Maliko 15:43 - ULufingwi uLupwa

⁴³ ahinza umuntu wumo we vhahatinji uYoosefu, uwa mu nkaaya iya Alimataayi, ahayigomwa, ahasogola kwa Pilaato, ahamulaavha kuuti anyatule ishaala isha Yeesu, inga ashisyile. UYoosefu ahashindikwaga nkaani, áamile wa mu lukuvhato ulwa Vhayuuda, woope ahavhugulililaga uvhumwene uvhwa Mulungu.

Tesitamenti Umupwa 1965

⁴³ pʼuYosefu wa mu-Alimatiya umuhombe umwimishilwa, we wope ahagulililʼuvumwene vwa Mulungu, wʼahayitumpiha ahinjila kwa Pilati, ahalavʼiṿimba lya Yesu.

Maliko 15:43 ပူးပေါင်းရင်းမြစ်များ

Matayi 19:30

Yeenya, avhantu vhe vhatakushindikwa ahavhaliilizyo iha, vhaliivha vhantu vhe vhakushindikwa, vhoope vhe vhakushindikwa ahavhaliilizyo iha, vhaliivha vhantu vhe vhatakushindikwa.”

Matayi 20:16

Vwe ziliivha, avhantu vhe vhatakushindikwa ahavhaliilizyo iha, vhaliivha vhantu vhe vhakushindikwa, vhoope vhe vhakushindikwa ahavhaliilizyo iha, vhaliivha vhantu vhe vhatakushindikwa.”

Matayi 27:57

Lwe haafiha hamazuuvha, ahinza umuntu wumo udumbwe we vhahatinji uYoosefu, uwa mu nkaaya iya Alimataayi, woope áali musundikwa wa Yeesu.

Maliko 14:54

UPeeteli ahavhanga akulandata mwisinda ukutali, ahinjila pa lupitu ulwa nyumba iya mupuuti umupiti, ahatendama pooka na vhavhomvi avha mupuuti umupiti kwota umwoto.

Maliko 15:44

UPilaato ahasukumila kwivwa kuuti uYeesu aafwa naluvhiilo. Ahamwita umupiti uwa vhasikaali, ahamuvhuziilizya inga uYeesu afuuye hali.

uLuuka 2:25

Ahavhaliilizyo iho ku Yelusaleemu, kwáli umuntu wumo we vhahatinji uSimiyooni. Umuntu uyo áamile mugolosu, havhili ahamushindihaga uMulungu. Ahasuvhilaga kwinza ukwa we alivhapoha aVhaisilayeeli. USimiyooni ahalongolwaga nu Mupepo uMufinjile.

uLuuka 2:38

Lwe uSimiyooni akuyanga nu Yoosefu nu Maliiya, uAana áyimiliiye papiipi navho. Pe ahanda kumutiima uMulungu kuzya mwana uYeesu nu kuyanga inongwa zyakwe ku vhantu vhonti vhe vhahasuvhilaga kuuti uMulungu alivhapoha aVhaisilayeeli.

uLuuka 23:50

Kwáli umuntu wumo kufuma mu nkaaya iya Alimataayi mu nsi iya Vhayuuda, izina lyakwe vhahatinji uYoosefu. UYoosefu áamile wooka mu vhapiti avha Vhayuuda. Ileelo atítinkiine na vhamwavho kumugoga uYeesu, mwe pe áamile mugolosu pilongolela ilya Mulungu. Havhili, ahasuvhilaga kwinza ukwa vhumwene uvhwa Mulungu.

Yohani 19:38

Kwáli umuntu wumo kufuma mu nkaaya iya Alimataayi, izina lyakwe vhahatinji uYoosefu. Umuntu uyo áali musundikwa uwa Yeesu, ileelo kukwilu, mwe pe ahavhogopaga avhalongozi avha Vhayuuda. Lwe izyo zyonti zyatuuha, pe umuntu uyo ahasogola kwa Pilaato, ahamulaavha kuuti anyatule ishaala isha Yeesu, inga ashisyile. UPilaato ahamwitishila. Pe uYoosefu ahasogola, ahashiisya ishaala isha Yeesu pa shihovhenkanyo.

iMbombo izya Vhatumwa 13:50

Ileelo aVhayuuda vhahavhasonjeelezya avhantanda avha mushinzi vhe te Vhayuuda vhe vhahamunyilaga uMulungu, na vhapiti avha nkaaya iyo. Ivho vhahavhasonjeelezya avhantu kuuti vhavhayimvwe avha Paavhuli nu Balinaaba, vhahavhashimbizya mu nsi yaavho.

iMbombo izya Vhatumwa 17:12

AVhayuuda avhinji pooka na vhanaavuli na vhantanda avha Shiyunaani avhashindamu, vhahamwitiha uYeesu.

Filipi 1:14

Kukungwa kwane, kutwaliiye avhamwitu avhinji kumwitiha uMwene, havhili vhali nu vhudandamazu nkaani kulumbiilila izwi ilya Mulungu ishisita kwogopa.