Maliko 16:17 - ULufingwi uLupwa

¹⁷ Ivilolesyo ivi, kwe vivhombwaje na vhantu vhe vhakuniitiha. Kwe vhefwaje impepo inkandamanu kwi izina lyane, havhili kwe vhayangaje injango injeni.

Tesitamenti Umupwa 1965

¹⁷ Agene nyenʼamamfindango ge gakuvalandata vuvo venga vitisile ge gugo: Impepʼimbivi valizifumwa mwizina lyanʼine, valiyanga nimilʼimpwa,

Maliko 16:17 ပူးပေါင်းရင်းမြစ်များ

Maliko 9:38

UYoohani ahati, “We Musambiilizi, twaamuvhwenyi umuntu wumo akushimbizya impepo inkandamanu kwi izina lyaho. Twaamuhaanile, mwe pe atali pooka niiswe.”

uLuuka 10:17

Pisinda, avhasundikwa avha Yeesu 72 vhahagaluha kwa Yeesu uku vhakuseshela, vhahamuvhuuzya vhahati, “We Mwene, zyope impepo inkandamanu zyatushindihaga, lwe tukuzishimbizya kwi izina lyaho!”

Yohani 14:12

Nalyoli nkuvhavhuuzya kuuti, umuntu wonti we akuniitiha, kuuti avhombaje imbombo zye niine nkuvhomba. Havhili kwe avhombaje ni mpiti kuluusya zye nkuvhomba, mwe pe nkusogola kwa Taata.

iMbombo izya Vhatumwa 10:46

Havhili vhásukumiiye, mwe pe vhívuuye vhakuyanga ku njango injeni kumutiima uMulungu. Pe uPeeteli ahati,

iMbombo izya Vhatumwa 16:18

Ahavhombaga vhwevhulo insiku inyinji. Ileelo isiku limo, uPaavhuli ahaviitwa nkaani, ahamushevhela nu kuyivhuuzya impepo iyo kuuti, “Nkukulajizya kwi izina ilya Yeesu Chilisiti kuuti, fuma mwa mulindu uno!” Naluvhiilo impepo yiheepa.

iMbombo izya Vhatumwa 19:6

Pe uPaavhuli ahavhavhiishila inyoovhe kuvhaloota, uMupepo uMufinjile ahavhiishila, vhahanda kuyanga ku njango injeni nu kukuvhwa uvhukuvhwi.

iMbombo izya Vhatumwa 2:33

Lwe uMulungu amuzyusya, ahamuzuvwa nu kumuvhiiha ku luvhazu lwakwe ulwa kundiilo pa vhushindamu uvhupiti nkaani. Pe ahaposheela uMupepo uMufinjile kufuma kwa Taata, we áfinzile, ahatwitila wenewo ku vhwinji, izyo zye mukuzilola, nu kuzyivwa.

iMbombo izya Vhatumwa 5:16

Avhantu avhinji vhahafumaga mu nkaaya izya mu luvhazu mu Yelusaleemu, vhahavhaleetaga avhavhinu, na vhaala vhe vhálemwilwe ni mpepo inkandamanu, vhonti ivho vhahaponaga.

iMbombo izya Vhatumwa 8:7

Ahazipililaga impepo inkandamanu mu vhantu avhinji, lwe zikufuma zihazumaga ahalanga. Ahavhaponiaga avhinji vhe vháhataliiye, na vhantendya.

1 VaKolinti 12:10

Uwamwavho akuumupa ishikunjilwa isha kuvhomba amafindango nu wamwavho ishikunjilwa isha vhukuvhwi. UMupepo wunuuyo akuumupa umuntu ishikunjilwa isha kumanya zye zikufuma kwa Mupepo uMufinjile na zye zikufuma ku mpepo inkandamanu. Havhili akuumupa uwamwavho ishikunjilwa isha kuyanga injango injeni nu wamwavho kutantula injango izyo.

1 VaKolinti 12:28

Mu shivhanza, uMulungu ávhavhiisile avhatumwa na vhakuvhwi na vhasambiilizi. Havhili ávhavhiisile vhe vhakuvhomba amafindango na vha shikunjilwa isha kuponia avhavhinu na vha shikunjilwa isha kuvhaavwa avhanji na vha shikunjilwa isha kulongozya na vha shikunjilwa isha kuyanga injango injeni.

1 VaKolinti 12:30

Vhuli, avhantu vhonti vhali ni shikunjilwa isha kuponia? Avhantu vhonti vhakuyanga injango injeni? Avhantu vhonti vhakutantula injango izyo?

1 VaKolinti 13:1

Poosye inga indi ni shikunjilwa isha kuyanga injango zyonti izya vhantu ni zya vhahavhizya, ileelo inga ntali ni shikunzi, injango izyo zitangaavwa naashimo, nkuvha inza ibegeeti, poosye inza ipenga lye likuzuma ahalanga.

1 VaKolinti 14:2

Umuntu we akuyanga injango injeni, atakuyanga na vhantu, akuyanga nu Mulungu, mwe pe zye akuyanga naawumo we akuzimanya. Uweene akuyanga izya vhuzigizigi ku maha aga Mupepo uMufinjile.