Maliko 12:7 - ULufingwi uLupwa

⁷ Ileelo avhalimi ivho lwe vhamulola umwana uyo, vhahapanzanya vhahati, ‘Uno we mupwana waakwe. Ishi nzaaji tumugoje, nu mugunda uno kwe wuvhe wiitu.’

Tesitamenti Umupwa 1965

⁷ Avene nyene avalimi vahati: We wa pavupwanʼuno, shushi tumugoje, pe tukuva swe va pavupwano sweneswe.

Maliko 12:7 ပူးပေါင်းရင်းမြစ်များ

Matayi 2:16

Lwe uHeelodi aamanya kuuti, avhamanyinsanyi avha nzota vhaala vhamuleganya, ahaviitwa nkaani. Pe ahavhalajizya avhasikaali kuuti, vhavhagoje avhaana avhanaavuli vhonti avha ku Betelehemu pooka na vha mu ntala izinji zye zili mu luvhazu, kwandila avhacheeche kufishila avha maaha gavhili. Ávhomvile vhwevhulo kulandatana na vwe áhomesheziizye kufuma ku vhamanyinsanyi avha nzota, ahavhaliilizyo he uluzota lwátalisile kuloleha.

Matayi 21:34

“Lwe ahavhaliilizyo aha kuyevhila haafiha, ahavhasonteelezya avhazya vhaakwe ku vhalimi ivho, inga vhamunyatulile amantonongwa gaakwe.

Maliko 12:12

Avhasambiilizi avha ndajizyo na vhapiti avha vhapuuti na vhasongo avha Vhayuuda, vhahamanya kuuti ishiholanyo isho shihavhayangaga vhuuvho. Pe vhahanzaga kumulema pepaala, ileelo vhahoogopa ivhungaana ilya vhantu. Pe vhahamuleha, vhaheepa.

Maliko 12:6

“Pisinda, ahasyala we mwana waakwe unkundwa, umwanaavuli, ahamusonteelezya woope, ahati, ‘Uno kwe vhamushindishe, mwe pe mwana waane.’

Maliko 12:8

Vhahamulema nu kumugoga nu kumukwesela kunzi ku mugunda.”

iMbombo izya Vhatumwa 2:23

Inza vwe uMulungu ámanyile nu kusivhiilila kuvhomba kufuma hali, ahamuleeta uYeesu kuli imwe. Niimwe muhamugoga kwi idala ilya kuvhasonzya avhatalamalandu kuuti vhamuhomeele pa shihovhenkanyo.

iMbombo izya Vhatumwa 5:28

“Twaavhahaanile ku maha kuuti, mutasambilizyaje avhantu izya Yeesu! Ileelo mukujendeelela kukumusya insambiilizyo zyinyu mu nkaaya yonti iya mu Yelusaleemu, mukwanza yiloleshe kuuti niiswe tuli nu mulandu uwa kumugoga!”

iMbombo izya Vhatumwa 7:52

Kuli umukuvhwi we avhataata vhiinyu vhatámuyimvwizye? Yeenyi, vhahavhagoga avhakuvhwi, poosye vhe vhahakuvhwaga uvhukuvhwi kuzya kwinza ukwa Chilisiti, we mugolosu! Uyo, imwe muhamutwala ku vhalugu, muhamugoga!

VaHebuli 1:2

Ileelo insiku izi izya vhusililishilo, uMulungu ayanzile niiswe kutuushila kwa Mwana waakwe. Ámusavhuuye uMwana uyo kuuti we apwane ivintu vwonti, nu kutuushila ku kwakwe uMulungu ápezile imwanya ni nsi na vwonti vwe vili muumwo.