Matayi 1:18 - ULufingwi uLupwa

¹⁸ Kupaapwa ukwa Yeesu Chilisiti kwáli ishi. UMaliiya unyina waakwe ázinjiliilwe nu Yoosefu. Ileelo lwe vhashiili kwimalana, uMaliiya álolesile ali pa vhumwamu. Uvhumwamu uvhwo ávhwazile kwi idala ilya Mupepo uMufinjile.

Tesitamenti Umupwa 1965

¹⁸ UkwenʼukupapwʼuYesu Chilisiti, shʼahonzizye vovulo. UwenʼuMaliya unyina lwʼamwimayʼuYosefu, lwʼashili nukupalamana nawo, pe vahagʼamwamile mumaha ga MupepʼuMufinjile.

Matayi 1:18 ပူးပေါင်းရင်းမြစ်များ

Matayi 1:1

Iga ge mazina aga mu luho ulwa Yeesu Chilisiti, we áfumile mu luho ulwa mwene uDaavhudi na mu luho ulwa Aabulahamu.

Matayi 12:46

Lwe uYeesu akuyanga ni ivhungaana ilya vhantu, unyina na vhanine vhaakwe vhahinza nu kwimiilila panzi, vhahanzaga kuyanga nawo.

Matayi 2:11

Pe vhahinjila mu nyumba, vhahamulola umwana ali nu nyina uMaliiya, vhahamusugamilila nu kumupuuta. Vhahasatula vwe vhápinyile, vhahamufumwizya ivipeelwa ivwa sahaabu ni vwa kusuushizya na mafuta ge gakununshila.

uLuuka 1:25

“Izi zye uMWENE uMulungu ambombeeye ine, amfwiliiye uvhwila nu kuneefwezya insoni ku vhantu.”

uLuuka 2:5

Ásogooye kusimbisya pooka nu Maliiya we ámuzinjiiye. Ahavhaliilizyo iho uMaliiya áamile pa vhumwamu.

VaHebuli 10:5

Ye nongwa lwe uChilisiti ayinza mu nsi umu, ámuvhuziizye uMulungu átili, “Iwe utakwanza impuutile izya vihanu, poosye impuutile izyamwavho izinji, ileelo umuvhili waane uvhusengiinye.

VaHebuli 7:26

Umupuuti umupiti inza uyo we akwanzilwa kuli iswe, mwe pe uweene mufinjile, havhili atali nu vhunanzi, poosye uvhuhandamanu. UMulungu ámulehiinye na vhatalamalandu, ahamuzuvwa ku mwanya.