Maliko 3:29 - ULufingwi uLupwa

²⁹ ileelo we akumusaamula uMupepo uMufinjile te ahaswilwe naalumo, uvhutalamalandu uvhwo vhuliivha vhwa shiima.”

Tesitamenti Umupwa 1965

²⁹ Nkandʼuno wengʼamusamuyʼuMupepʼuMufinjile, wʼatakwaga nalumo lumo uvuswila ndali, uwenʼumulandu wakwe uno akuva wa shimashima.

Maliko 3:29 ပူးပေါင်းရင်းမြစ်များ

Matayi 25:46

“Pe avhatalamalandu vhaliyeepa nu kusogola kwi isunde ilya shiima. Ileelo avhagolosu, vhaliyinjila mu vhulanzi uvhwa shiima.”

Matayi 9:3

Pe avhasambiilizi vhamo avha ndajizyo izya Moose vhe vháliipo paala vhahasiivha mu mooyo gaavho kuuti, “Yeenya, umuntu uno akumusaamula uMulungu!”

Maliko 12:40

Avhantu ivha vhakuvhafwula ivintu avhaziishe! Ku shifumbo shaavho vhakupuuta impuuto intali, inga avhantu vhatinji vhagolosu. Kuli izyo, uMulungu aliivhapa isunde ipiti!”

Maliko 3:30

Áyanzile vhwevhulo, mwe pe vhátili, “Ali ni mpepo inkandamanu.”

uLuuka 12:10

Umuntu wonti we akunjanjila amazwi amavhiivhi ine ne Mwana wa Aadamu, aliswilwa. Ileelo we akumusaamula uMupepo uMufinjile, te ahaswilwe.

2 VaTesaloniki 1:9

Isunde lyavho liliivha vhunanjisu uvhwa shiima nu kuvhavhiiha ukutali nu Mwene nu vhushindamu vhwakwe uvhupiti.

uYuuda 1:13

Vhakupootwa kuyidindila inza amavhilingwa amapiti aga mwa sumbi, havhili imbombo zyavho izya nsoni, zikukumuha inza umutatafula uwa mavhilingwa igo. Havhili, vhali inza inzota zye zikweleela, ivho, ishiisi ishipiti, vhwe vhutendamo vhwavho vhwe vhahavhiishilwa shiima.

uYuuda 1:7

Mukumbushe havhili avhantu avha mu nkaaya iya Sodooma ni ya Gomoola, pooka na vha mu nkaaya impalamani. Avhahaaya avha mu nkaaya izyo, vhávhomvile inza avhahavhizya ivho. Vhávhomvile uvhulugusu nu kulandata izya vhuntu uvhwa vhutalamalandu, zye zitakuvhalilana nu vhupezi. Kuli izyo, vhahapeelwa isunde ilya mwoto uwa shiima, inga livhe nsoshi ku vhantu vhonti.