Maliko 2:1 - ULufingwi uLupwa

¹ Lwe zyatuuha insiku nyinsi, uYeesu ahagaluha ku Kapelanawuumu na vhantu vhahiivwa kuuti ali pa nkaaya.

Tesitamenti Umupwa 1965

¹ Ilelo lwe gashilinkinʼamanda gamo, pʼahavuyizyʼukuvala mu-Kapelinahumu. Ahakumuha ukuti ali munyumba.

Maliko 2:1 ပူးပေါင်းရင်းမြစ်များ

Matayi 4:13

Lwe uYeesu ali mu Galilaaya, aheepa mu nkaaya iya Naazaleeti, ahasogola kutendama mu nkaaya iya Kapelanawuumu. IKapelanawuumu nkaaya ye yili mu luvhazu mwa sumbi uwa Galilaaya, ku luvhazu ulwa nsi iya Zaabulooni ni ya Naafutaali.

Matayi 9:1

Pe uYeesu ahalimbila ivhooti, ahalamba usumbi uwa Galilaaya nu kugaluha mu nkaaya yaakwe iya Kapelanawuumu.

Maliko 1:45

Ileelo umuntu ula atahapuuma, ahajendeelela kukumusya zye uYeesu amuvhombela zyonti. Pe mu nkaaya yonti yihavha shigomu kwa Yeesu, poosye kwinjila apazelu, mwe pe avhantu vhahamuvhunganilaga, ahiima kukwilu kwe kutáali avhantu. Ileelo avhantu kufuma intala zyonti vhahamulandata kwekuula kwe áamile.

Maliko 2:2

Avhantu avhinji vhahiizula mu nyumba yonti na kunzi vhweleele, woope uYeesu ahalumbililaga izwi ilya Mulungu.

Maliko 3:20

Lwe uYeesu agaluha kuhaaya pooka na vhasundikwa, ivhungaana lihamuvhungatila havhili. Uweene na vhasundikwa vhaakwe vhahapootwa nu kulya ishaakulya, mwe pe imbombo iya kuvhavhombela avhantu yáali mpiti.

Maliko 7:17

Ahalileha ivhungaana ahinjila mu nyumba pooka na vhasundikwa. Avhasundikwa vhahamuvhuziilizya kuuti avhalondovholele amiivhi gaala.

Maliko 7:24

UYeesu aheepa ahasogola mu nkaaya iya Tiilo, ahinjila kukwilu mu nyumba yimo. Atahanzaga umuntu inga wooka amanye mwe ali, ileelo ahapootwa kuyizyiha.

Maliko 9:28

UYeesu na vhasundikwa vhaakwe vhahinjila mu nyumba paala pe vhahavhanga, vhahamuvhuziilizya kukwilu vhahati, “Shooni she iswe twaaposiitwe kuyishimbizya impepo inkandamanu yiila?”

uLuuka 4:23

UYeesu ahavhavhuuzya ahati, “Nalyoli kwe mumbuuzye ku miivhi kuuti, ‘Iwe muganga, yiponie weneewe!’ Kwe muti, ‘Imbombo zye twivuuye uvhomvile mu nkaaya iya Kapelanawuumu, ishi uzivhombe na pa nkaaya ipa pa mwinyu weneewe.’”

uLuuka 5:18

Pe vhahinza avhantu vhamo, vhamusenziinye pi izagala umuntu we áhataliiye. Vhahalinga kumwinjizya mu nyumba, inga vhamuvhiishe pa Yeesu kuuti amuponie.

Yohani 4:47

Umulongozi uyo ahiivwa kuuti uYeesu ayinzile havhili mu shigavho isha nsi isha Galilaaya, kufuma mu shigavho isha nsi isha Yudeeya. Ahasogola kwa Yeesu nu kumulaavha nkaani kuuti asogole ku nkaaya iya Kapelanawuumu kumuponia umwana waakwe, mwe pe ávhinile nkaani, asyaye hansi kufwa.

iMbombo izya Vhatumwa 2:6

Lwe vhiivwa izwi ilyo, avhantu impuga impiti vhahavhungaana pooka, vhahasukumila, mwe pe ivho vhonti vhahivwaga vhakuyanga ku njango zyavho.