Maliko 13:10 - ULufingwi uLupwa

¹⁰ Isuuti inga Izwi iLyinza lyakumuha insi zyonti, pe uvhusililishilo vhuliyinza.

Tesitamenti Umupwa 1965

¹⁰ NkandʼIvangeli lye pakuti isuti likumukwaje kunkolo zyonti.

Maliko 13:10 ပူးပေါင်းရင်းမြစ်များ

Matayi 12:41

Isiku ilya vhulonzi, avhantu avha mu Nineewe vhaliyimiilila kuvhalonga imwe mwe vhantu avha havhaliilizyo iha, kuuti mwe vhavhiivhi. Vhalivhalonga, mwe pe lwe uYoona akumusya izwi ilya Mulungu ku mwavho, vhátonsite imbiivhi zyavho. Ileelo ipa ndiipo ne mupiti kuluusya uYoona!

Matayi 24:14

Havhili Izwi iLyinza ilya vhumwene uvhwa Mulungu lilikumuha mu nsi zyonti, inga livhe vhuhomeshezi ku vhantu vhonti. Ipo pe uvhusililishilo uvhwa nsi vhuliyinza.”

Maliko 16:15

UYeesu ahavhavhuuzya ahati, “Musogole mu nsi yonti, mukumusye Izwi iLyinza ku vhantu vhonti.

VaLoma 1:8

Isuuti, nkumusalifwa uMulungu kutuushila kwa Yeesu Chilisiti ku zyinyu mwenti, mwe pe ulwitiho lwinyu lukumusile mu nsi zyonti.

VaLoma 10:18

Poosye vhwevhulo, nkuvhuziilizya kuuti, vhuli, aVhaisilayeeli vhatívuuye? Nalyoli vhívuuye, mwe pe uVhusimbe uVhufinjile vhukuti, “Izwi lyavho lyívwisile mu nsi zyonti, na mazwi gaavho gáfisile ku vhusililishilo uvhwa nsi.”

VaLoma 15:19

havhili kwi idala ilya maha aga vilolesyo ni zya kusukumizya, na ku maha aga Mupepo uMufinjile. Kuli izyo, nzyunguluuye mwonti kulumbiilila Izwi iLyinza ilya Chilisiti, kwandila mu nkaaya iya Yelusaleemu kufishila mu nsi iya Ililiiko.

Kolosi 1:23

Nalyoli muli isho pilongolela lyakwe, inga mukujendeelela kumwitiha uChilisiti, nu kuyigomwa nu kuvha na maha, havhili inga mutakwitiha kuleha ulusuuvhilo lwe mwáposheleeye, lwe mwivwa Izwi iLyinza. Izwi ilyo, lye avhavhomvi avha Mulungu vhakumusiizye ku vhantu vhonti avha mu nsi, havhili lye ine ne Paavhuli, ne muvhomvi uwa kukumusya.

Kolosi 1:6

Izwi ilyo lye lyálumbiliilwe kuli imwe, likumusile mu nsi zyonti. Umwo likuvhagalulanya avhantu inza vwe lyávhagaluliinye imwe, kufuma pe mwályivuuye nu kuvhumanya uvhwila uvhwa Mulungu mu vhwanalyoli vhwonti.

Ishitushizya 14:6

Nkalola uhavhizya uwamwavho akubuluha pahati pamwanya, áamile ni Izwi iLyinza ilya shiima. Ahavhalumbiilila vhe vhakutendama pa nsi, insi zyonti ni nkolo zyonti ni njango zyonti ni mpuga zyonti.