Maliko 9:42 - ULufingwi uLupwa

⁴² “Umuntu wonti we akumupelela kuvhomba uvhutalamalandu wumo mu vhansi ivha vhe vhakuniitiha ine, yaamile kwashi ku kwakwe kupinyiilwa ulwala ulupiti mu nsingo yaakwe, nu kusumbilwa mwa sumbi, kuluusya amayimba ge galimwaga.

Tesitamenti Umupwa 1965

⁴² Nkandʼuno wengʼakupunuzya woka wa vansʼiva, ve vali nulwitiho, zilʼimpupusu izya kumukungʼulwala kunsingo uku-mudwiṿwa mwa sumbi uwene.

Maliko 9:42 ပူးပေါင်းရင်းမြစ်များ

Matayi 17:27

Ileelo inga tutahavhaviisye avhantu ivha, sogoola usikule mwa sumbi. Inswi iya kwanda ye waalema, uyibangatule ilomu. Umwo kwe uyaaje impiiya. Uyinyatule impiiya iyo, usogole usonche umusonko uwaane nu waaho.”

Matayi 18:10

“Muvhanje minso, mutamusufwaje wumo mu vhansi ivha! Nkuvhavhuuzya kuuti, avhahavhizya vhaavho ku mwanya, ahavhaliilizyo honti vhali pilongolela ilya Taata waane uwa ku mwanya.

Matayi 18:6

“Ileelo inga umuntu wonti akumupelela kuvhomba uvhutalamalandu wumo mu vhansi ivha vhe vhakuniitiha ine, yaamile kwashi ku kwakwe kupinyiilwa ulwala ulupiti mu nsingo nu kusumbilwa pe pivhiiye nkaani mwa sumbi, kuluusya amayimba ge galimwaga.

iMbombo izya Vhatumwa 9:4

Ahagwa pansi, ahiivwa izwi likumuvhuziilizya kuuti, “Saavhuli! Saavhuli! Shooni she ukunjimvwa?”

VaLoma 14:13

Ishi, tuleshe kulongana, poosye kuvhomba lyonti lye lingamupelela uwamwitu kupunula, poosye kuvhomba uvhutalamalandu.

VaLoma 15:21

Izi zikuvhalilana nu Vhusimbe uVhufinjile vhwe vhukuyanga vhukuti, “Avhantu vhe vhatavhavhuziizye inongwa zyakwe, vhalimulola, vhoope vhe vhativuuye zyenezyo, vhalimumanya.”

VaLoma 16:17

Ishi, vhamwitu, nkuvhasoha kuuti muvhe minso na vhantu vhaala, vhe insambiilizyo zyavho zikuvhavhiiha avhiitisi kuuti vhatapunkane. Muvhe apatali navho, mwe pe insambiilizyo zyavho zikusugaana ni nsambiilizyo zye musambiliiye. Mutantame navho.

2 VaKolinti 6:3

Ishi tutakuvhomba lyonti lye likuvhapunuzya avhanji, inga uvhuvhomvi vhwitu vhutahinze vhuyangwe havhiivhi.

Filipi 1:10

inga mwamulaje zye nyinza. Pe muliivha mwe vhagolosu ishisita uvhunanzi kufishila isiku lye uChilisiti aligaluha.

1 Timoti 5:14

Izyo zye zikumbiiha injanje kuuti avhaziishe vhe vhalindu vhanyatulwaje. Vhapaapaje avhaana nu kusunga inyumba zyavho, inga vhatahinze vhaamupe umulugu idala ilya kutusaamula.

2 Peteli 2:2

Havhili avhantu avhinji vhalilandataga amadala gaavho aga vhulugusu. Kuli izyo, vhamo vhaliyanda kulisaamula idala ilya nalyoli.