Maliko 11:18 - ULufingwi uLupwa

¹⁸ Avhapiti avha vhapuuti na vhasambiilizi avha ndajizyo izya Moose vhahazyivwa zye avhomba, vhahanda kulondola idala ilya kumugoga. Ileelo vhógofile kumulema, mwe pe ivhungaana ilya vhantu lihasukumilaga insambiilizyo zyakwe.

Tesitamenti Umupwa 1965

¹⁸ Zye vahiṿwa navashiputʼavapiti navamanyakalata zinizi, pe vahanzʼizya kumugojela; havili vahogopʼavantʼimpuga yonti, she vahasukumila munsambilizyo zyakwe.

Maliko 11:18 ပူးပေါင်းရင်းမြစ်များ

Matayi 21:15

Ileelo lwe avhapiti avha vhapuuti na vhasambiilizi avha ndajizyo izya Moose vhaalola amafindango igo ge uYeesu ávhomvile, havhili lwe vhiivwa avhaana vhakuvhilishila pa Nyumba iMfinjile kuuti, “Ashindikwaje uMwana wa Daavhudi,” vhahaviitwa.

Matayi 7:28

Lwe uYeesu aamala kuyanga amazwi igo, ivhungaana ilya vhantu lihasukumila nkaani insambiilizyo zyakwe,

Maliko 1:22

Avhantu vhahasukumila nkaani insambiilizyo zyakwe, mwe pe ahasambilizyaga ngati muntu we ali na maha, atahasambilizyaga ngati vhasambiilizi vhaavho avha ndajizyo izya Moose.

Maliko 11:32

Poosye inga twati gáfumile ku vhantu, avhantu kwe vhaviitwe.” Vhahoogopa, mwe pe avhantu vhonti vhámanyile kuuti uYoohani áamile mukuvhwi uwa nalyoli.

Maliko 12:12

Avhasambiilizi avha ndajizyo na vhapiti avha vhapuuti na vhasongo avha Vhayuuda, vhahamanya kuuti ishiholanyo isho shihavhayangaga vhuuvho. Pe vhahanzaga kumulema pepaala, ileelo vhahoogopa ivhungaana ilya vhantu. Pe vhahamuleha, vhaheepa.

Maliko 3:6

AVhafalisaayi lwe vhaalola vwe uYeesu amuvhombela umuntu ula, vhahasogola kupanzanya na vhatuuli avha Heelodi vwe kwe vhamugoje uYeesu.

Maliko 6:20

mwe pe uHeelodi ahamugulilaga. Uweene uHeelodi ahamwogopaga uYoohani, mwe pe ámanyile kuuti muntu umugolosu, havhili mufinjile. Ahasungwaga kumutejeelezya, ileelo lwe amutejeelezya ahaswimililwaga nkaani.

uLuuka 19:47

Pe uYeesu ahavhanga akusambiilizya avhantu insiku zyonti pa Nyumba iMfinjile. Avhapiti avha vhapuuti na vhasambiilizi avha ndajizyo izya Moose na vhasongo avha Vhayuuda, vhahavhanga vhakulondola idala ilya kumugoga,

uLuuka 2:47

Vhonti vhe vhahamutejelezyaga, vhahasukumilaga nkaani uvhumanyi vhwakwe na zye ahavhamulaga.

uLuuka 20:19

Avhasambiilizi avha ndajizyo na vhapiti avha vhapuuti, vhahamanya kuuti ishiholanyo isho shihavhayangaga vhuuvho. Pe vhahanzaga kumulema pepaala, ileelo vhahoogopa impuga iya vhantu.

uLuuka 4:22

Vhonti vhahamutiima nkaani, vhahasukumila ku mazwi aga vhuloote ge áyanzile, vhahati, “Uno te mwana wa Yoosefu?”

Yohani 7:1

Lwe izyo zyatuuha, uYeesu ahanda kuzyunguula mu shigavho isha nsi isha Galilaaya. Atahanzaga kuzyunguula mu shigavho isha nsi isha Yudeeya, mwe pe avhalongozi avha Vhayuuda vhahanzaga kumugoga.

Yohani 7:19

UYeesu ahajendeelela kuyanga kuuti, “Mumanyile kuuti uMoose ávhapiiye avhataata vhiinyu indajizyo zyakwe, inga muzilandate. Ileelo ataliipo umuntu pahati yiinyu we akulandata indajizyo izyo. Pe shooni she mukwanza kungoga?”

Yohani 7:46

Avhasikaali ivho vhahavhaamula vhahati, “Ataliipo umuntu uwunji we akuyanga inza vwe uweene akuyanga.”

iMbombo izya Vhatumwa 24:25

Ileelo lwe uPaavhuli akujendeelela kuyanga izya vhugolosu nu kuyikonzya ni zya isiku ilya vhulonzi vhwe vhukwinza, uFeeliki ahoogopa, ahati, “Ishi sogolaaga, kwe nkwite havhili inga navha na havhaliilizyo.”