Maliko 12:1 - ULufingwi uLupwa

¹ UYeesu ahanda kuyanga na vhantu ku viholanyo ivwamwavho ahati, “Umuntu wumo álimile umugunda uwa mampensya, ahagazenjeelela uluvhaga, ahabana inshelenje iya kufinyila amampensya. Ahazenga inganzya intali iya kwimililila umuguulizi, ahavhavhiiha avhalimi avha kuguulila nu kulimiilila amampensya igo, ahanzaga kuuti inga gaagoma vhahinze vhagavhane nawo, pe ahashuula kusogola ku nsi iya kutali.

Tesitamenti Umupwa 1965

¹ Pʼahandʼukuyanga navo muṿiholanyo, ahati: Pʼali wokʼumuntu, wʼahavwalʼumugunda wa mampensya, nuluvaga ahazenga, ninchelenje iya kufinyila mumwʼamampensya ahabana, ninganzya ahazenga, ahavaleshelʼavalimi, pʼahavala kunsʼiyinji.

Maliko 12:1 ပူးပေါင်းရင်းမြစ်များ

Matayi 13:3

Pe uYeesu ahavhavhuuzya amazwi aminji ku viholanyo. Ishiholanyo shimo ahati, “Umulimi wumo ásogooye kupesa imbeyu zyakwe.

Matayi 21:28

UYeesu ahayanga havhili ahati, “Mukulola vhuli izya shiholanyo ishi? Kwáli umuntu wumo we áali na vhaana avhanaavuli vhavhili. Umuntu uyo ahasogola kwa mwana umutanzi, ahamuvhuuzya ahati, ‘We mwana waane, usogole ileelo kuvhomba imbombo ku mugunda uwa mampensya.’

Matayi 21:33

UYeesu ahajendeelela kuyanga ahati, “Tejeelezyi ishiholanyo ishamwavho. Kwáli umuntu wumo we álimile umugunda uwa mampensya, ahagazenjeelela uluvhaga, ahabana inshelenje iya kufinyila amampensya pahati. Ahazenga inganzya intali iya kwimililila umuguulizi. Ahavhavhiiha avhalimi avha kuguulila nu kulimiilila amampensya igo, ahanzaga kuuti inga gaagoma vhahinze vhagavhane nawo, pe ahashuula kusogola ku nsi iya kutali.

Matayi 21:34

“Lwe ahavhaliilizyo aha kuyevhila haafiha, ahavhasonteelezya avhazya vhaakwe ku vhalimi ivho, inga vhamunyatulile amantonongwa gaakwe.

Matayi 25:14

UYeesu ahajendeelela kuyanga kuuti, “Havhili uvhumwene uvhwa Mulungu vhuholiine ni shiholanyo isha muntu we áshuuye. Lwe aakushuula, ahavhiita avhavhomvi vhaakwe nu kuvhaleshela ishuuma shaakwe, inga vhashitaananie.

Maliko 11:33

Pe vhahamwamula vhahati, “Tutamanyile.” Woope uYeesu ahavhavhuuzya ahati, “Niine ntakuvhavhuuzya kuuti, maha ga naanu ge nkuvhombela izi.”

Maliko 13:34

Ishiholanyo isha kugaluha kwane shili ngati muntu we akushuula, ahayileha inyumba yaakwe na vhazya vhaakwe, ahaavhapa vhonti amaha ni mbombo zyavho. Ahamulajizya umuguulizi uwa mulyango ahati, ‘Uvhanje minso.’

Maliko 3:23

UYeesu ahavhiita, ahayanga navho ku miivhi ahati, “Nalyoli uSeetano angayeefwa wuuyo weeka?

Maliko 4:2

Ahavhasambiilizya inyinji ku viholanyo, ahati,

uLuuka 15:13

“Lwe zyatuuha insiku nyinsi, umwana umunsi uyo ahavivhungaaniha ivintu vwakwe vwonti, ahashuula kusogola ku nsi iya ku vhutali. Lwe aafiha ukwo, ahataliha kunanganya ivwuma vwakwe kufishila pe vwasila vwonti.

uLuuka 19:12

“Kwáli umuntu wumo uwa mu luho ulwa shimwene, we ashuuye kusogola insi iya kutali. Ásogooye ku nsi iyo, inga aposheele amaha aga kukonzya uvhumwene, pe agalushe kuyikonzya insi yaakwe.

uLuuka 22:9

Vhahamuvhuziilizya vhahati, “Ukwanza tusengaanye kwoshi?”

uLuuka 8:10

Ahavhavhuuzya ahati, “Imwe uMulungu avhapiiye kuzimanya izya kukwilu izya vhumwene vhwakwe. Ileelo avhanji nkuvhasambiilizya ku viholanyo, inga ‘vhenyaaje, zye nkuvhomba, ileelo vhatazilolaje. Havhili vhatejelezyaje zye nkuyanga, ileelo vhatazimanyinsanyaaje.’

iMbombo izya Vhatumwa 7:38

Uweene we áamile mu mpuga iya vhataata vhiitu, lwe vhávhungiine mu luugwa muula. Ukwo uhavhizya ahayangaga nawo mwi igamba uSinaayi, woope ahaposheela amazwi aga vhulanzi, inga aatupe iswe.