Maliko 4:1 - ULufingwi uLupwa

¹ UYeesu ahataliha kusambiilizya lwe ali pa luvhazu pa sumbi. Ivhungaana ipiti ilya vhantu lihinza pe áamile, pe uweene ahalimbila mwi ivhooti, nu kutendama muumwo, inga avhe nu vhuzilo uvhwa kusambiilizya avhantu vhe vháali ku nsi inyuumu.

Tesitamenti Umupwa 1965

¹ Pʼahavuyizya nohavili ahavasambilizyʼavantu kushipuma sha sumbi. Pe vahavungana pʼali avantʼavinjʼimpuga. Mwe mumwo ahayipashila mwivoti lye lyali muminzi, mwʼahatendama. Avenʼavantʼimpuga yonti vahazinga kushipuma sha sumbi.

Maliko 4:1 ပူးပေါင်းရင်းမြစ်များ

Maliko 2:13

UYeesu ahasogola havhili mu luvhazu mwa sumbi uwa Galilaaya. Ivhungaana ilya vhantu lihamulandata, woope ahataliha kuvhasambiilizya.

Maliko 3:7

UYeesu aheepa penepo pooka na vhasundikwa vhaakwe, ahasogola kwa sumbi uwa Galilaaya, ni mpuga impiti iya vhantu kufuma mu shigavho isha nsi isha Galilaaya, yihamulandata. Avhantu avhinji kufuma intala inyinji, lwe vhiivwa zyonti zye ahazivhombaga, vhahamwinzila kufuma mu Yelusaleemu na mu shigavho isha nsi isha Yudeeya shonti na mu shigavho isha nsi isha Idumaayi na mwi isyila ilya ijenje uYoolodaani na mu nkaaya iya Tiilo ni Siidoni.

Maliko 3:9

Ahavhavhuuzya avhasundikwa vhaakwe kuuti vhasengaanye ivhooti inga ayiime mwenemwo, lwe akuvhasambiilizya, mwe pe ivhungaana ilya vhantu lihamuviganyaaga.

Maliko 4:36

Vhahalileha ivhungaana, vhaheepa ni ivhooti she uYeesu ali mwemuula. Amavhooti aganji gahalongozanya pooka navho.

Maliko 5:2

UYeesu lwe ayiiha mwi ivhooti, ahahomaana nu muntu wumo uwa mpepo inkandamanu we áfumile ku mbiipa.

Maliko 5:21

Havhili uYeesu na vhasundikwa vhaakwe vhahalamba usumbi kugaluha kwi isyila, ivhungaana ipiti lihamuvhungatila pepaala pa luvhazu pa sumbi.