Maliko 2:2 - ULufingwi uLupwa

² Avhantu avhinji vhahiizula mu nyumba yonti na kunzi vhweleele, woope uYeesu ahalumbililaga izwi ilya Mulungu.

Tesitamenti Umupwa 1965

² Pe vahavunganʼavantʼavinji. Pope napashilyango pahasova pavwimo avantu. Uwenʼahavavuzyʼinongwa.

Maliko 2:2 ပူးပေါင်းရင်းမြစ်များ

Matayi 5:2

Woope ahataliha kuvhasambiilizya ahati,

Maliko 1:14

Pisinda, uYoohani ahakungwa mu jeela, pe uYeesu ahasogola mu shigavho isha nsi isha Galilaaya, ahataliha kukumusya Izwi iLyinza ilya Mulungu.

Maliko 1:33

Avhantu avhinji nkaani avha mu nkaaya yiila vhávhungiine pilongolela ilya nyumba yiila.

Maliko 1:37

Lwe vhamulola vhahamuvhuuzya vhahati, “Avhantu vhonti vhakukulondola.”

Maliko 1:45

Ileelo umuntu ula atahapuuma, ahajendeelela kukumusya zye uYeesu amuvhombela zyonti. Pe mu nkaaya yonti yihavha shigomu kwa Yeesu, poosye kwinjila apazelu, mwe pe avhantu vhahamuvhunganilaga, ahiima kukwilu kwe kutáali avhantu. Ileelo avhantu kufuma intala zyonti vhahamulandata kwekuula kwe áamile.

Maliko 2:1

Lwe zyatuuha insiku nyinsi, uYeesu ahagaluha ku Kapelanawuumu na vhantu vhahiivwa kuuti ali pa nkaaya.

Maliko 2:13

UYeesu ahasogola havhili mu luvhazu mwa sumbi uwa Galilaaya. Ivhungaana ilya vhantu lihamulandata, woope ahataliha kuvhasambiilizya.

Maliko 6:34

Lwe uYeesu ayiiha mwi ivhooti, ahavhalola avhantu ivhungaana ipiti nkaani, ahavhafwila uvhwila, mwe pe vháamile ngati ngʼonzi zye zitali nu mudiimi. Ahataliha kuvhasambiilizya ivintu ivwinji.

uLuuka 12:1

Ahavhaliilizyo iho, avhantu amashumi na mashumi vhahavhungaana kumutejeelezya uYeesu. Vháamile vhinji nkaani, vhahahanyanaga nu kuhanyana lwe vhakusejeelela ku kwakwe. Pe uYeesu ahavhavhuuzya suuti avhasundikwa vhaakwe ahati, “Muvhe minso ni shifumbo isha Vhafalisaayi, mwe pe shikukumuha inza umulembo uwa kuluzizya vwe wukusaata.

uLuuka 5:17

Isiku limo, uYeesu ahavhasambilizyaga avhantu mu nyumba yimo. Muli ivho vháliipo aVhafalisaayi na vhasambiilizi avha ndajizyo izya Moose, kufuma mu ntala zyonti izya mu Galilaaya ni zya mu Yudeeya, na mu nkaaya iya Yelusaleemu. Amaha aga MWENE uMulungu gáamile pooka nawo kuvhaponia avhavhinu.

uLuuka 8:1

Lwe zyatuuha izyo, uYeesu ahazyunguulaga mu nkaaya inyinji na mu ntala, ahakumusyaga nu kulumbiilila Izwi iLyinza ilya vhumwene uvhwa Mulungu. Áamile pooka na vhasundikwa vhaakwe 12.

uLuuka 8:11

“Ishiholanyo ishi kwe kuuti: Imbeyu lizwi lya Mulungu.

iMbombo izya Vhatumwa 11:19

Avhalandati avha Yeesu vhe vhásaasite kuzya mayimba lwe vhamugoga uSiteefani, vhahasogola mu nsi iya Foyiniikesi ni ya mu Kiipulo na mu nkaaya iya Antiyookiya. Kwonti ukwo, vhahalumbililaga izwi ilya Mwene uYeesu kwe ku Vhayuuda vhweleele.

iMbombo izya Vhatumwa 14:25

Vhahafiha mu nkaaya iya Peelige. Vhahasambiilizya izwi ilya Mulungu umwo, pe vhahasogola mu nkaaya iya Ataaliya.

iMbombo izya Vhatumwa 16:6

UMupepo uMufinjile ávhahaanile avha Paavhuli na vhamwavho kuuti, vhatahalumbiilile izwi ilya Mwene uYeesu mu shigavho isha nsi isha Aasiya. Pe vhahatuuha mu nsi iya Fuligiya, ni ya Galaatiya.

iMbombo izya Vhatumwa 8:25

Avha Peeteli nu Yoohani lwe vhaafumwa uvhwahoome nu kulumbiilila izwi ilya Mwene uYeesu kuukwo, vhahanda kugaluha mu nkaaya iya Yelusaleemu. Lwe vhali mwi idala, vhahalumbililaga Izwi iLyinza mu nkaaya inyinji izya mu Samaliya.

VaLoma 10:8

Ileelo uVhusimbe uVhufinjile vhukuti, “Izwi ilya Mulungu lili papiipi niiwe, lili mwi ilomu lyaho na mu mwoyo waaho.” Izwi ilyo lizwi lya kumwitiha uChilisiti lye tukukumusya

2 Timoti 4:2

Uvhakumusizyaje avhantu izwi ilya Mulungu, yivhe kwe ku havhaliilizyo he hahondeeye, poosye he hatahondeeye. Havhili uvhasohaje nu kuvhapilila nu kuvhagomwa amooyo nu kuvhasambiilizya vhujimbiilizu vhwonti.