Maliko 5:7 - ULufingwi uLupwa

⁷ ahahoola kwi izwi ipiti ahati, “Shooni she ukuninjiilila iwe Yeesu, we Mwana wa Mulungu uMupiti uwa ku Mwanya? Nalamba nkaani kwi izina ilya Mulungu utahanjimvwe!”

Tesitamenti Umupwa 1965

⁷ ahapongomoha nkani ahati: Tuli vuli nane nawe we Yesu we Mwana wa Mulungu Mulusyi? Nkukulapizya kwa Mulungu nkuti utanizizyaje.

Maliko 5:7 ပူးပေါင်းရင်းမြစ်များ

Matayi 16:16

USiimoni uPeeteli ahamwamula ahati, “Iwe we Chilisiti, uMwana wa Mulungu uMulanzi!”

Matayi 26:63

Ileelo uYeesu ahapuuma. Pe umupuuti umupiti ahayanga havhili ahati, “Twivwe lapa kwi izina ilya Mulungu uMulanzi, utuvhuuzye inga iwe we Chilisiti, uMwana wa Mulungu.”

Matayi 4:3

Pe uMukwalanzi ahinza kumulinga, ahamuvhuuzya ahati, “Inga we Mwana wa Mulungu, gavhuuzye amavhwe iga gagalunkane gavhe makaati.”

Matayi 8:29

Pe vhahahoola nkaani, vhahati, “Shooni she ukutwinjiilila iwe we Mwana wa Mulungu? Vhuli, uyinzile kutulovwa she ahavhaliilizyo hashiili?”

Maliko 1:24

Ahahoola inkoolo ahati, “Shooni she ukutwinjiilila, iwe Yeesu wa ku Naazaleeti? Uyinzile kutulovwa? Imanyile kuuti iwe we Mufinjile uwa Mulungu.”

Maliko 14:61

Ileelo uYeesu ahapuuma, atahaamula naashimo. Pe umupuuti umupiti ahamuvhuziilizya havhili ahati, “Iwe we Chilisiti, uMwana wa Mulungu uMushindamu?”

Maliko 3:11

Ulwinji vhonti vhe vháamile ni mpepo inkandamanu, ponti pe vhahamulolaga, vhahagwanga pansi pilongolela lyakwe. Vhahahoolaga kuuti, “Iwe we Mwana wa Mulungu.”

Maliko 5:6

Lwe amulola uYeesu ukutali, ahamushimbiilila, nu kumusugamilila,

Maliko 5:8

Áyanzile vhwevhulo, mwe pe uYeesu ápezile ayipiliiye impepo inkandamanu kuuti yifume mwa muntu uyo.

uLuuka 1:32

Umwana uyo aliivha mupiti, havhili izina lyakwe vhalitinji Mwana wa Mulungu uMupiti uwa ku Mwanya. UMWENE uMulungu aliimupa amaha aga vhumwene, inza vwe áamile utaata waakwe umwene uDaavhudi.

uLuuka 4:34

“Shooni she ukutwinjiilila, iwe Yeesu wa ku Naazaleeti? Uyinzile kutulovwa? Imanyile kuuti iwe we Mufinjile uwa Mulungu!”

uLuuka 6:35

“Ileelo imwe, muvhakundaje avhalugu vhiinyu, muvhavhombelaje inyinza nu kuvhapavhila ishisita kusuuvhila kuuti vhalivhagalusizya. Inga mukuvhomba izyo, uMulungu alivhalipa ivwinji. Havhili muliivha mwe vhaana vha Mulungu uMupiti uwa ku Mwanya, mwe pe uweene mwinza poosye na ku vhe vhatakumusalifwa na vhavhiivhi.

uLuuka 8:28

Lwe amulola nu kumumanya uYeesu, ahahoola inkoolo, ahamusugamilila, ahayanga kwi izwi ipiti ahati, “Shooni she ukuninjiilila iwe Yeesu, we Mwana wa Mulungu uMupiti uwa ku Mwanya? Nalamba utahanjimvwe.”

Yohani 20:31

Ileelo ivilolesyo vwe vili mwi ikalaata ili visimviilwe, inga mwitishe kuuti uYeesu wu Chilisiti, uMwana wa Mulungu, nu kuuti kwi idala ilya kumwitiha, mukuposheela uvhulanzi kwi izina lyakwe.

iMbombo izya Vhatumwa 16:17

Uweene ahanda kuvhalandata avha Paavhuli niiswe, ahahoolaga kwi izwi ipiti ahatinji, “Avhantu ivha vhavhomvi avha Mulungu uMupiti uwa ku Mwanya, vhakuvhalumbiilila imwe idala ilya vhuposhi!”

iMbombo izya Vhatumwa 19:13

Páamile aVhayuuda vhamo vhe vhahajendangaga uku nuukwo kwefwa impepo imbiivhi mu vhantu. Vhoope vhahalingaga kulitaha izina ilya Mwene uYeesu ku vhantu vhaala. Vhahazivhuzyaga impepo izyo kuuti, “Kwi izina ilya Yeesu we uPaavhuli akumukumusya, nkuvhavhuuzya kuuti fumi.”

iMbombo izya Vhatumwa 8:36

Lwe vhakujenda mwi idala, vhahafiha pe páamile aminzi. Umupiti uyo ahamuvhuuzya uFiilipo ahati, “Yeenya, aminzi iga ipa! Shooni she shingandinda kuuti ntahoozelwe?”

VaLoma 16:20

Ishi, uMulungu we akuutupa uvhutehamu alimutinzanya uSeetano nu kuuvhapa imwe amaha aga kumupoota. UMwene wiitu uYeesu Chilisiti avhafwilaje uvhwila.

VaHebuli 2:14

Mwe pe avhaana ivho vhali na mavhili na mavhanda, woope uYeesu áyinzile nu muvhili na mavhanda inza avheene. Ávhomvile vhwevhulo, inga kwi idala ilya vhufwe vhwakwe agapoote amaha aga Mukwalanzi we ali na maha aga kuleeta uvhufwe.

VaHebuli 7:1

UMelikizeedeki uyo áamile wu mwene uwa mu nkaaya yimo ye vhahatinji iSaleemu. Havhili áamile mupuuti uwa Mulungu uMupiti uwa ku Mwanya. UMelikizeedeki áhomiine nu Aabulahamu, lwe uAabulahamu akuvhwela kufuma ku vhulugu kwe ávhapoosite avhamwene vhane. Pe uMelikizeedeki ahamuloota uAabulahamu.

Yakobu 2:19

Ukwitiha kuuti uMulungu ali wooka. Mwe muumwo! Zyope impepo inkandamanu zikwitiha vhwevhulo nu kutetema kwi lyoga!

2 Peteli 2:4

UMulungu atávhafwiliiye uvhwila, avhahavhizya vhe vhávhomvile uvhutalamalandu, ávhasumvile mu shiisi, mwe vhakunziilwe na manyoloolo. Mu shiisi umwo vhakuguliilila isiku ilya kulongwa.

1 Yohani 3:8

Ileelo umuntu we avheleleeye kuvhomba uvhutalamalandu, we mwana wa Mukwalanzi. Nkuyanga vhwevhulo, mwe pe uMukwalanzi avheleleeye kuvhomba uvhutalamalandu kufuma ku vhwandilo uvhwa vintu vwonti. Ye nongwa uMwana wa Mulungu ahinza mu nsi, kuzinanganya imbombo izya Mukwalanzi.

uYuuda 1:6

Havhili mukumbushe kuuti, vhoope avhahavhizya vhaala vhakunziilwe na manyoloolo aga shiima mu shiisi, ku vhulonzi uvhwa isiku liila ipiti. Vhakunziilwe, mwe pe vháyisufwizye imbombo yaavho, vhahavhuleha uvhutendamo vhwavho.

Ishitushizya 12:12

Ishi pe seshelaaji, imwe mwe mwanya, na mwe mukutendama muumwo! Yasheela insi nu sumbi! Mwe pe uMukwalanzi ayiisile kuli imwe nu mulaha umupiti nkaani, amanyile kuuti ali na havhaliilizyo hansi vhweleele.”