Maliko 5:15 - ULufingwi uLupwa

¹⁵ Vhahamwaga uYeesu nu kumulola ula we ali ni mpepo inkandamanu, atendiime azwaye amenda, havhili áali ni njeele zyonti. Vhoope vhahoogopa nkaani.

Tesitamenti Umupwa 1965

¹⁵ Vahafiha pʼalʼuYesu, vahagʼumuntu we zyamwinjiyʼimpepʼimbivi ukuti atendimʼahinza, azwaye namenda asansamusile, wuyo wʼali nimpuga. Pʼavene vahatetema.

Maliko 5:15 ပူးပေါင်းရင်းမြစ်များ

Matayi 12:29

Wu naanu we anginjila mu nyumba iya muntu uwa maha nu kupumula ivintu vwakwe ishisita kumukunga suuti? Ileelo inga amukunga suuti umuntu uwa maha uyo, pe angapumula vwe vili mu nyumba yaakwe.

Matayi 26:53

Vhuli, mutamanyile kuuti ingamulambiilizya uTaata waane kuuti anaavwe, woope angandeetela shiniishi avhahavhizya vhaakwe impuga impiti 12 nu kushila?

Matayi 4:24

Pe inongwa zyakwe zihakumuha nkaani mu nsi yonti iya Siiliya. Avhantu vhahavhatwalaga avhavhinu na vha ntamwo izya mavhiila mu mavhiila vhonti. Muli ivho, vháliipo avha mpepo inkandamanu na vhe vháali ni shinzilisi na vhe vháhataliiye. Woope ahavhaponiaga vhonti.

Matayi 9:33

UYeesu ahayishimbizya impepo iyo, naluvhiilo, umuntu uyo ahataliha kuyanga. Ivhungaana ilya vhantu vhe vháamile paala vhahasukumila nkaani, vhahati, “Mu nsi yonti iya Isilayeeli zitahafumila naalumo inza izi!”

Maliko 5:14

Avhadiimi avha nguluvhe vhahashimbila uluvhilo kusogola mu nkaaya na mu ntala, vhahayanga zyonti zye vhazilola. Avhantu vhahasogola kwenya zye zivhombesile.

Maliko 5:16

Avhantu vhe vhávhwenyi zye zyávhombesile, vhahavhavhuuzya avhanji zyonti zye zyámwazile uwa mpepo uyo, na zye zyázyazile inguluvhe.

Maliko 5:18

Lwe uYeesu akwinjila mwi ivhooti, umuntu ula we áamile ni mpepo inkandamanu ahamulambiilizya kuuti asogole nawo.

Maliko 5:4

mwe pe avhantu vhámupinyile ulwinji ni mpingu na manyoloolo, ileelo ahagadumulanyaaga. Atáliipo uwa maha aga kumupoota nu kumudindila.

Maliko 5:9

UYeesu ahamuvhuziilizya ahati, “Izina lyaho we naanu?” Ahamwamula ahati, “Izina lyane ne Mpuga, mwe pe swe vhinji.”

uLuuka 10:39

UMaalita áamile nu munine waakwe we vhahatinji uMaliiya. Ahavhaliilizyo he uYeesu áali mu nyumba yaavho, uMaliiya átendiime pa luvhazu pa vinama ivwa Mwene uYeesu, ahatejelezyaga insambiilizyo zyakwe.

uLuuka 8:27

UYeesu lwe ayiiha mwi ivhooti, umuntu wumo uwa mu nsi iyo ahinza ku kwakwe. Umuntu uyo áamile ni mpepo inkandamanu. Insiku inyinji ahajendaga ishitali, havhili atahatendamaga mu nyumba, ahatendamaga ku mbiipa.

Kolosi 1:13

Átuposile kufuma mu maha aga mu shiisi, ahatusaamwa nu kutwinjizya mu vhumwene uvhwa Mwana waakwe unkundwa.

2 Timoti 1:7

Yeenya, uMulungu atatupiiye umwoyo uwa ilyoga, nkandi atupiiye uMupepo uwa kuutupa amaha ni shikunzi nu mwoyo uwa kuyikonzya.