Maliko 16:1 - ULufingwi uLupwa

¹ Isiku ilya Sabaato ahavhaliilizyo aha hamazuuvha Pachiyeeluka, uMaliiya uwa ku Magidaala nu Saloome nu Maliiya unyina wa Yaakobu, vhahakala amafuta ge gakununshila nu mulembo uwa kudinda kuuti ishaala shitahanunshe, inga vhawupashe umuvhili uwa Yeesu.

Tesitamenti Umupwa 1965

¹ Ilelo lwe lyasilʼisabati, pʼavaMaliya wa mu-Magadala nuMaliya unyina wa Yakobu, nuSalome vahavalʼukukalʼumulembo, vahati tuvalʼukumupaha.

Maliko 16:1 ပူးပေါင်းရင်းမြစ်များ

Maliko 14:3

Ahavhaliilizyo hehaala uYeesu áamile ku Besaniya mu nyumba iya Siimoni we ku vhwandilo áamile na mambombo. Lwe atendiime kulya ishaakulya, ahinjila umwantanda wumo na mafuta ge gakununshila ge gáamile ga nsavho nkaani. Amafuta igo gáamile mu nsupa ye vhagombeeye ivhwe ilya nsavho nkaani lye vhahatinji ialabaasita. Ahagubula insupa iyo, ahamwitiilizya uYeesu pi itwe kulolesya umushinzi.

Maliko 14:8

Uweene avhomba liila lye angalivhomba, awupaha umuvhili waane kunsengaanya kwi isiku ilya kusyilwa.

Maliko 15:40

Kwáli avhantanda vhe vhahenyaaga ukutali, áliipo uMaliiya uwa ku Magidaala nu Saloome nu Maliiya unyina wa Yoose umuzuuna uwa Yaakobu.

Maliko 15:42

Isiku ilyo lyáli lisiku ilya kusengaanya iSabaato ye yáali isiku lye lihalandataga. Lwe haafiha hamazuuvha,

Maliko 15:47

Woope uMaliiya uwa ku Magidaala nu Maliiya unyina wa Yoose vhahalola pe áshisyiliiye ishaala isha Yeesu.

Maliko 16:2

Isiku ilya Pamulungu, inzanshi nkaani, vhahasogola ku mbiipa, vhahafiha lwe izuvha lyatukula.

Maliko 16:8

Pe avhantanda vhaala vhaheepa naluvhiilo pa mbiipa, vhahatetema nu kuhasamala. Vhatahamuvhuuzya umuntu nuumo, mwe pe vháamile ni lyoga.

uLuuka 23:54

Isiku ilyo, lyáli lisiku ilya kusengaanya iSabaato, mwe pe yápalamiiye kutaliha.

uLuuka 23:56

Pisinda, vhahavhwela kuhaaya, vhahasengaanya amafuta ge gakununshila nu mulembo uwa kudinda kununka. Isiku ilya Sabaato vhahatuuzya, inza vwe indajizyo izya Moose zikulajizya.

uLuuka 24:1

Isiku ilya Pamulungu, inzanshi nkaani lwe kukuvhambunkana, avhantanda vhaala vhahasogola ku mbiipa. Avhantanda ivho, vhányatuuye amafuta ge gakununshila nu mulembo we vhásengiinye uwa kudinda kuuti ishaala shitahanunshe.

Yohani 19:25

Yeenya, kwáli avhantanda vhane vhe vhímiliiye papiipi ni shihovhenkanyo isha Yeesu. Mu vhantanda ivho kwáli unyina wa Yeesu, nu nyina umunsi uwa Yeesu nu Maliiya umushi wa Kileyoopa nu Maliiya uwa ku Magidaala.

Yohani 19:31

Isiku ilyo lyáli lisiku ilya kusengaanya iSabaato. Avhalongozi avha Vhayuuda vhatahanzaga kuuti ivwala visyale pa vihovhenkanyo isiku ilya Sabaato, mwe pe lyámile lisiku ipiti nkaani. Pe vhahasogola kwa Pilaato, vhahamulaavha kuuti avhitishile kuuti avhasikaali vhasogole vhavivunze ivinama ivwa vhantu vhe vhávhahomeleeye nu kuvwefwa ivwala vwavho pa vihovhenkanyo.