Maliko 4:34 - ULufingwi uLupwa

³⁴ Atahavhavhuzyaga naashimo ishisita ishiholanyo, ileelo lwe ayiima weeka na vhasundikwa vhaakwe ahavhavumbulilaga zyonti.

Tesitamenti Umupwa 1965

³⁴ Ukwenʼukuyanga vwelele, kwʼatahayanga nazimo. Zyonti zyʼahavavuzyaga zyʼahaziyanjila muṿiholanyo. Avenʼavasundikwa vakwe nyene vʼahavilulila zyonti lwʼayelelesile navo.

Maliko 4:34 ပူးပေါင်းရင်းမြစ်များ

Matayi 13:34

Zyonti izyo uYeesu ahagavhuzyaga amavhungaana aga vhantu ku viholanyo. Atahavhavhuzyaga naashimo ishisita ishiholanyo.

Maliko 4:10

UYeesu na vhasundikwa vhaakwe pooka na vhantu vhe vhahamulandataga vhahasogola kukwilu. Vhahamulaavha kuuti avhalondovholele iviholanyo vwakwe.

Maliko 4:33

UYeesu ahavhavhuzyaga avhantu ku viholanyo ivinji inza ivi, kulandatana na vwe vhahatejelezyaga.

uLuuka 24:27

Pe ahavhavhuuzya inongwa zyonti izya mu Vhusimbe uVhufinjile zye zyásimviilwe ku zyakwe. Ahayanga izyo kwandila amakalaata aga Moose na makalaata gonti aga vhakuvhwi.

Yohani 10:6

UYeesu ávhavhuziizye aVhafalisaayi ishiholanyo ishi, ileelo avheene vhatámanyile zye ahavhavhuzyaga.

Yohani 16:25

UYeesu havhili ahati, “Navhavhuuzya zyonti izi ku viholanyo. Ileelo ahavhaliilizyo hakwinza he te nkayangaje niimwe havhili ku viholanyo, ndivhavhuzyaga apazelu izya Taata.

iMbombo izya Vhatumwa 28:23

Pe vhahitinkana nu Paavhuli isiku ilya kuvhungaana mu nyumba ye ahatendamaga. Isiku ilyo lwe lyafiha, aVhayuuda vhahavhungaana ku vhwinji kuluusya isiku ilya pisinda. UPaavhuli ahavhapanjila inongwa inyinji kufuma inzanshi kufishila hamazuuvha. Ahavhalumbililaga inongwa izya vhumwene uvhwa Mulungu. Ahavhasinjilizyaga kuuti vhoope vhamwitishe uYeesu, ahavhombaga vhwevhulo kwi idala ilya kuvhalolesya amazwi ge gakupanga inongwa zyakwe mu ndajizyo izya Moose, na mu makalaata aga vhakuvhwi.