Maliko 5:23 - ULufingwi uLupwa

²³ Ahamulambiilizya nkaani ahati, “Umwana waane umulindu akwanza kufwa, nkukulaavha uyinze, umuvhiishile inyoovhe yaaho apone, atahaafwe.”

Tesitamenti Umupwa 1965

²³ ahamulambilizya nkani ahati: Ahana hanʼahalindu hamakusililishila shinishi. Nzagaga, tuvale kukwane, uhamuvishʼumuhono, ukuti apone nukulandila.

Maliko 5:23 ပူးပေါင်းရင်းမြစ်များ

Matayi 8:3

UYeesu ahagolosya inyoovhe yaakwe nu kumupalamansya, ahati, “Nkwanza, uzelupe!” Ahavhaliilizyo hanaaho ahazelupa uvhuvhinu uvhwa mambombo.

Maliko 16:18

Inga vhaalema injoha, poosye inga vhangamwela vwe vikuhola, te vivhavhombaje naashimo. Havhili kwe vhavhavhishilaje inyoovhe avhavhinu, vhoope kwe vhaponaje.”

Maliko 5:24

UYeesu ahasogola pooka nawo, ivhungaana ipiti ilya vhantu lihamulandata nu kumuviganya nkaani.

Maliko 6:13

Vhaheefwa impepo inkandamanu inyinji, havhili vhahavhapaha amafuta kuvhaponia avhavhinu.

Maliko 7:32

Lwe aafiha kuula vhahamuleetela ukuutwi we áamile wu shinuunu, vhahamulambiilizya kuuti amuponie.

Maliko 8:23

UYeesu ahamulema inyoovhe untonko ula, ahasogola nawo kunzi ku nkaaya. Ahamuswilila amati mu minso, nu kumuvhiishila inyoovhe, pe ahamuvhuziilizya ahati, “Ukulola ishooni?”

uLuuka 13:13

UYeesu ahamuvhiishila inyoovhe, panaapo vhweleele umwantanda uyo, ahagoloha insinzi yaakwe, ahimiilila, ahanda kumutiima uMulungu.

uLuuka 4:38

UYeesu ahafuma mwi isinagoogi, ahasogola mu nyumba iya muntu wumo we vhahatinji uSiimoni. Lwe aafiha, ahaaga unyinavwala uwa Siimoni avhinile nkaani inzegema, pe vhahamulaavha uYeesu kuuti amuponie.

uLuuka 4:40

Lwe izuvha lyaswa, avhantu vhonti vhe vháamile na vhavhinu avha mpungo izya mavhiila mu mavhiila, vhahavhatwala avhavhinu ivho kwa Yeesu. Uweene ahavhalemaga vhonti, kuvhaponia.

uLuuka 7:12

Lwe apalamila pa mulyango uwa kwinjiilila mu nkaaya iyo, ahahomaana na vhantu vhe vhavhusiizye ishaala isha mujaaha vhakufuma panzi. Umujaaha uyo áamile mwana imozi uwa mwantanda umuziishe. Umwantanda uyo álongoziinye ni ivhungaana ilya vhantu avhinji avha mu nkaaya iyo.

Yohani 11:3

Pe avhanine ivho vhahatuma intumi kwa Yeesu kumuvhuuzya kuuti, “We Mwene, unkundwa waaho uLaazalo muvhinu.”

iMbombo izya Vhatumwa 28:8

Ahavhaliilizyo iho, utaata uwa Pabuliyo ákaasite pa shilili, mwe pe ávhinile inzegema nu kuhaalisya amavhanda. UPaavhuli ahinjila muhati mwe umuvhinu áamile. Ahamulaavhila kwa Mulungu, ahamuvhiishila inyoovhe pamwanya pa kwakwe, ahamuponia.

iMbombo izya Vhatumwa 6:6

Vhahavhavhiiha pilongolela ilya vhatumwa. Pe avhatumwa ivho vhahavhapuutila, nu kuvhavhiishila inyoovhe pamwanya yaavho kuvhaloota.

iMbombo izya Vhatumwa 8:17

Pe avha Peeteli nu Yoohani vhahavhavhiishila inyoovhe izya shipuuto, vhoope vhahamuposheela uMupepo uMufinjile.

iMbombo izya Vhatumwa 9:12

Aavhwenyi injozi, mu njozi iyo aamuvhwenyi umuntu we vhakuti uAnaniya, akwinjila mu nyumba ye ali kumuvhiishila inyoovhe inga atalishe kulola havhili.”

iMbombo izya Vhatumwa 9:17

Pe uAnaniya ahasogola, ahinjila mu nyumba ye uSaavhuli áamile. Ahamuvhiishila inyoovhe, ahamuvhuuzya ahati, “Wamwitu Saavhuli, uMwene uYeesu ansonteleziizye kuli iwe, kuuti utalishe kulola havhili, umuposheele uMupepo uMufinjile. UYeesu uyo we akulolesheeye mwi idala ahavhaliilizyo he winzaga ipa.”