Maliko 6:51 - ULufingwi uLupwa

⁵¹ Lwe ayinjila mwi ivhooti mwe vháamile, inkungu yiila yihaleha kuvugula. Vhahasukumila nkaani mu mooyo gaavho,

Tesitamenti Umupwa 1965

⁵¹ Ahayipashila mwivoti mwe vali. Pʼinkungu yihategama. Pe vahatentwa muhati, vahasukumila nkani.

Maliko 6:51 ပူးပေါင်းရင်းမြစ်များ

Matayi 8:10

Lwe uYeesu ayiivwa izyo, ahasukumila nkaani. Ahavhavhuuzya vhe vhahamulandataga ahati, “Nalyoli nkuvhavhuuzya kuuti, mu Vhaisilayeeli vhonti, ntamuvhwenyi umuntu we ali nu lwitiho ulupiti inza ulu!

Maliko 1:27

Vhonti vhahasukumila nkaani nu kuvhuzilizanya kuuti, “Nsambiilizyo vhuli injeni izi, havhili izya maha? Umuntu uno ali na maha amapiti, mwe pe kwi izwi akuzipilila impepo inkandamanu, zyope zikumushindiha!”

Maliko 2:12

Pepaala ahimiilila, ahanyatula izagala lyakwe, aheepa she avhantu vhonti vhakumulola. Avhantu vhe vháliipo paala lwe vhaalola vhahasukumila nkaani, vhahamutiima uMulungu, vhahati, “Tutahalola naalumo amafindango inza iga!”

Maliko 4:39

Ahadaamula, ahayipilila inkungu nu kumuvhuuzya usumbi kuuti, “Puuma!” Pepaala, inkungu yihaleha kuvugula, usumbi ahapuuma mwaa!

Maliko 4:41

Vhahoogopa nkaani, vhahavhuuzanya vhahati, “Muntu vhuli uno we ni nkungu nu sumbi vikumushindiha?”

Maliko 5:42

Pepaala, woope ahavhuuha, ahataliha kujenda. Umulindu ula áamile na maaha 12. Avhapaafi vhahasukumila nkaani.

Maliko 6:32

Vhahalimbila ivhooti kusogola kukwilu kwe kutáamile avhantu.

Maliko 7:37

Avhantu vhonti vhahasukumila nkaani, vhahati, “Atuvhombela zyonti ahinza, avhatuula avhakuutwi kwivwa na vhashinuunu kuyanga.”

Yohani 6:21

Pe avheene vhahanzaga kuuti uYeesu ayinjile mwi ivhooti lyavho. Ahavhaliilizyo hanaaho vhahaaga naluvhiilo vhaafiha kwi isyila kwe vhahasogolaga.