Maliko 5:2 - ULufingwi uLupwa

² UYeesu lwe ayiiha mwi ivhooti, ahahomaana nu muntu wumo uwa mpepo inkandamanu we áfumile ku mbiipa.

Tesitamenti Umupwa 1965

² Awenyi lelo lwʼakufuma mwivoti, pʼahahomana numuntu wa mpepʼinkandamanu, afumile mumbipa.

Maliko 5:2 ပူးပေါင်းရင်းမြစ်များ

Maliko 1:23

Mwi isinagoogi ilyo mwáli umuntu wumo, we álemwilwe ni mpepo inkandamanu.

Maliko 1:26

Impepo iyo yihamutetemesya umuntu ula, ahahoola nkaani, yihafuma.

Maliko 3:30

Áyanzile vhwevhulo, mwe pe vhátili, “Ali ni mpepo inkandamanu.”

Maliko 3:9

Ahavhavhuuzya avhasundikwa vhaakwe kuuti vhasengaanye ivhooti inga ayiime mwenemwo, lwe akuvhasambiilizya, mwe pe ivhungaana ilya vhantu lihamuviganyaaga.

Maliko 4:1

UYeesu ahataliha kusambiilizya lwe ali pa luvhazu pa sumbi. Ivhungaana ipiti ilya vhantu lihinza pe áamile, pe uweene ahalimbila mwi ivhooti, nu kutendama muumwo, inga avhe nu vhuzilo uvhwa kusambiilizya avhantu vhe vháali ku nsi inyuumu.

Maliko 4:36

Vhahalileha ivhungaana, vhaheepa ni ivhooti she uYeesu ali mwemuula. Amavhooti aganji gahalongozanya pooka navho.

Maliko 5:21

Havhili uYeesu na vhasundikwa vhaakwe vhahalamba usumbi kugaluha kwi isyila, ivhungaana ipiti lihamuvhungatila pepaala pa luvhazu pa sumbi.

Maliko 5:3

Umuntu uyo, uvhulanzi vhwakwe vhwáli ku mbiipa. Yáhaninkiine kumupinya, poosye na manyoloolo,

Maliko 5:8

Áyanzile vhwevhulo, mwe pe uYeesu ápezile ayipiliiye impepo inkandamanu kuuti yifume mwa muntu uyo.

Maliko 7:25

Áliipo umwantanda wumo we umwana waakwe umulindu áamile ni mpepo inkandamanu. Umwantanda uyo ázyivuuye inongwa izya Yeesu, ahinza ahamusugamilila uYeesu.

uLuuka 8:27

UYeesu lwe ayiiha mwi ivhooti, umuntu wumo uwa mu nsi iyo ahinza ku kwakwe. Umuntu uyo áamile ni mpepo inkandamanu. Insiku inyinji ahajendaga ishitali, havhili atahatendamaga mu nyumba, ahatendamaga ku mbiipa.

uLuuka 9:42

Umwana uyo lwe akusogola kwa Yeesu, impepo iyo yihamugwisya pansi nu kumugalagaasya. Pe uYeesu ahayipilila, ahamuponia umwana uyo nu kumugalusya kwa yise.