Maliko 14:6 - ULufingwi uLupwa

⁶ Ileelo uYeesu ahati, “Muleshi, shooni she mukumutamwa? Ambombela inyinza.

Tesitamenti Umupwa 1965

⁶ UwenʼuYesu ahati: Simumuleshʼumwantandʼuno, mukumuhasamiha shonu? Shʼimbombo yʼambombeyʼine ye nyinza.

Maliko 14:6 ပူးပေါင်းရင်းမြစ်များ

Matayi 26:10

Lwe uYeesu azimanya zye vhahasiivhaga, ahati, “Shooni she mukumutamwa umwantanda uno? Uweene ambombela inyinza.

Maliko 14:5

Yeenya, amafuta iga twaamile tukazyaje nu kuposheela idinaali 300 nu kutuuha, nu kuuvhapa avhapiina zyenezyo.” Vhahamupilila umwantanda ula.

Maliko 14:7

Yeenya, avhapiina muli navho insiku zyonti, inga mwasungwa muhondeeye kuvhaavwa ahavhaliilizyo honti. Ileelo ine te mbe niimwe ahavhaliilizyo honti.

iMbombo izya Vhatumwa 9:36

Mu nkaaya iyamwavho ye vhahatinji iYaafa áliipo umwantanda wumo, umulandati uwa Yeesu, izina lyakwe vhahatinji uTaabita. (Mu njango iya Shiyunaani, wu Dolikaasi.) UDolikaasi ahavhavwaga avhapiina nu kuvhomba imbombo izinji inyinza.

2 VaKolinti 10:18

Umuntu wonti we akuyihomeshezya inyinza wuuyo atakwitishilwa, nkandi we uMwene uYeesu akumuhomeshezya inyinza.

2 VaKolinti 9:8

Pe uMulungu kwe avhalootaje mu nyinji, inga ahavhaliilizyo honti muvhanje ni vintu vwonti vwe mukwanza, inga muvhanje mwe vhantu avha kuvhomba inyinza inyinji izya kuvhaavwa avhanji.

VaEfeso 2:10

Iswe swe vipelwa ivipwa ivwa Mulungu. Uweene atupezile vhupwa kwi idala ilya kusopenkana nu Chilisiti uYeesu, inga tuvhombe imbombo inyinza. Imbombo izyo uMulungu ázisengiinye kufuma hali, inga iswe tuzivhombaje.

Kolosi 1:10

Tukulaavha isho, inga muvhombaje zye zikulolesya uvhushindamu kwa Mwene uYeesu, havhili kwi idala lyonti muvhombaje zye zikumuhondezya uweene. Mufishile kuvhomba imbombo inyinza izya mavhiila mu mavhiila, nu kwonjela kumumanya uMulungu.

2 VaTesaloniki 2:17

avhasuvhaalizye amooyo nu kuvhagomwa, inga muvhombaje nu kuyanga zye nyinza.

1 Timoti 5:10

Avhanje amanyisile kuuti avhombaga imbombo inyinza, inza kusunga avhaana vhaakwe ahinza nu kuposheela avhajeni nu kuvhaavwa avhafinjile ku vhutonsu nu kuvhaavwa vhe vhali mu mayimba nu kuyifumwa ku mbombo izinji zyonti inyinza.

1 Timoti 6:18

Havhili, uvhavhuzyaje kuuti vhavhombaje inyinza, inga vhavhe vhe vhadumbwe ku nyinza. Vhavhanje nu vhwila uvhwa kuvhaavwa avhanji ni vwuma vwavho ku mwoyo uwa luseshelo.

2 Timoti 2:21

Vhwevhulo, inga umuntu akuyizelufwa mu vhutalamalandu uvhwo vhwonti, kwe avhe shiliilo she uwa nyumba kwe ashivhombele mu mbombo izya mushinzi. Kwe avhe asavhuliilwe nu Mwene uYeesu, havhili kwe avhe nu vhwinza ku kwakwe uvhwa kuvhomba imbombo zyonti inyinza zye zikwanzilwa.

2 Timoti 3:17

Kuli izyo, umuntu uwa Mulungu akuvha mulunjisu, havhili akuvha ayisengiinye kuvhomba imbombo inyinza zyonti.

uTiiti 2:14

UYeesu we áyifumwizye ku zyitu, inga atutavhule kufuma mu vhutalamalandu vhwonti nu kutuzelufwa tuvhe swe vhantu vhaakwe vhe vhakuyifumwa ku mute kuvhomba inyinza.

uTiiti 2:7

Niiwe weneewe uvhombaje ahinza mu zyonti, ufishile kuvha we shiholanyo ishinza kuli ivho. Ahavhaliilizyo he ukuvhasambiilizya avhantu, uvhasambilizyaje mu vhwanalyoli, ishisita isuufwo.

uTiiti 3:14

Avhantu vhiitu vhasambililaje kuvhomba inyinza ahavhaliilizyo honti, inga vhavhavwaje avhantu avhanji ivintu vwe vhasovheliilwe. Ipo pe vhakuvha vhakuvhahondezya avhanji mu vhuyo vhwavho.

uTiiti 3:8

Ilyo lizwi lya nalyoli. Nkwanza kuuti uhomelezyaje ku vhe vhakumwitiha uMulungu, kuuti vhayifumwaje nkaani kuvhomba imbombo inyinza, mwe pe amazwi igo minza, havhili gakuvhaavwa avhantu vhonti.

VaHebuli 10:24

Havhili tukwanzilwa tusajilanaje nu kugomanya amooyo nu kukundana nu kuvhombelana inyinza.

VaHebuli 13:21

Havhili uMulungu ajendeelele kuuvhapa amaha aga kuvhomba zye uweene akasiime, avhombe mu mooyo giinyu kwi idala ilya Yeesu Chilisiti zye zikuhondela pilongolela lyakwe. Uweene ashindikwaje shiima shiima! Amina.

1 Peteli 2:12

Muvhanje nu lujendo ulwinza pilongolela ilya vhantu vhe vhatamwitisile uMulungu. Pe inga vhakuvhayanga kuuti mwe vhavhomba mbiivhi, vhazilolaje imbombo zyinyu inyinza, inga vhahamutiime uMulungu ku zyinyu, isiku ilya kwinza kuvhalonga avhantu vhonti.