Maliko 5:22 - ULufingwi uLupwa

²² Umuntu wumo umupiti uwa isinagoogi we izina lyakwe áali wu Yaayili, ahinza kwa Yeesu, ahamusugamilila.

Tesitamenti Umupwa 1965

²² Pe wokʼusongo wavo uwa sinagogi, wʼali wʼuYayili izina, ahapalamila kukwakwe. Lwʼamuwenyi pʼahakupama kuṿinama ṿwakwe,

Maliko 5:22 ပူးပေါင်းရင်းမြစ်များ

Matayi 2:11

Pe vhahinjila mu nyumba, vhahamulola umwana ali nu nyina uMaliiya, vhahamusugamilila nu kumupuuta. Vhahasatula vwe vhápinyile, vhahamufumwizya ivipeelwa ivwa sahaabu ni vwa kusuushizya na mafuta ge gakununshila.

Maliko 5:33

Umwantanda ula ilyoga lihamulema, ahanda kutetema, mwe pe ámanyile kuuti kwe amanyishe. Ahinza, ahamusugamilila uYeesu nu kumupanjila uvhwanalyoli ku zyonti zye zihamuyimvwaga na vwe aapona.

Maliko 5:38

Lwe vhaafiha mu nyumba iya Yaayili, vhahaaga avhantu vhakuloosya, nu kukuuta shaaha.

uLuuka 13:14

Umupiti uwa isinagoogi ahaviitwa, mwe pe uYeesu ámuponiizye umwantanda uyo isiku ilya Sabaato. Pe ahayanga ni ivhungaana ilya vhantu ahati, “Kuli insiku 6 zye indajizyo zikwitishila kuvhomba imbombo ku mulungu wooka. Mukwanzilwa kwinza mu nsiku izyo kuuti vhavhaponie impungo zyinyu, ileelo pi isiku ilya Sabaato ndaali!”

uLuuka 5:8

USiimoni we izina ilyamwavho vhahatinji uPeeteli, lwe aalola izyo, ahamusugamilila uYeesu ahati, “We Mwene, nkulaavha uyeepe pa kwane, mwe pe ine ne mutalamalandu.”

uLuuka 8:28

Lwe amulola nu kumumanya uYeesu, ahahoola inkoolo, ahamusugamilila, ahayanga kwi izwi ipiti ahati, “Shooni she ukuninjiilila iwe Yeesu, we Mwana wa Mulungu uMupiti uwa ku Mwanya? Nalamba utahanjimvwe.”

iMbombo izya Vhatumwa 13:15

Lwe vhatendama, umuntu wumo ahavhaazya mwi ikalaata ilya ndajizyo izya Moose, na mu mazwi aga vhakuvhwi. Pe avhapiti avha isinagoogi vhahasonteelezya umuntu kwa Paavhuli nu Balinaaba, avhavhuuzye ati, “Vhamwitu, inga muli ni izwi ilya kuvhavhuuzya avhantu kuvhagomwa amooyo, muyanje.”

iMbombo izya Vhatumwa 18:17

Pe avhantu vhe vhávhungiine paala vhahamulema uSositeeni, umupiti uwa isinagoogi, vhahanda kumuhoma pe pilongolela ilya ilonjelwi. Ileelo zye zihavhombehaga izyo, uGaaliyo atásajiiye.

iMbombo izya Vhatumwa 18:8

Umupiti uwa isinagoogi ilyo, we izina lyakwe vhahatinji uChiliisipo, pooka na vhantu vhonti avha mu nyumba yaakwe, vhahamwitiha uMwene uYeesu. AVhakolinto avhinji lwe vhiivwa amazwi aga Paavhuli, vhoope vhahamwitiha nu kwozelwa.

Ishitushizya 22:8

Ine ne Yoohani, názivhwenyi nu kuzyivwa izi zyonti. Lwe niivwa nu kulola nkakupama pansi pa vinama ivwa havhizya ula we ándanzile izi, inga imupuute.