Maliko 3:18 - ULufingwi uLupwa

¹⁸ wu Andeleeya nu Fiilipo nu Batolomaayo nu Mataayi nu Toomasi nu Yaakobu uwa Alufaayo nu Tadaayo nu Siimoni we ahayikungulaga kulwila insi yaakwe,

Tesitamenti Umupwa 1965

¹⁸ nuAndeleya, nuFilipu, nuBalitolomayi, nuMatayi, nuToma, nuYakobu umwana-Alifayi, nuTadayi, nuSimoni wa mu-Kana,

Maliko 3:18 ပူးပေါင်းရင်းမြစ်များ

Matayi 13:55

Uno te mwana wa selemaala? Unyina te wu Maliiya? Havhili avhanine vhaakwe te vhe vha Yaakobu nu Yoosefu nu Siimoni nu Yuuda?

Matayi 9:9

Lwe uYeesu ayeepa paala, ahamulola umusonchezya musonko wumo, we izina lyakwe vhahatinji uMataayi, atendiime apa kusonchezezya umusonko. UYeesu ahamuvhuuzya ahati, “Undandate! Uvhe we musundikwa waane.” Woope uMataayi ahimiilila nu kumulandata.

Maliko 2:14

Lwe akujenda ahamulola umuntu wumo, we izina lyakwe vhahatinji uLaawi, umwana wa Alufaayo, atendiime apa kusonchezezya umusonko. UYeesu ahamuvhuuzya ahati, “Undandate! Uvhe we musundikwa waane.” Woope uLaawi ahimiilila nu kumulandata.

Maliko 3:17

uYaakobu nu munine waakwe uYoohani, avhaana vha Zebedaayi (uYeesu ahaavhapa izina ilya Bowanalige, kwe kuuti, “AVhaana avha Kujilima”). Avhamwavho,

Maliko 3:19

nu Yuuda uwa ku Kaalyoti, we pisinda ámwaniliiye uYeesu.

Maliko 6:3

Uno te wu selemaala, umwana wa Maliiya? Havhili avhanine vhaakwe te vhe vha Yaakobu nu Yoose nu Yuuda nu Siimoni? Vhuli, avhanine avhalindu vhataliipo pa mwitu panaapa?” Vhahaviitwa nkaani nu kuhaana kumwitiha.

Yohani 1:40

Umusundikwa wumo mu vhaala vhavhili vhe vhívuuye amazwi aga Yoohani, nu kumulandata uYeesu, izina lyakwe vhahatinji uAndeleeya, umunine uwa Siimoni uPeeteli.

Yohani 11:16

Pe umusundikwa wumo we izina lyakwe vhahatinji uToomasi, havhili we vhahamwitaga vhahatinji Ipasa, ahavhavhuuzya avhasundikwa avhamwavho ahati, “Niiswe tujendi inga tusogole tufwe pooka nawo.”

Yohani 14:22

Pe umusundikwa wumo we izina lyakwe vhahatinji uYuuda we te wa ku Kaalyoti, ahamuvhuziilizya uYeesu ahati, “We Mwene, yingavha inza vhuli kuyilolesya kuli iswe, ileelo utahayilolesye ku vhantu avhanji vhonti?”

Yohani 21:2

uSiimoni uPeeteli nu Toomasi we vhahamwitaga vhahatinji Ipasa nu Nasaniyeeli we áfumile mu nkaaya iya Kaana iya ku Galilaaya, na vhaana vhavhili avha Zebedaayi na vhasundikwa avhamwavho vhavhili vháali vhonti pooka.

iMbombo izya Vhatumwa 1:13

Lwe vhinjila mu nkaaya, vhahazuvha mu shumba isha pamwanya mu nyumba injelenkanu, vhahinjila mu shumba isho, mwe vhahatendamaga. Ivho vháamile vhe vha Peeteli nu Yoohani nu Yaakobu nu Andeleeya nu Fiilipo nu Toomasi nu Batolomaayo nu Mataayi. Avhamwavho vháamile vhe vha Yaakobu umwana wa Alufaayo nu Siimoni we ahayikungulaga kulwila insi yaakwe nu Yuuda umwana wa Yaakobu.

iMbombo izya Vhatumwa 15:13

Lwe vhaamala kuyanga, uYaakobu ahati, “Mwe vhamwitu, tejeelezyi!

iMbombo izya Vhatumwa 21:18

Indaavhi yaakwe, iswe pooka nu Paavhuli tuhasogola kumulamuha umulongozi uwa shivhanza uYaakobu. Vhoope avhasongo vhonti avha shivhanza vháliipo lwe tukulamunkana.

1 VaKolinti 15:7

Havhili ahamuloleshela uYaakobu, pisinda ahavhaloleshela avhatumwa vhonti.

1 VaKolinti 9:5

Mukusiivha kuuti iswe tutakwitishilwa kushuula na vhashi vhiitu avhiitisi, inza vwe vhakushuula uKeefa na vhatumwa avhanji na vhanine avha Mwene uYeesu?

VaGalati 1:19

Ileelo ntávhavhwenyi avhatumwa avhanji, nkandi we Yaakobu umunine uwa Mwene uYeesu.

VaGalati 2:9

Havhili uYaakobu nu Keefa nu Yoohani vhe vhakuloleha kuuti vhalongozi avhapiti, vhámanyile kuuti uMulungu ku vhwila vhwakwe, ámpiiye imbombo ino. Pe vhahatulema inyoovhe nu Balinaaba, kuvha shilolesyo isha vhuliilani. Twítinkiine kuuti iswe tukwanzilwa kuvhomba imbombo ku vhe te Vhayuuda, avheene ku Vhayuuda.

Yakobu 1:1

Ukalaata uno nsimvile neene ne Yaakobu, ne muvhomvi uwa Mulungu nu wa Mwene uYeesu Chilisiti. Nkuvhalamuha imwe mwe Vhayuuda mwenti mwe vha nkolo 12, mwe musaasite mu nsi izya mavhiila mu mavhiila.

uYuuda 1:1

Ukalaata uno nsimvile neene ne Yuuda. Ine ne muvhomvi uwa Yeesu Chilisiti, havhili ne munine uwa Yaakobu. Nkuvhasimbila imwe mwe uTaata uMulungu ahavhiita nu kuvhakunda, havhili uYeesu Chilisiti akuvhasunjiilila.