Maliko 14:18 - ULufingwi uLupwa

¹⁸ Lwe vhakulya, uYeesu ahavhavhuuzya ahati, “Nalyoli nkuvhavhuuzya kuuti, wumo muli imwe we akulya pooka niine kwe ananiile.”

Tesitamenti Umupwa 1965

¹⁸ Ilelo lwe vatendimʼukulya, pʼuYesu ahavavuzya ahati: Nalyoli nkuvavuzyʼine nkuti mwe muvaliye, woka wʼakulya poka nane, wʼalinanililʼine.

Maliko 14:18 ပူးပေါင်းရင်းမြစ်များ

Matayi 26:21

Lwe vhakulya, uYeesu ahavhavhuuzya ahati, “Nalyoli nkuvhavhuuzya kuuti, wumo muli imwe kwe ananiile.”

Matayi 5:18

Nalyoli nkuvhavhuuzya kuuti, lwe hashiili kufiha ahavhaliilizyo he imwanya ni nsi viliyeepa, yitaliipo poosye iheelufi inyinsi, poosye ahandona inga hooka aha ndajizyo izya Moose he haliyeepa lwe zyonti zye zili muumwo zishiili kulunjiha.

Matayi 6:16

“Lwe mukuyiima kulya, pa minso giinyu patalolesyaje uvhuswimiilizu inza vwe avhashifumbo vhakuvhomba. Avheene vhakulolesya uvhuswimiilizu pa minso gaavho, inga avhantu vhavhalole kuuti vhakuyiima kulya. Nalyoli nkuvhavhuuzya kuuti, vhaposheleeye ivipeelwa vwavho.

Matayi 6:2

Ishi lwe mukuvhaavwa avhapiina, mutakumusyaje ku vhantu inza vwe avhashifumbo vhakuvhomba mu masinagoogi na mu madala, inga avhantu vhavhatiime. Nalyoli nkuvhavhuuzya kuuti, vhaposheleeye ivipeelwa vwavho.

Matayi 6:5

“Lwe mukumulaavha uMulungu, mutavhanje ngati vhashifumbo. Avheene vhakusungwa kuyilolesya ku vhantu lwe vhakumulaavha uMulungu mu masinagoogi na mu madala amalehaana, inga avhantu vhavhatiimaje. Nalyoli nkuvhavhuuzya kuuti, vhaposheleeye ivipeelwa vwavho.

Maliko 10:15

Nalyoli nkuvhavhuuzya kuuti, umuntu wonti we atakumusuuvhila uMulungu inza umwana vwe akumusuuvhila utaata waakwe, te ahinjile naalumo mu vhumwene uvhwa Mulungu.”

Maliko 10:29

UYeesu ahati, “Nalyoli nkuvhavhuuzya kuuti, umuntu wonti we ayilesile inyumba yaakwe, poosye avhanine avhanaavuli, poosye avhantanda, poosye utaata waakwe, poosye umaayi waakwe, poosye avhaana, poosye amagunda, ku zyane na kuzya Izwi iLyinza ilya Mulungu,

Maliko 14:17

Lwe havha havhaliilizyo aha hamazuuvha, uYeesu ahafiha paala pooka na vhasundikwa vhaakwe 12.

Maliko 14:19

Avhasundikwa vhaakwe vhahaswimiililwa, vhahanda kumuvhuziilizya, wooka wooka kuuti, “Vhuli, neene?”

Maliko 14:25

Nalyoli nkuvhavhuuzya imwe kuuti, te nkamwele havhili idivaayi, kufishila isiku liila pe ndimwela idivaayi impwa mu vhumwene uvhwa Mulungu.”

Maliko 14:9

Nalyoli nkuvhavhuuzya kuuti, mu nsi yonti pe vhalikumusya Izwi iLyinza, niili lye avhomba umwantanda uno kwe liyangwaje kumukumbuha.”

Maliko 3:28

“Nalyoli nkuvhavhuuzya kuuti, avhantu vhaliswilwa uvhutalamalandu vhwonti nu musaamu wonti,

Maliko 6:11

Ileelo ponti paala pe vhatavhaposheela, poosye kuvhatejeelezya, lwe mukwepa penepo mupupulaje nu lusuuto lwe luli mu vinama vwinyu.”

Maliko 8:12

UYeesu ahaswimiililwa nkaani mu mwoyo waakwe, ahati, “Shooni she avhantu avha havhaliilizyo iha vhakwanza ishilolesyo? Nalyoli nkuvhavhuuzya kuuti, avhantu ivha te mbalolesye ishilolesyo naashimo.”

Maliko 9:1

UYeesu ahavhavhuuzya avhantu ahati, “Nalyoli nkuvhavhuuzya kuuti, vhaliipo vhamo vhe vhimiliiye ipa, te vhahaafwe, she vhatavhuvhwenyi uvhumwene uvhwa Mulungu lwe vhukwinza ku maha.”

Maliko 9:41

Nalyoli nkuvhavhuuzya kuuti, umuntu wonti we akuuvhapa aminzi aga kumwela, mwe pe imwe mwe vhalandati vhaane, uMulungu aliimupa amalipilo gaakwe.”

uLuuka 11:51

kufuma pe uKaayini ámugozile uAabeli, kufishila pa Zakaliya, we vhámugozile pahati pa shifinjilo ni Nyumba iMfinjile. Nalyoli nkuvhavhuuzya kuuti, avhantu avha havhaliilizyo iha vhalisundwa kuli izyo zyonti.

uLuuka 22:21

“Ileelo mumanyaje kuuti, umuntu we akwanza kunaniila, tukulya pooka nawo ipa.

uLuuka 4:24

Ahajendeelela kuyanga, ahati, “Nalyoli nkuvhavhuuzya kuuti, ataliipo umukuvhwi we vhakumwitiha ku mwavho.

Yohani 1:51

UYeesu ahajendeelela kuyanga kuuti, “Nalyoli nkuvhavhuuzya kuuti, kwe mulole ku mwanya kwigusile, avhahavhizya avha Mulungu vhakuzuvha nu kwiha pali ine ne Mwana wa Aadamu.”

Yohani 13:18

Pe uYeesu ahajendeelela kuvhavhuuzya avhasundikwa vhaakwe ahati, “Ntakuyanga zyonti izyo kuli imwe mwenti, mwe pe mbamanyile kufuma ku vhwandilo avhantu vhe mbasavhuuye kuvha vhasundikwa vhaane. Ileelo nkuyanga izyo, inga zilunjishe zye zisimviilwe mu Vhusimbe uVhufinjile kuuti, ‘Umumanyani waane we alyanga ishaakulya pooka niine, agalunkana kuvha mulugu waane.’

Yohani 13:21

Lwe uYeesu ayanga izyo, ahaswimiililwa nkaani mu mwoyo waakwe, ahayanga apazelu ahati, “Nalyoli nkuvhavhuuzya kuuti, wumo muli imwe kwe ananiile.”

Yohani 13:22

Pe avhasundikwa vhaakwe vhahanda kwenyanya vhuuvho vheeka, mwe pe vhatámanyile kuuti akumuyanga wu naanu.

Yohani 13:38

UYeesu ahamwamula ahati, “We Peeteli, vhuli, nalyoli kwe uyifumwe kufwa ku zyane? Nalyoli nkukuvhuuzya kuuti, lwe inkanda yishiili kuvhilishila, kuuti uvhe wankaana lutatu, kuuti utamanyile.”

Yohani 21:18

Nalyoli nkukuvhuuzya kuuti, lwe we mujaaha, uhayizwalizyaga amenda weeka nu kusogola kwonti kwe ukwanza. Ileelo lwe wagoosipa, uligolosyaga inyoovhe zyaho, nu muntu uwunji we alikuzwalizyaga, nu kukutwala kwe utakwanza.”

Yohani 3:11

Nalyoli nkukuvhuuzya kuuti, iswe tuzimanyile zye tukuyanga, havhili tukuhomeshezya ziila zye tuzivhwenyi, ileelo imwe mutakwitiha zye tukuvhavhuuzya.

Yohani 3:3

UYeesu ahamwamula ahati, “Nalyoli nkukuvhuuzya kuuti, ataliipo umuntu we anginjila mu vhumwene uvhwa Mulungu, inga atapafwilwe ulwa vhuvhili.”

Yohani 3:5

UYeesu ahamwamula ahati, “Nalyoli nkukuvhuuzya kuuti, ataliipo umuntu we anginjila mu vhumwene uvhwa Mulungu inga atapafwilwe kwi idala ilya minzi ni lya Mupepo uwa Mulungu.

Yohani 5:19

UYeesu ahavhavhuuzya avhalongozi ivho ahati, “Nalyoli nkuvhavhuuzya kuuti, ine ne Mwana waakwe, ntangavhomba naalimo ku maha gaane. Nkuvhomba zyeziila zye nkumulola uTaata waane akuvhomba, mwe pe zye uTaata akuvhomba zye niine ne Mwana waakwe nkuvhomba.

Yohani 6:26

UYeesu ahavhaamula ahati, “Nalyoli nkuvhavhuuzya kuuti, te kuuti mukundondola, mwe pe mwaavhwenyi ivilolesyo vwe naavhomvile, nkandi, mwe pe naavhapiiye amakaati, mwalya nu kwikuta.

Yohani 6:32

Pe uYeesu ahavhavhuuzya ahati, “Nalyoli nkuvhavhuuzya kuuti, te wu Moose we ávhapiiye avhataata vhiinyu ishaakulya kufuma ku mwanya, nkandi wu Taata waane we poosye ishi akuuvhapa imwe ishaakulya isha nalyoli kufuma ku mwanya.

Yohani 6:47

“Nalyoli nkuvhavhuuzya kuuti, umuntu we akuniitiha ine, ali nu vhulanzi uvhwa shiima.

Yohani 6:70

Pe uYeesu ahavhavhuuzya ahati, “Návhasavhuuye imwe 12 kuuti muvhe mwe vhasundikwa vhaane, ileelo wooka pahati yiinyu akulongolwa nu Mukwalanzi.”