Maliko 6:30 - ULufingwi uLupwa

³⁰ Avhatumwa avha Yeesu vhahagaluha kufuma kulumbiilila, vhahavhungaana kwa Yeesu. Vhahamupanjila zyonti zye vhávhomvile nu kusambiilizya.

Tesitamenti Umupwa 1965

³⁰ Pʼavapositili vahavungana pupo pʼalʼuYesu, vahamuvuzya zyonti nazye vavomṿile nazye vasambilizizye.

Maliko 6:30 ပူးပေါင်းရင်းမြစ်များ

Matayi 10:2

Amazina aga vhatumwa ivho 12 ge gano: uwa kwanda wu Siimoni (we izina ilyamwavho vhahatinji uPeeteli), nu Andeleeya umuzuuna waakwe nu Yaakobu umwana wa Zebedaayi nu Yoohani umunine waakwe.

Maliko 3:14

Ahavhasevha avhantu 12, ahaavhapa izina ilya vhatumwa. Ávhasevile kuuti vhavhanje pooka nawo nu kuuti avhasonteelezye kukumusya izwi lyakwe.

Maliko 6:29

Pe avhasundikwa avha Yoohani lwe vhiivwa inongwa izyo, vhahasogola kushinyatula ishaala isha Yoohani nu kushisyila mu mbiipa.

uLuuka 10:17

Pisinda, avhasundikwa avha Yeesu 72 vhahagaluha kwa Yeesu uku vhakuseshela, vhahamuvhuuzya vhahati, “We Mwene, zyope impepo inkandamanu zyatushindihaga, lwe tukuzishimbizya kwi izina lyaho!”

uLuuka 17:5

Pe avhatumwa vhaala vhahamuvhuuzya uMwene uYeesu vhahati, “Tukulaavha utwonjezye ulwitiho!”

uLuuka 22:14

Ahavhaliilizyo aha kulya hahafiha. Pe uYeesu ahatendama kulya ishaakulya pooka na vhatumwa vhaakwe.

uLuuka 24:10

Avhantanda ivho vháali vhe vhano: uMaliiya uwa ku Magidaala nu Yowaana, nu Maliiya umaayi uwa Yaakobu, pooka na vhantanda avhanji vhe vháamile pooka navho.

uLuuka 6:13

Lwe kwasha, ahavhiita avhasundikwa vhaakwe. Muli ivho ahavhasevha 12, ahaavhapa izina ilya vhatumwa.

uLuuka 9:10

Avhatumwa vhaala vhahagaluha kwa Yeesu, vhahamuvhuuzya zyonti zye vhávhomvile. Pe ahavhanyatula vhahasogola mu nkaaya ye vhahatinji iBetisaayida, inga vhavhe vheeka kukwilu.

iMbombo izya Vhatumwa 1:26

Pe vhahahoma ulutambu, ulutambu luhamugwila uMatiiya, woope ahonjela ku vhatumwa 11.