Maliko 6:2 - ULufingwi uLupwa

² Lwe lyafiha isiku ilya Sabaato, ahataliha kuvhasambiilizya avhantu mwi isinagoogi. Avhantu avhinji vhe vháliipo muula, vhahasukumila nkaani nu kuvhuzilizanya kuuti, “Azyazile kwoshi insambiilizyo izi? Havhili vhushindamu vhuli uvhwa njeele uvhu, vhwe apeliilwe?” Havhili vhahati, “Mu nyoovhe zyakwe akuvhomba amafindango amapiti nkaani.

Tesitamenti Umupwa 1965

² Ilelo lwe lifisilʼisabati, pʼuwenʼahandʼukuvasambilizyʼavantu musinagogi. Avene vamʼavinji ve vahatejelezyaga vahasukumila, vahati: Zyʼazyazile kwi zinizi? Zye njele vuli zyʼali nazyo? Ge mamfindango vuli gʼakupela munyove zyakwe?

Maliko 6:2 ပူးပေါင်းရင်းမြစ်များ

Matayi 4:23

UYeesu ahazyunguulaga mu shigavho isha nsi shonti isha Galilaaya. Ahinjilaga mu masinagoogi gaavho, umwo ahasambilizyaga avhantu nu kukumusya Izwi iLyinza ilya vhumwene uvhwa Mulungu nu kuvhaponia amavhinu gonti nu vhuyeyevhazu uvhwa mavhiila mu mavhiila.

Matayi 7:28

Lwe uYeesu aamala kuyanga amazwi igo, ivhungaana ilya vhantu lihasukumila nkaani insambiilizyo zyakwe,

Maliko 1:39

Pe ahasogola mu shigavho isha nsi isha Galilaaya shonti, ahakumusyaga mu masinagoogi gaavho nu kwefwa impepo inkandamanu.

Maliko 10:1

UYeesu na vhasundikwa vhaakwe vhaheepa pe vhahavhanga, vhahazyunguulaga mu shigavho isha nsi isha Yudeeya, na mu nsi iya mwi isyila ilya ijenje uYoolodaani. Ivhungaana ilya vhantu lihasogolaga ku kwakwe nu kumuzyunguula. Ahataliha kuvhasambiilizya inza vwe ahavhombaga.

uLuuka 2:47

Vhonti vhe vhahamutejelezyaga, vhahasukumilaga nkaani uvhumanyi vhwakwe na zye ahavhamulaga.

uLuuka 4:15

Ahasambilizyaga mu masinagoogi gaavho, avhantu vhonti vhe vhahamutejelezyaga vhahamutiimaga.

Yohani 6:42

Vhahavhuzilizanya vhuuvho vheeka vhahati, “Vhuli, umuntu uno te wu Yeesu, umwana wa Yoosefu we tuvhamanyile na vhapaafi vhaakwe vhonti? Ishi angayanga inza vhuli kuuti, afumile ku mwanya?”

Yohani 7:15

Pe avhalongozi avha Vhayuuda vhahasukumila nu kwanda kuvhuzilizanya kuuti, “Vhuli, umuntu uno angaamanya vhuli zyonti izyo ishisita kusambiilila?”