Maliko 8:34 - ULufingwi uLupwa

³⁴ Pe uYeesu ahiita ivhungaana ilya vhantu pooka na vhasundikwa vhaakwe ahati, “Umuntu wonti we akwanza kundandata ine, yikwanzilwa ayihaane wuuyo weeka, ayikungulaje kundandata insiku zyonti, poosye nu kufwa.

Tesitamenti Umupwa 1965

³⁴ Pʼahavavunganihʼavantʼimpuga yonti navasundikwa vakwe, ahavavuzya ahati: Umuntʼingʼakwanza ukundandatʼine mwisinda, wʼahayihanaje weka, nishihovenkanyo shakwe ayivegazye, pʼahandandatʼine.

Maliko 8:34 ပူးပေါင်းရင်းမြစ်များ

Matayi 10:38

Umuntu wonti we akwanza kundandata ine, ayikungule, ayiitishe amayimba, poosye nu kufwa. Inga atakuvhomba vhwevhulo, atankondeeye.

Matayi 16:24

Pe uYeesu ahavhavhuuzya avhasundikwa vhaakwe ahati, “Umuntu wonti we akwanza kundandata ine, yikwanzilwa ayihaane wuuyo weeka, ayikungulaje kundandata insiku zyonti, poosye nu kufwa.

Matayi 27:32

Lwe vhakufuma mu nkaaya iya Yelusaleemu, mwi idala vhahahomaana nu muntu wumo we izina lyakwe vhahatinji uSiimoni, umuhaaya uwa mu nkaaya iya Kileene. Avhasikaali vhahamuvijiilizya umuntu uyo kuuti avhegale ishihovhenkanyo isha Yeesu.

Maliko 10:21

UYeesu ahamwenya, ahamukunda, ahamuvhuuzya ahati, “Usovheliilwe ishintu shooka. Sogoola ukazye ivintu vwonti vwe uli navwo, impiiya zye waposheela uuvhape avhapiina. Inga wavhomba vhwevhulo, ukuvha wayisengulila inkoma ku mwanya. Pe uyinze, undandate.”

Maliko 7:14

UYeesu ahalyita havhili ivhungaana ilya vhantu, ahalivhuuzya ahati, “Mwenti mutejeelezye nu kumanyinsanya zye nkuvhavhuuzya.

uLuuka 13:24

“Kwinjila mu vhumwene uvhwa Mulungu, kuli inza kwinjila pa mulyango umufinyanu. Nalyoli nkuvhavhuuzya vhwevhulo, mwe pe avhinji vhaliinyonywa kwinjila ileelo vhalipootwa. Ishi imwe muyikungulaje nkaani kwinjila.

uLuuka 14:33

“Vwe zili na kuli imwe. Ataliipo nuumo kuli imwe we akwanzilwa kuvha mulandati waane, inga atavilesile vwonti vwe ali navwo.”

uLuuka 18:22

UYeesu lwe ayiivwa izyo, ahamuvhuuzya ahati, “Usovheliilwe ishintu shooka. Sogoola ukazye ivintu vwonti vwe uli navwo, impiiya zye waposheela uuvhape avhapiina. Inga wavhomba vhwevhulo, ukuvha wayisengulila inkoma ku mwanya. Pe uyinze, undandate.”

uLuuka 20:45

Lwe avhantu vhonti vhakumutejeelezya uYeesu, uweene ahavhavhuuzya avhasundikwa vhaakwe ahati,

uLuuka 9:23

Pisinda, uYeesu ahavhavhuuzya vhonti ahati, “Umuntu wonti we akwanza kundandata ine, yikwanzilwa ayihaane wuuyo weeka, ayikungulaje kundandata insiku zyonti, poosye nu kufwa.

Yohani 10:27

Ingʼonzi zyane zilimanyile izwi lyane. Niine nzimanyile, zyope zikundandata.

Yohani 19:17

Lwe avhasikaali vhakumunyatula, uYeesu ávhusiizye ishihovhenkanyo shaakwe, nu kufuma mu nkaaya. Ásogooye nasho pamo pe mu njango iya Shiyalaamu vhahatinji pa Goligoota, kwe kuuti Ipangaawe ilya Itwe.

iMbombo izya Vhatumwa 14:22

Umwo mwonti vhahavhagomwaga avhalandati amooyo nu kuvhasoha kuuti vhasimpaje mu lwitiho. Vhahavhavhuzyaga kuuti, “Tukwanzilwa kutuushila amayimba aminji, kwinjila mu vhumwene uvhwa Mulungu.”

VaLoma 6:6

Tumanyile kuuti uvhuntu vhwitu uvhwa hali vhwáhomeliilwe pooka nu Chilisiti pa shihovhenkanyo, inga amaha aga vhuntu uvhwo uvhwa hali galovhe, tutahaavhe twe vhazya avha vhutalamalandu havhili.

VaLoma 8:17

Ishi, inga swe vhaana vha Mulungu, pe nalyoli swe vhapwana avha Mulungu, swe vhapwana pooka nu Chilisiti. Nalyoli inga tukwitiha kuyimba inza uChilisiti, pe tuliposheela uvhushindamu pooka nawo.

1 VaKolinti 15:31

Vhamwitu, insiku zyonti indi mu mayimba aga vhufwe. Kuyitumvwa kwane ku zyinyu, kwe kuli mwa Chilisiti uYeesu uMwene wiitu, kwe kumbiisile kuyanga amazwi iga.

1 VaKolinti 8:13

Ishi, inga ishaakulya she nkulya, shikumupelela uwamwitu kuvhomba uvhutalamalandu, ipo pe te nkaalye inyama naalumo, inga uwamwitu atahinze ayinjile mu vhutalamalandu.

1 VaKolinti 9:19

Pooka nu kuuti ine te ne muzya uwa muntu wonti, njivhiisile kuvha ne muzya uwa vhantu vhonti, inga mbaaje avhantu avhinji avha kumwitiha uChilisiti.

VaGalati 2:20

Ishi mfuuye pooka nu Chilisiti pa shihovhenkanyo, ileelo ne mulanzi ahavhaliilizyo iha, ileelo te ne mulanzi ine, nkandi uChilisiti we mulanzi muhati yaane. Uvhulanzi vhwe indi navhwo ahavhaliilizyo iha, indi navhwo kwi idala ilya lwitiho, ulwitiho ulwa kumwitiha uMwana wa Mulungu we ánkunzite, ahayifumwa kufwa, kumpoha.

VaGalati 5:24

Avhantu vhe vhali mwa Chilisiti uYeesu, vhavhuhomeleeye pa shihovhenkanyo uvhuntu vhwavho uvhwa vhutalamalandu pooka ni nsiivho zyakwe imbiivhi ni mpapilo.

VaGalati 6:14

Ileelo ine ntahaavhe ni shintu shonti isha kuyitumvwizya, injitumvwizyaje she shihovhenkanyo isha Mwene wiitu uYeesu Chilisiti. Kwi idala ilya shihovhenkanyo isho, imbombo izya vhantu avha mu nsi, zitali ni ilonka naalimo kuli ine, havhili zye nkulola zili ni ilonka, avhantu avha mu nsi vhakulola zitali ni ilonka.

Filipi 3:10

Nkwanza kumumanya uChilisiti, na maha aga kuzyuha kwakwe. Havhili imbe na mayimba inza uweene, inga nkolane nawo poosye kufwa kwakwe.

Filipi 3:7

Ileelo zyonti zye nkazilolaga kuuti lilonka kuli ine, ishi nkuzilola kuuti vhuluuzwe vhweleele kuzya Chilisiti.

Kolosi 1:24

Ishi nkuyimba ku zyinyu. Ileelo nkuseshela amayimba igo, mwe pe tukwanzilwa kuyimba kuzya Chilisiti. Mu muvhili waane nkuyimba kuzya muvhili uwa Chilisiti, kwe kuuti ishivhanza shaakwe.

Kolosi 3:5

Pe ishi, muleshe kuvhombela amavhili giinyu imbombo izya mu nsi. Muzilovwe nziila imbombo izyo! Izyenezyo, vhulugusu nu vhuvhembu nu vhumalaaya ni mpapilo imbiivhi izya mavhiila mu mavhiila. Kupapila she shooka ni shipuuto isha viholanyo.

2 VaTesaloniki 3:11

Twayanga amazwi iga, mwe pe twivuuye kuuti vhaliipo vhamo kuli imwe vhe vhahata, vhatakuvhomba naashimo, vhakuyinjizya mu zya vhanji.

uTiiti 2:12

Uvhwila uvhwo vhukutusambiilizya kuzihaana zyonti zye te zya Mulungu ni mpapilo izya mu nsi. Pe lwe tukutendama ahavhaliilizyo iha, tukuvha twe vhantu twe tukuyikonzya nu kuvha twe vhagolosu nu kuvhomba inyinza pilongolela ilya Mulungu.

VaHebuli 13:13

Kuli izyo, niiswe tumulandate panzi iya shikwilo isho nu kujimbiilila kulola insoni inza uweene vwe ájimbiliiye.

1 Peteli 4:1

Mwe pe uChilisiti áyimviliilwe mu muvhili waakwe, niimwe vhweleele muyisengaanye kuyimvilwa inza uweene. Nkuyanga vhwevhulo, mwe pe umuntu we akuyimvilwa umuvhili, akulehaana nu vhutalamalandu.

1 Peteli 4:13

Ileelo museshelaje, mwe pe mukuyimba inza vwe uChilisiti áyimvile. Kuli izyo, muliivha nu luseshelo ulupiti nkaani, lwe uChilisiti aloleha mu vhushindamu vhwakwe.

2 Peteli 1:14

Nkuyanga vhwevhulo, mwe pe uvhulanzi vhwane vhupalamiiye kusila, inza vwe uMwene wiitu uYeesu Chilisiti andolesiizye.

1 Yohani 3:16

Iswe tushimanyile ishikunzi, mwe pe uChilisiti ávhufumwizye uvhulanzi vhwakwe ku zyitu. Niiswe vhweleele, inga haafiha ahavhaliilizyo aha kuvhaavwa avhamwitu, tukwanzilwa kuyikungula kuvhaavwa, poosye nu kuvhufumwa uvhulanzi vhwitu ku zyavho.

Ishitushizya 2:10

Utogopaje amayimba ge kwe gakwagaje! Yeenya, uMukwalanzi kwe avhakunje avhamwinyu vhamo mu jeela inga avhalinje, pe kwe muyimbe insiku 10. Uvhe we mutungamu poosye nu kufwa, pe ine ndiikupa ishipambwi she vhulanzi uvhwa shiima.