Maliko 16:14 - ULufingwi uLupwa

¹⁴ Isiku ilyamwavho uYeesu ahavhaloleshela vhaala 11, lwe vhakulya ishaakulya. Ahavhapilila, mwe pe amooyo gaavho gáamile magomu, havhili, mwe pe vháhaanile kuvhiitiha vhe vhámuvhwenyi lwe azyuha.

Tesitamenti Umupwa 1965

¹⁴ Pisinda havili vazile vatendimʼukulyʼavishumi nawoka, pʼahavitushizya, ahavapilila namaganigani gavo nuvugomu vwa moyo gavo, she zitavahozilʼavene zye vavavuzizye vuvo ve vamuwenyi ukuti azyusile.

Maliko 16:14 ပူးပေါင်းရင်းမြစ်များ

Matayi 11:20

Pe uYeesu ahanda kuvhapilila avhantu avha mu nkaaya zye ávhomvile amafindango aminji, mwe pe avhantu ivho vhatápindusile.

Matayi 17:20

Uweene ahavhaamula ahati, “Mwaaposiitwe, mwe pe ulwitiho lwinyu lunsi. Nalyoli nkuvhavhuuzya kuuti, inga mwaamile nu lwitiho ulunsi inza imbeyu iya haladaali ye nyinsi kuluusya imbeyu zyonti, mungalivhuuzya igamba ili kuuti, ‘Kumpuuha ipa, usogole paala,’ lyope lingakumpuha. Naashimo she shilivhapoota imwe.

Matayi 28:17

Lwe vhamulola, vhahamusugamilila, ileelo vhamo vhahavha na maganigani kuuti pamo te wuuyo.

Maliko 7:18

Woope ahati, “Vhuli, niimwe muli she mutakumanyinsanya? Mutamanyile kuuti she shikumwinjila umuntu kufuma kunzi shitangamuhombezya?

uLuuka 24:11

Avhasundikwa lwe vhiivwa inongwa izyo, vhahalola zya vhuvhwelevhwele, vhatahiitiha.

uLuuka 24:25

Uweene uYeesu ahavhavhuuzya ahati, “Imwe mwe vhapukupuuku! Shooni she amooyo giinyu magomu kwitiha zyonti zye avhakuvhwi vháyanzile?

Yohani 20:25

Pe avhasundikwa avhamwavho ivho vhahamuvhuuzya vhahati, “Iswe tumuvhwenyi uMwene.” Ileelo uweene ahavhaamula ahati, “Ine ntangiitiha izyo inga ntagalola amavhamba aga masumaali mu nyoovhe zyakwe, na pa luvhazu lwakwe, nu kumupalamansya ni nyoovhe yaane.”

Yohani 20:26

Lwe zyatuuha insiku 8 kufuma pe uYeesu ávhalolesheeye, avhasundikwa vhávhungiine pooka havhili mu nyumba yimo. Isiku ilyo uToomasi áamile pooka navho. Amalyango gáamile magalile, uYeesu ahavhaloleshela havhili, ahimiilila pahati yaavho, ahavhalamuha ahati, “Uvhutehamu vhuvhe pooka niimwe!”

Yohani 20:27

Pe ahamuvhuuzya uToomasi ahati, “We Toomasi, nzaaga umpalamansye ni nyoovhe yaaho mu nyoovhe zyane. Havhili, umpalamansye ni nyoovhe zyaho pa luvhazu lwane. Utahajendeelele kuvha we muntu we atakwitiha, nkandi uvhe we muntu we akwitiha.”

Yohani 21:1

Lwe ahavhaliilizyo hatuuha, uYeesu ahavhaloleshela havhili avhasundikwa vhaakwe pa luvhazu pa sumbi uwa Tibeeliya. Lwe ashiili kuvhaloleshela zyáli ishi,

Yohani 21:14

Ulwo lwáli lwa vhutatu uYeesu kuvhaloleshela avhasundikwa vhaakwe, lwe uMulungu amuzyusya.

iMbombo izya Vhatumwa 1:3

Ku havhaliilizyo aha nsiku 40 kufuma pe ázyusile, ahavhaloleshelaga ulwinji avhatumwa vhaala. Ahavhahomelezyaga ulwinji kuuti uweene mupuuma, havhili ahavhasambilizyaga inongwa izya vhumwene uvhwa Mulungu.

1 VaKolinti 15:5

Ahamuloleshela uKeefa, pisinda ahavhaloleshela avhatumwa vhaakwe 12.

Ishitushizya 3:19

Vhonti vhe mbakunzite, nkuvhapilila nu kuvhasunda, pe uvhe nu mute kutonta.