betelehemu ye yáamile mu shigavho isha nsi isha Yudeeya. Mu Betelehemu mwe umwene uDaavhudi ápafwilwe, uYoosefu ásogooye ukwo, mwe pe áamile wa mu luho ulwa Daavhudi.

iMbombo izya Vhatumwa 5:19

Ileelo uvhusiku vhuula uhavhizya uwa MWENE uMulungu ahinza, ahiigula amalyango aga mu jeela, ahavhafumwa panzi, ahavhavhuuzya ahati,

Ishitushizya 19:7

Tuseshelaje nu kudovhela nu kumushindiha, mwe pe ahavhaliilizyo aha winga uwa Hagonzi aha MWENE uMulungu hafisile, havhili we akwimalwa ayisengiinye.