Maliko 6:15 - ULufingwi uLupwa

¹⁵ Vhamo vhahayangaga vhahatinji, “UYeesu wu mukuvhwi uEeliya azyusile.” Vhamo vhahatinji, “Uno mukuvhwi wamwavho mu vhakuvhwi avha hali, we azyusile.”

Tesitamenti Umupwa 1965

¹⁵ Vamo vahati wʼuEliya, vamo vahati mukuvwi ali fwe vakuvwi va lulwo.

Maliko 6:15 ပူးပေါင်းရင်းမြစ်များ

Matayi 16:14

Avheene vhahamwamula vhahati, “Vhamo vhakuti we Yoohani uMwozyi, avhamwavho vhakuti we mukuvhwi uEeliya. Havhili avhamwavho vhakuti we mukuvhwi uYelemiya na vhamwavho vhakuti we wooka mu vhakuvhwi.”

Matayi 21:11

Ivhungaana ilyo lihati, “Uno wu Yeesu, umukuvhwi kufuma mu nkaaya iya Naazaleeti, mu shigavho isha nsi isha Galilaaya.”

Maliko 6:16

Ileelo uHeelodi lwe ayiivwa inongwa izya Yeesu na vhantu vwe vhahayangaga, ahati, “Wu Yoohani, we námudumuuye itwe, azyuha.”

Maliko 8:28

Avheene vhahamwamula vhahati, “Vhamo vhakuti we Yoohani uMwozyi, avhamwavho vhakuti we mukuvhwi uEeliya. Havhili avhamwavho vhakuti we wooka mu vhakuvhwi.”

uLuuka 1:17

Havhili alimulongolela uMwene, aliivha na maha nu mwoyo uwa kumulandata uMulungu inza umukuvhwi uEeliya vwe áamile. Alivhakundanya avhapaafi na vhaana vhaavho, havhili alivhagalulanya vhe vhatakumushindiha uMulungu, kuvha ni nsiivho ingolosu. Alivhomba zyonti izyo, inga avhasengaanye avhantu kumuposheela uMwene uYeesu.”

uLuuka 7:16

Avhantu vhonti, ilyoga lihavhalema! Vhahanda kumutiima uMulungu, vhahati, “Umukuvhwi umupiti afumiiye muli iswe! UMulungu ayinzile kuvhaavwa avhantu vhaakwe!”

uLuuka 7:39

Pe uMufalisaayi ula lwe aalola izyo, ahasiivha mu mwoyo waakwe ahati, “Umuntu uno, inga nalyoli aamile mukuvhwi, nkandi amanyile kuuti umwantanda uno we akumupalamansya ali vhulivhuli, nkandi amanyile kuuti uno mutalamalandu!”

uLuuka 9:19

Avheene vhahamwamula vhahati, “Vhamo vhakuti we Yoohani uMwozyi, avhamwavho vhakuti we mukuvhwi uEeliya. Havhili avhamwavho vhakuti we wooka mu vhakuvhwi avha hali we azyusile.”

uLuuka 9:8

Avhamwavho vhahayangaga vhahatinji, wu mukuvhwi uEeliya ayinzile havhili. Avhamwavho vhahatinji, wooka mu vhakuvhwi avha hali azyusile.

Yohani 1:21

Vhahamuvhuziilizya havhili vhahati, “Ishi pe we naanu? Vhuli, we mukuvhwi uEeliya?” Uweene ahavhaamula ahati, “Ine te ne Eeliya.” Avheene vhahamuvhuziilizya havhili vhahati, “Vhuli, we we mukuvhwi uwamwavho we tukumuguliilila kufuma kwa Mulungu?” UYoohani ahavhaamula ahati, “Te neene.”

Yohani 1:25

vhahamuvhuziilizya vhahati, “Inga iwe te we Chilisiti, havhili te we mukuvhwi uEeliya, havhili te we mukuvhwi uwunji we tukumuguliilila kufuma kwa Mulungu, ishi ugaazile kwoshi amaha aga kwozya avhantu?”

Yohani 6:14

Lwe avhantu vhaala vhaalola ishilolesyo she uYeesu ávhomvile, vhahati, “Nalyoli umuntu uno mukuvhwi wa Mulungu, we twásuvhiiye kuuti akwinza mu nsi umu.”

Yohani 7:40

Avhantu vhamo mwi ivhungaana liila lwe vhiivwa amazwi igo, vhahanda kuyanga kuuti, “Nalyoli umuntu uno we mukuvhwi we tukumuguliilila kufuma kwa Mulungu.”

Yohani 9:17

Pe aVhafalisaayi vhahamuvhuziilizya havhili vhahati, “Vhuli, ukuti vhuli umuntu uyo we akuponia aminso?” Uweene ahavhaamula ahati, “Ine nkulola kuuti, umuntu uyo mukuvhwi uwa Mulungu.”