Maliko 14:61 - ULufingwi uLupwa

⁶¹ Ileelo uYeesu ahapuuma, atahaamula naashimo. Pe umupuuti umupiti ahamuvhuziilizya havhili ahati, “Iwe we Chilisiti, uMwana wa Mulungu uMushindamu?”

Tesitamenti Umupwa 1965

⁶¹ Uwenʼahapuma mwa, ahasita nukwamula nalimo. Pʼuwashiputʼumupiti ahavuyizyʼukumuvuzilizya, ahati: Iwe we Chilisiti lelo, we Mwana wa Muhatalutimo?

Maliko 14:61 ပူးပေါင်းရင်းမြစ်များ

Matayi 16:16

USiimoni uPeeteli ahamwamula ahati, “Iwe we Chilisiti, uMwana wa Mulungu uMulanzi!”

Matayi 3:17

Izwi ilya Mulungu lihivwiha kufuma ku mwanya lihati, “Uno we Mwana waane unkundwa we nkuhondezelwa nawo.”

Matayi 8:29

Pe vhahahoola nkaani, vhahati, “Shooni she ukutwinjiilila iwe we Mwana wa Mulungu? Vhuli, uyinzile kutulovwa she ahavhaliilizyo hashiili?”

Maliko 14:60

Pe umupuuti umupiti ahimiilila pahati yaavho, ahamuvhuziilizya uYeesu, ahati, “Shooni she utakuvhaamula vwe vhakuhomeshezya?”

Maliko 15:2

UPilaato ahamuvhuziilizya uYeesu ahati, “Iwe we Mwene uwa Vhayuuda?” UYeesu ahati, “Iwe we wayanga.”

Yohani 1:34

Pe uYoohani ahati, “Niine nazilola, havhili nkuhomeshezya kuuti uno Mwana wa Mulungu.”

Yohani 10:24

Pe aVhayuuda vhamo vhahamuzyunguula uYeesu, vhahamuvhuziilizya vhahati, “Vhuli, kwe ututamwe mu mooyo giitu kufishila lii? Inga nalyoli iwe we Chilisiti, tuvhuuzye apazelu.”

Yohani 10:36

Vhuli, shooni she mukuti ine nkumusaamula uMulungu lwe nkuti, ‘Ine ne Mwana wa Mulungu’? UTaata we ansavhuuye nu kunsonteelezya mu nsi.

Yohani 18:37

Pe uPilaato ahamuvhuziilizya ahati, “Vhuli, ishi zya nalyoli kuuti iwe we mwene?” UYeesu ahamwamula ahati, “Iwe we wayanga kuuti ine ne mwene. Ine nápafwilwe mu nsi umu, havhili nínzile, inga mbasambiilizye avhantu uvhwanalyoli. Umuntu wonti we akuvhulandata uvhwanalyoli, akugatejeelezya amazwi gaane.”

Yohani 19:7

AVhayuuda vhahamwamula uPilaato vhahati, “Iswe tuli nu lulajizyo. Kulandatana nu lulajizyo ulwo, yikwanzilwa afwe, mwe pe akuyivhiiha kuuti Mwana wa Mulungu.”

Yohani 19:9

Pe ahinjila havhili nu Yeesu mu nyumba iya kukonzezya, ahamuvhuziilizya ahati, “Ukufuma kwoshi?” Ileelo uYeesu atahamwamula naashimo.

iMbombo izya Vhatumwa 8:32

UVhusimbe uVhufinjile uvhwo vhwe umupiti uyo ahavhazyaga, vhukuti, “Vhámulongoleziizye ngati ngʼonzi ye vhakusogola kuyivhoola, ápuumile vhweleele, inza ahagonzi vwe hakupuuma lwe vhakuhatenda amasepe.

1 Timoti 1:11

Insambiilizyo izyo zikufuma mwi Izwi iLyinza lye likulolesya uvhupiti uvhwa Mulungu uwa Vhushindamu. Uweene we ampiiye Izwi ilyo kuuti ndilumbililaje.

1 Timoti 6:15

Kwinza kwakwe kuliivha ahavhaliilizyo he uMulungu wuuyo ámuvhishiiye. Uweene wu Mulungu uwa Vhushindamu we akukonzya wuuyo weeka! Havhili wu Mwene uwa vhamwene na vhapiti.

1 Peteli 2:23

Uweene lwe akuligwa, atávhagalusiziizye izwi inga lyoka ilya kuvhaliga. Lwe vhakumuyimvwa atáyanzile naashimo isha kuvhoogofwa, ileelo ámulesheeye uMulungu zyonti we akulonga avhantu ku vhugolosu.