Maliko 10:52 - ULufingwi uLupwa

⁵² UYeesu ahamuvhuuzya ahati, “Sogolaaga, waapona, mwe pe waniitiha.” Ahavhaliilizyo hanaaho untonko uyo ahataliha kulola havhili, pe ahataliha kumulandata uYeesu mwi idala.

Tesitamenti Umupwa 1965

⁵² UwenʼuYesu ahati: Vuhaga, lukuzuzuvushizizye lwe lwitiho lwaho. Pʼahenyʼapashezi. Pʼahamulandata mwidala.

Maliko 10:52 ပူးပေါင်းရင်းမြစ်များ

Matayi 11:5

Avhantonko vhakulola havhili, na vhantendya vhakujenda na vha mambombo vhakuzelupa. Havhili vhoope avhakuutwi vhakwivwa, na vhafwe vhakuzyuha na vhapiina vhakulumbiililwa Izwi iLyinza.

Matayi 12:22

Pe avhantu vhamo vhahamuleeta uwa mpepo inkandamanu kwa Yeesu. Impepo iyo yámuvhiisile umuntu uyo kuvha wu ntonko nu kuvha wu shinuunu. Pe uYeesu ahamuponia umuntu uyo, woope ahataliha kuyanga nu kulola.

Matayi 15:28

UYeesu ahamwamula ahati, “We mwantanda weewe! Uli nu lwitiho ulupiti nkaani! Yivhombeshe kuli iwe inza vwe ukwanza.” Ahavhaliilizyo hanaaho, umulindu ula ahapona.

Matayi 21:14

Lwe uYeesu ali pa Nyumba iMfinjile ipo, vhahinza avhantonko na vhantendya ku kwakwe, woope ahavhaponia.

Matayi 8:3

UYeesu ahagolosya inyoovhe yaakwe nu kumupalamansya, ahati, “Nkwanza, uzelupe!” Ahavhaliilizyo hanaaho ahazelupa uvhuvhinu uvhwa mambombo.

Matayi 9:22

Lwe amupalamansya, uYeesu ahagalunkana kwisinda. Pe lwe amulola umwantanda uyo, ahamuvhuuzya ahati, “We mwana waane, gomaaga umwoyo! Waapona, mwe pe waniitiha!” Naluvhiilo, umwantanda uyo ahapona.

Maliko 1:31

UYeesu ahamupalamila umuvhinu, ahamulema inyoovhe yaakwe, inzegema yihapona, ahamuvhuusya. Woope ahataliha kuvhavhombela.

Maliko 5:34

UYeesu ahamuvhuuzya ahati, “We mwana waane, waapona, mwe pe waniitiha, sogolaaga, uMulungu akuteteesye, utahaavhine havhili.”

Maliko 8:25

Ahamuvhiishila inyoovhe havhili ku minso, woope ahatontomela, aminso gahiima minza vhweleele, ahalola vwonti ahinza.

uLuuka 7:50

Pe uYeesu ahamuvhuuzya umwantanda uyo ahati, “Waapokwa, mwe pe waniitiha, sogolaaga, uMulungu akuteteesye.”

uLuuka 9:48

Ahavhavhuuzya ahati, “Umuntu wonti we akumuposheela umwana umunsi inza uno kwi izina lyane, akumposheela neene. Woope we akumposheela ine, akumuposheela ula we antumiliziizye. Vhwevhulo, we munsi kuli imwe mwenti, akuvha mupiti kuvhaluusya mwenti.”

Yohani 9:32

Kufuma pe uMulungu ápezile insi, tutahiivwa naalumo kuuti aliipo umuntu we ahamuponia aminso we apafwilwe wu ntonko.

Yohani 9:39

Pe uYeesu ahayanga ahati, “Ine nínzile mu nsi umu kulonga, inga avhantonko vhalolaje, havhili vhe vhakulola, vhavhe vhe vhantonko.”

iMbombo izya Vhatumwa 26:18

uvhiigule aminso gaavho, vheepe mu shiisi na mu maha aga Mukwalanzi, vhinjile mu vhuzelu uvhwa Mulungu. Ipo pe vhaliswilwa uvhutalamalandu vhwavho, havhili vhaliivha pooka na vhanji vhonti vhe vhavhisiilwe kuvha vhafinjile kwi idala ilya kuniitiha ine.’”