Maliko 7:2 - ULufingwi uLupwa

² Vhahavhalola avhasundikwa vhaakwe vhamo vhakulya ni nyoovhe inkandamanu, mwe pe vhatágeezile inza avheene.

Tesitamenti Umupwa 1965

² Ve vahaga vamʼavasundikwa vakwe uvugali vakulya ninyovʼinkandamanu, she vatasukusuye munyove.

Maliko 7:2 ပူးပေါင်းရင်းမြစ်များ

Matayi 15:2

“Shooni she avhasundikwa vhaaho vhakushilanya amaata aga vhataata vhiitu? Vhakulya ishaakulya ishisita kugeeza mu nyoovhe zyavho!”

Maliko 7:5

Pe avheene vhahamuvhuziilizya vhahati, “Shooni she avhasundikwa vhaaho vhatakulandata indajizyo izya vhataata vhiitu avha hali? Shooni she vhakulya ni nyoovhe inkandamanu?”

uLuuka 11:38

UMufalisaayi uyo lwe aalola uYeesu akulya ishisita kuvhomba amaata gaavho aga kugeeza mu nyoovhe, ahasukumila nkaani.

iMbombo izya Vhatumwa 10:28

UPeeteli ahavhavhuuzya ahati, “Imwe mumanyile ahinza kuuti iswe swe Vhayuuda, indajizyo zyitu zikuhaana kusangaana na vhantu vhe te Vhayuuda. Poosye kutandalilana navho, tutakwitishilwa. Ileelo uMulungu andanzile kuuti ntamuvhuzyaje umuntu wonti kuuti muhandamanu.

iMbombo izya Vhatumwa 11:8

Nkaamula nkati, ‘Ndaali Mwene! Ntahalya naalumo ishintu she shikuhombezya!’

VaLoma 14:14

Imanyile, havhili uMwene uYeesu andolesiizye apazelu uvhwanalyoli kuuti, shitaliipo ishaakulya shimo she shihombezu, nkandi inga umuntu aalola kuuti ishaakulya shimo shihombezu, pe ishaakulya isho shikuvha shihombezu ku kwakwe.

VaHebuli 10:29

Ishi sivhiliili umuntu we akumusuufwa uMwana wa Mulungu. Isunde lyakwe liliivha vhuli? Havhili, yiliivha vhuli kwa ula we amavhanda aga lufingwi ulwa Mulungu gamuzelufwizye, ileelo uweene akugalola te shintu? Havhili, yiliivha vhuli kwa ula we akumusaamula uMupepo uwa Mulungu we akuvhafwila uvhwila avhantu vhaakwe? Nalyoli isunde lyavho ivho liliivha lipiti, havhili lihali nkaani.

Ishitushizya 21:27

Ileelo shonti she shihandamanu te shihinjile muumwo, poosye umuntu wonti we akuvhomba izya kuviisya poosye izya ilenga te ahinjile muumwo. Vhevhaala vhweleele vhe amazina gaavho gasimviilwe mwi ikalaata ilya vhulanzi ilya Hagonzi aha MWENE uMulungu vhe vhaliyinjila.