Maliko 2:20 - ULufingwi uLupwa

²⁰ nkandi insiku zye vhalivheefwezya we akwimala pe vhaliyiima kulya.

Tesitamenti Umupwa 1965

²⁰ Nkandi gakwinzʼamanda lwʼanyatulilwe kuli vuvo umusendamwantanda. Pala nyene valifungʼiṿintu pamanda gugo.

Maliko 2:20 ပူးပေါင်းရင်းမြစ်များ

Matayi 26:31

Pe uYeesu ahavhavhuuzya avhasundikwa vhaakwe ahati, “Uvhusiku uvhwa ileelo imwe mwenti kwe munshimbile nu kundeha. Nkuyanga vhwevhulo, mwe pe yisimviilwe mu Vhusimbe uVhufinjile kuuti, ‘Ndimuhoma umudiimi, ni ngʼonzi izya mu mpuga iyo zilisaata.’

Matayi 9:15

UYeesu ahavhaamula ahati, “Vhe vhalanjiliilwe pa winga vhatangaloosya lwe we akwimala ali pooka navho, nkandi insiku zye vhalivheefwezya we akwimala, pe vhaliyiima kulya.

Maliko 2:19

UYeesu ahavhaamula ahati, “Vhe vhalanjiliilwe pa winga, vhatakwanzilwa kuyiima, lwe we akwimala ali pooka navho,

Maliko 2:21

“Ataliipo umuntu we akugambiha ishigamba ishipwa pa mwenda umukaali, mwe pe ishigamba ishipwa shikuzepulanya nu kunanganya nkaani umwenda umukaali.

uLuuka 17:22

Pe uYeesu ahavhavhuuzya avhasundikwa vhaakwe ahati, “Ziliyinza insiku zye mulinyonywa kuvha niine ne Mwana wa Aadamu poosye kwi isiku inga lyoka, ileelo te muhandole.

uLuuka 5:35

nkandi insiku zye vhalivheefwezya we akwimala pe vhaliyiima kulya.”

Yohani 12:8

Avhapiina muli navho insiku zyonti, ileelo ine te mbe niimwe insiku zyonti.”

Yohani 13:33

Mwe vhaana vhaane, kwe mbe niimwe ahavhaliilizyo hansi vhweleele. Inza vwe naavhavhuziizye avhalongozi avha Vhayuuda, niishi vhweleele nkuvhavhuuzya niimwe kuuti kwe mundondole, ileelo imwe mutanginza kwe nkusogola.

Yohani 16:28

Nínzile mu nsi kufuma kwa Taata, havhili ishi nkwepa mu nsi, nkusogola kwa Taata.”

Yohani 16:7

Nkuvhavhuuzya zya nalyoli kuuti, lilonka kuli imwe kuuti nsogole kwa Taata, mwe pe inga ntasogola uMutuuli te ayinze kuli imwe. Ileelo inga nasogola, kwe imutume kuli imwe.

Yohani 17:11

Ishi nkwinza kuli iwe, te mbe havhili mu nsi umu. Ileelo avheene kwe vhajendeelele kuvha mu nsi umu. We Taata Mufinjile, nkulaavha uvhaguulile kwi izina lyaho lye umpiiye, inga vhavhe ishintu shooka inza vwe ine niiwe tuli ishintu shooka.

Yohani 17:13

“We Taata, ishi indi mwi idala nkwinza kuli iwe. Nkuvhavhuuzya avhasundikwa vhaane zyonti izi she indi mu nsi, inga vhavhe nu luseshelo nkaani muhati zyavho, inza vwe niine indi nu luseshelo.

Yohani 3:29

Umulindu we akwimalwa akwanzilwa kusogola kwa mulume waakwe. Ine indi inza umumanyani uwa mulume we akumwimala umulindu uyo, nkwimiilila pa luvhazu pa we akwimala, nkuseshela lwe nkwivwa izwi lyakwe.

iMbombo izya Vhatumwa 1:9

Lwe uYeesu ayanga izyo, pe ahanyatulwa kusogola ku mwanya, she avhatumwa vhonti vhakulola. Ivhingo lihamudindila, vhatahamulola havhili.

iMbombo izya Vhatumwa 14:23

Avha Paavhuli nu Balinaaba vhahasavhulaga avhasongo mu vivhanza vwonti. Vhahalaavhaga nu kuyiima kulya ishaakulya, pe vhahavhavhiihaga kwa Mwene uYeesu we vhámwitisile.

iMbombo izya Vhatumwa 3:21

UYeesu akwanzilwa kusyala ku mwanya, kufishila ahavhaliilizyo he uMulungu alivigalulanya ivintu vwonti kuvha vipwa, inza vwe uweene áyanzile kufuma hali, kutuushila ku vhakuvhwi vhaakwe avhafinjile.

1 VaKolinti 7:5

Mutimanaje, nkandi inga mwitinkiine kuleha ku havhaliilizyo hansi, inga muyifumwe kumulaavha uMulungu. Ileelo pisinda mugalushilanaje havhili, inga uSeetano atahinze avhalinje kuzya kupootwa kuyikonzya kwinyu.

2 VaKolinti 11:2

Ine indi nu vhuzuvha niimwe vhwe vhukufuma kwa Mulungu. Nkuyanga vhwevhulo, mwe pe muli inza umulindu uwa mwoyo umuzelu we atamumanyile naalumo umwanaavuli, we námuzinjiiye kwimalwa nu mwanaavuli wooka vhweleele, we wu Chilisiti.

2 VaKolinti 11:27

Mbomvile imbombo ingomu nu kuyimvilwa, ulwinji nkaasite she ndamuuye, njimvile ni nzala ni shinyooto, ulwinji ntendiime ishisita kulya, nu kutendama ni mpepo ishisita amenda.

2 VaKolinti 6:5

Ahavhaliilizyo hamo tukuhomwa nu kukungwa mu jeela nu kuvhuushilwa ni mpuga iya vhantu. Havhili tukuvhomba imbombo ingomu, tutakusupiila utulo, tukulinda ni nzala nu kukaatila.

Ishitushizya 19:7

Tuseshelaje nu kudovhela nu kumushindiha, mwe pe ahavhaliilizyo aha winga uwa Hagonzi aha MWENE uMulungu hafisile, havhili we akwimalwa ayisengiinye.

Ishitushizya 21:9

Pe wooka mu vhahavhizya vhaala 7 vhe vháali ni mbiga ziila 7 zye zyízuuye imfwa 7 izya vhusililishilo, ahinza nu kumbuuzya kuuti, “Nzaaga! Niine kwe nkulolesye umwantanda we akwimalwa, umushi uwa Hagonzi aha MWENE uMulungu!”