Maliko 11:25 - ULufingwi uLupwa

²⁵ Lwe mukwimiilila kupuuta, inga umuntu wonti avhavhombeeye ivhiivhi mumuswilaje, inga uTaata wiitu uwa ku mwanya avhaswilaje niimwe uvhupuvi vhwinyu.”

Tesitamenti Umupwa 1965

²⁵ Inga mwimiliye mukuputa, pe muswilʼamalandu ga muntu wengʼali nago kulʼimwe; pe wope nuSo kumwanya ukuti agaswile namwʼamalandu ginyu.

Maliko 11:25 ပူးပေါင်းရင်းမြစ်များ

Matayi 5:23

“Inga ukufumwa impuutile pa shifinjilo, ileelo wakumbuha kuuti uwamwinyu ali ni nongwa niiwe,

Matayi 6:12

Utuswile uvhutalamalandu vhwitu, inza vwe niiswe tuvhaswiliiye vhe vhakutuvhombela uvhutalamalandu.

Matayi 6:5

“Lwe mukumulaavha uMulungu, mutavhanje ngati vhashifumbo. Avheene vhakusungwa kuyilolesya ku vhantu lwe vhakumulaavha uMulungu mu masinagoogi na mu madala amalehaana, inga avhantu vhavhatiimaje. Nalyoli nkuvhavhuuzya kuuti, vhaposheleeye ivipeelwa vwavho.

uLuuka 18:11

“UMufalisaayi uyo ahimiilila kulaavha. Ahalaavha mu mwoyo waakwe, ahati, ‘We Mulungu, nkukusalifwa, mwe pe ine ntali inza avhantu avhanji, avhapumula vintu na vhatalamalandu na vhavhembu, poosye inza umusonchezya musonko uno!

uLuuka 18:13

“Ileelo umusonchezya musonko ula áyimiliiye ukutali, atálinjiziizye poosye kwenya ku mwanya, ahayihomaga-homaga pa shifuvha shaakwe kuyiisya, ahatinji, ‘We Mulungu, umfwile uvhwila, ine ne mutalamalandu!’”

uLuuka 6:37

“Mutavhalongaje avhamwinyu, pe niimwe te muhalongwe. Mutavhakwinkwinaje avhanji, pe niimwe te muhakwinkwinwe. Muvhaswilaje avhamwinyu, pe niimwe muliswilwa.

VaEfeso 4:32

nkandi mufwilanaje uvhwila nu kuvha nu mwoyo umwinza. Muswilanaje inza vwe uMulungu ahavhaswila kutuushila kwa Chilisiti.

Kolosi 3:13

Mujimbililanaje nu kuswilana, inga umuntu amunanjila uwamwavho. Mukwanzilwa kuswilana inza vwe uMwene uYeesu ávhaswiliiye imwe.

Yakobu 2:13

UMulungu te ahaavhe nu vhwila, lwe akumulonga umuntu we atali nu vhwila. Inga umuntu ali nu vhwila ku vhanji, woope uMulungu alimufwila uvhwila pi isiku ilya vhulonzi!

Ishitushizya 11:4

Avhahoome ivho, makwi aga mazayituuni gavhili ni visajishilo ivwa nyaale vivhili vwe vili pilongolela ilya Mulungu, uMWENE uwa nsi zyonti.