Maliko 14:21 - ULufingwi uLupwa

²¹ Ne Mwana wa Aadamu kwe mfwe inza vwe nsimviliilwe mu Vhusimbe uVhufinjile. Ileelo asheela umuntu uyo we akunaniila. Yaamile kwashi ku kwakwe, inga atápafwilwe.”

Tesitamenti Umupwa 1965

²¹ UwenʼuMwanamuntu akuvuha inza she lisimṿilwe kuli wuyo. Nkandi ye mwe we muntu, wʼukumwanililʼuMwanamuntu. Hali hinza ukusitʼukupapwa nalumʼiwe.

Maliko 14:21 ပူးပေါင်းရင်းမြစ်များ

Matayi 26:54

Vhuli, inga navhomba vhwevhulo, pe zingalunjiha vhuli zye zisimviilwe mu Vhusimbe uVhufinjile kuuti isho vwe zikwanzilwa kuvha?”

Matayi 26:56

Ileelo izi zyavhombeha, inga zye avhakuvhwi vhásimvile mu Vhusimbe uVhufinjile zilunjishe.” Pe avhasundikwa vhaakwe vhonti, vhahamuleha weeka nu kushimbila.

Maliko 14:20

UYeesu ahavhaamula ahati, “Ali pahati yiinyu imwe 12 we akusanzila ikaati pooka niine mu luvhiga.

Maliko 14:22

Lwe vhakulya, uYeesu ahanyatula ikaati, ahaliloota, ahalimensula, ahaavhapa, ahati, “Nyatuuli, uno we muvhili waane.”

Maliko 14:49

Insiku zyonti navhanga niimwe nkusambiilizya pa Nyumba iMfinjile, ileelo mutandemaga! Ileelo izi zyavhombeha, inga zye zisimviilwe mu Vhusimbe uVhufinjile zilunjishe.”

uLuuka 22:22

Ne Mwana wa Aadamu kwe vhavhale vhangoje, inza vwe uMulungu ákasiime. Ileelo asheela, umuntu uyo we akunaniila!”

uLuuka 24:44

Pe ahavhavhuuzya ahati, “Izi, zye naavhavhuziizye ahavhaliilizyo he naamile pooka niimwe, kuuti inongwa zye zisimviilwe mu ndajizyo izya Moose, na makalaata aga vhakuvhwi, na mwi ikalaata ilya Zabuuli zye zikuyanga izyane, zyonti zikwanzilwa zivhombeshe.”

Yohani 19:28

Lwe uYeesu aamanya kuuti aamala kuyivhomba imbombo yaakwe, ahati, “Ishinyooto shanduma.” Áyanzile vhwevhulo, inga zilunjishe zye zisimviilwe mu Vhusimbe uVhufinjile.

iMbombo izya Vhatumwa 1:25

inga apwanile pa mbombo iya vhutumwa ye uYuuda aayilesile, aafwa nu kusogola pe pamuhondeeye wuuyo kuposheela isunde.”

iMbombo izya Vhatumwa 2:23

Inza vwe uMulungu ámanyile nu kusivhiilila kuvhomba kufuma hali, ahamuleeta uYeesu kuli imwe. Niimwe muhamugoga kwi idala ilya kuvhasonzya avhatalamalandu kuuti vhamuhomeele pa shihovhenkanyo.

iMbombo izya Vhatumwa 4:27

Nalyoli vwe zili! Umwene uHeelodi nu Pontiyo uPilaato pooka na Vhaisilayeeli na vhantu avha nsi izinji vhavhungiine mu nkaaya ino, kuzya Yeesu umuvhomvi waaho umufinjile. Havhili uyo we wámusevile kuuti avhe wu Chilisiti.