Maliko 13:22 - ULufingwi uLupwa

²² Yeenya, vhalifumila avhantu vhe vhakuluma ilenga kuuti, ine ne Chilisiti nu kuuti ne mukuvhwi. Vhalivhomba ivilolesyo ivwa kusukumizya, inga vhavhahopenkanye avhantu, inga zingavha poosye na vhasaavhulwa avha Mulungu.

Tesitamenti Umupwa 1965

²² She pe valiloleha avachilisiti avashifumbo navakuvwi avashifumbo, valipelʼamamfindango namayele aga kulingʼukuvatezya nave vasavulwa.

Maliko 13:22 ပူးပေါင်းရင်းမြစ်များ

Matayi 24:24

Yeenya, vhalifumila avhantu vhe vhakuluma ilenga kuuti, ine ne Chilisiti nu kuuti ne mukuvhwi. Vhalivhomba ivilolesyo ivipiti havhili ivwa kusukumizya, inga vhavhahopenkanye avhantu, inga zingavha poosye na vhasaavhulwa avha Mulungu.

Matayi 7:15

“Muvhanje minso na vhakuvhwi avha ilenga, mwe pe lwe vhakuvhinzila, vhakuyivhiiha ngati ngʼonzi. Ileelo mu mooyo gaavho vhali ngati mpumpi.

Maliko 13:21

“Ahavhaliilizyo iho, inga umuntu akuvhavhuuzya kuuti, ‘Yeenya, uChilisiti ali ipa,’ poosye kuuti, ‘Ali kuula!’ Mutahinze mwitishe.

Maliko 13:23

Pe imwe muvhanje minso, ine navhasoha nziila zyonti izyo she zishiili kufumila.”

Maliko 13:6

Nkuvhavhuuzya vhwevhulo, mwe pe avhantu avhinji vhaliyinza kwi izina lyane, vhaliiti, ‘Ine ne ne Chilisiti!’ Vhalivhahopenkanya avhantu avhinji.

Yohani 4:48

UYeesu ahamwamula umulongozi uyo ahati, “Mwe vhantu imwe, vhuli, mutanganiitiha ishisita kulola ivilolesyo ni zya kusukumizya?”

2 Timoti 2:19

Ileelo ulwalo ulwa Mulungu ulwa lwitiho lwe lugomu lwimiliiye, havhili lusimviilwe uvhwanalyoli vhwe vhukuti, “UMWENE uMulungu avhamanyile avhantu vhaakwe.” “Umuntu wonti we akuyanga kuuti muntu wa MWENE, akwanzilwa azileshe imbiivhi.”

1 Yohani 2:18

Mwe vhaana vhaane, ahavhaliilizyo aha kumpeleela hafisile! Mwivuuye kuuti umulugu uwa Chilisiti akwinza, niishi avhalugu avhinji avha Chilisiti vhinzile. Ilyo lye likutuvhiiha kumanya kuuti, tuli mu havhaliilizyo aha kumpeleela.

1 Yohani 2:19

Avhalugu ivho vhafumile kuli iswe, ileelo vhataamile nu vhuliilani uvhwa nalyoli niiswe. Mwe pe inga vhavhanje nu vhuliilani uvhwa nalyoli niiswe, nkandi vhasyaye kuli iswe. Ishi vheefile, inga yiloleshe apazelu kuuti vhataamile nu vhuliilani uvhwa nalyoli niiswe.

1 Yohani 2:26

Nkuvhasimbila izi, kuvhasoha kuzya vhantu vhaala vhe vhakwanza kuvhapuvwa.

Ishitushizya 13:8

Avhantu vhonti vhe vhakutendama pa nsi vhalishipuuta, vhonti vhe amazina gaavho gatásimviilwe mwi ikalaata ilya vhulanzi ilya Hagonzi aha MWENE uMulungu he hávholiilwe. Ikalaata ilyo lyásimviilwe lwe insi yishiili kupelwa.

Ishitushizya 17:8

Ishihanu isho she washilola sháali shipuuma ileelo isaala izi shifuuye. Kwe shifume kwi ilivha ilya ku vhuzimu, ileelo uMulungu kwe ashilovwe. Vhe vhakutendama pa nsi vhalisukumila. Mwe muumwo, avhantu vhonti vhe amazina gaavho gatásimviilwe mwi ikalaata ilya vhulanzi, kufuma pe ulwalo ulwa nsi lwávhisiilwe, vhalisukumila. Vhalisukumila lwe vhashilola ishihanu isho she ku vhwandilo sháali shipuuma, havhili shihafwa ni saala izi shazyuha!