Maliko 7:5 - ULufingwi uLupwa

⁵ Pe avheene vhahamuvhuziilizya vhahati, “Shooni she avhasundikwa vhaaho vhatakulandata indajizyo izya vhataata vhiitu avha hali? Shooni she vhakulya ni nyoovhe inkandamanu?”

Tesitamenti Umupwa 1965

⁵ Pe vahamuvuzilizya navaFalisayi navamanyakalata vahati: Avasundikwa vahʼiwe vatakulandata shonʼamiho ge vatulesheyʼavasongo vitu, nkandi vakulya ninyovʼinkandamanu?

Maliko 7:5 ပူးပေါင်းရင်းမြစ်များ

Matayi 15:2

“Shooni she avhasundikwa vhaaho vhakushilanya amaata aga vhataata vhiitu? Vhakulya ishaakulya ishisita kugeeza mu nyoovhe zyavho!”

Maliko 7:13

Ukwo kwe kulisuufwa izwi ilya Mulungu kwi idala ilya kulandata amaata giinyu ge mukuposhelezanya, havhili mukuvhomba inyinji zye ziholiine niizyo.”

Maliko 7:8

Imwe mulesile indajizyo izya Mulungu, mulemile amaata aga vhantu.

Maliko 7:9

Imwe mumanyile kupingaaniha indajizyo izya Mulungu, inga mulandataje amaata giinyu.

iMbombo izya Vhatumwa 21:21

Ishi vhivuuye kuuti, ukuvhasambiilizya aVhayuuda vhonti vhe vhakutendama mu nsi izinji izya vhe te Vhayuuda kuuti, vhatasajilaje indajizyo izya Moose. Vhivuuye kuuti, ukuvhavhuuzya kuuti vhatavhatahiilaje avhaana vhaavho, havhili vhatalandataje amaata aga Vhayuuda.

iMbombo izya Vhatumwa 21:24

Uvhe pooka navho mu shipuuto isha kuyizelufwa. Ufumwe amalipilo ge gakwanzilwa, inga vhavhegule insisi zyavho. Pe avhantu vhonti kwe vhamanye kuuti inongwa zye vhakuyanzile, te zya nalyoli. Havhili kwe vhamanye kuuti iwe ukuzishindiha indajizyo izya Moose.

VaLoma 4:12

Avhantu vhe vhatahiliilwe vhoope, uAabulahamu wu taata waavho mu lwitiho. Yeenya, atakuvha wu taata waavho, mwe pe vhatahiliilwe, nkandi, mwe pe vhakumwitiha uMulungu inza vwe uweene uAabulahamu áali lwe ashiili kutahiililwa.

VaGalati 1:14

Nalyoli návhapoosite avhamwitu avhinji vhe twákuzile pooka navho, kulwila shipuuto shiitu isha Vhuyuuda. Nákanyiiye nkaani kugalema amaata aga vhataata vhiitu.

2 VaTesaloniki 3:11

Twayanga amazwi iga, mwe pe twivuuye kuuti vhaliipo vhamo kuli imwe vhe vhahata, vhatakuvhomba naashimo, vhakuyinjizya mu zya vhanji.

2 VaTesaloniki 3:6

Vhamwitu, tukuvhalajizya kwi izina ilya Mwene uYeesu Chilisiti kuuti, muyefwaje mu vhamwinyu vhonti vhe vhahata, vhe vhatakulandata insambiilizyo zye twávhapiiye.