Maliko 12:28 - ULufingwi uLupwa

²⁸ Umusambiilizi wumo uwa ndajizyo, ahiivwa vwe vhakuyanga nu Yeesu. Lwe aalola kuuti avhaamula ahinza, ahanda kumuvhuziilizya uYeesu ahati, “Mu ndajizyo zyonti, lulajizyo vhuli lwe lwa kwanda?”

Tesitamenti Umupwa 1965

²⁸ Pʼahapalamila wokʼumumanyakalata, wʼahatejelezyaga lwe vakudalinkana nawʼamadali, wʼawenyi pakuti ayamula ahinza, ahamuvuzilizya ahati: Uluhomelezyo ululusyi kunkomelezyo zyonti lwe luli kwi?

Maliko 12:28 ပူးပေါင်းရင်းမြစ်များ

Matayi 19:18

Uweene ahati, “Ndajizyo vhuli?” Pe uYeesu ahamwamula ahati, “Utagogaje, utavhembuhaje, utiivhaje, utahomeshezyaje izya ilenga.

Matayi 23:23

“Mwasheela imwe mwe vhasambiilizi avha ndajizyo, niimwe mwe Vhafalisaayi, mwe vhashifumbo imwe! Mukumufumwizya uMulungu ishigavho shooka pa vigavho 10 poosye ni sha vintu ivinsi inza uvhulende ni ntanga ni binzaali. Ileelo muzilesile imwamu nkaani izya ndajizyo, inza kuvha nu vhugolosu pilongolela ilya Mulungu nu vhwila nu vhutungamu. Izi zye mukwanzilwa kuzivhomba pooka ni nyinsi izyo zye mukuzivhomba.

Matayi 5:19

Pe ishi, umuntu wonti we akushilanya ululajizyo inga lwoka, mu nyinsi izi nu kuvhasambiilizya avhanji kuuti vhazishilanyaaje, uyo aliivha munsi mu vhumwene uvhwa Mulungu. Ileelo we akuzivhombela imbombo nu kuvhasambiilizya avhanji, uyo we aliivha mupiti mu vhumwene uvhwa Mulungu.

Maliko 9:14

Vhahafiha ku vhasundikwa avhamwavho, vhahaaga pali ivhungaana ipiti ilya vhantu livhazyunguluuye, avhasambiilizi avha ndajizyo izya Moose vhahadalinkanaga navho.

uLuuka 11:42

“Mwasheela imwe mwe Vhafalisaayi! Yeenya, mukumufumwizya uMulungu ishigavho shooka pa vigavho 10 poosye ni sha vintu ivinsi inza uvhulende ni nzembwa ni nyanyi izyamwavho izya matundu amavhiila mu mavhiila. Ileelo mutakusaajila kuvhomba ingolosu, poosye kumukunda uMulungu. Izi zye mukwanzilwa kuzivhomba, pooka ni nyinsi izyo zye mukuzivhomba.

uLuuka 20:39

Pe avhasambiilizi vhamo avha ndajizyo vhahati, “Musambiilizi, wayanga zya muumwo!”